ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປ ຈີນ ມອບເຄື່ອງຊ່ວຍເຫຼືອ ເພື່ອຕ້ານພະຍາດ ໂຄວິດ-19 ໃຫ້ແກ່ ສປປ ລາວ

ໃນຕອນບ່າຍຂອງວັນທີ 18 ມີນາ 2020 ເວລາ: 14:00 ຢູ່ທີ່ກະຊວງການຕ່າງປະເທດ ໄດ້ມີພິທີມອບ-ຮັບເຄື່ອງຊ່ວຍເຫຼືອລ້າຈາກ ອຳນາດການປົກຄອງແຂວງຫູໜານ (ຫ້ອງການຕ່າງປະເທດ) ແລະ ເຄື່ອງຊ່ວຍເຫຼືອຈາກ ບໍລິສັດ ຊ່ຽເຟິງ ສາກົນ ແຂວງຫູໜານ, ເພື່ອມອບໃຫ້ລັດຖະບານລາວ ນຳໃຊ້ເຂົ້າໃນການປ້ອງກັນ ແລະ ຕ້ານການແຜ່ລະບາດຂອງພະຍາດໂຄວິດ-19 ທີ່ກຳລັງສົ່ງຜົນກະທົບເປັນວົງກວ້າງໃນປັດຈຸບັນ. ເຄື່ອງຊ່ວຍເຫຼືອດັ່ງກ່າວ ປະກອບມີ: ເຄື່ອງວັດແທກອຸນຫະພູມອິນຟາເຣດ ຈຳນວນ 100 ອັນ, ຊຸດປ້ອງກັນການແພດ 80 ຫີບ (ຈຳນວນ 2,000 ຊຸດ) ແລະ ແວ່ນຕາປ້ອງກັນຂອງແພດ 50 ຫີບ (ຈຳນວນ 400 ອັນ).

ຕາງໜ້າຝ່າຍ ສປ ຈີນ ມອບເຄື່ອງຊ່ວຍເຫຼືອໃນຄັ້ງນີ້ ໂດຍ ທ່ານ ຊົ້ງ ເຈຍເຟິງ, ປະທານ ບໍລິສັດ ຊ່ຽງເຟິງ ສາກົນ ແຂວງຫູໜານ, ປະທານກິດຕິມະສັກຖາວອນ ສະພາການຄ້າແຂວງຫູໜານ ປະຈຳລາວ ພ້ອມດ້ວຍຄະນະ ແລະ ຕາງໜ້າຝ່າຍລາວ ຮັບໂດຍ ທ່ານ ໂພໄຊ ໄຂຄຳພິທູນ, ຫົວໜ້າຫ້ອງການກະຊວງການຕ່າງປະເທດ ພ້ອມດ້ວຍຄະນະ, ໂດຍມີຜູ້ຕາງໜ້າຈາກ ກະຊວງສາທາລະນະສຸກ ແລະ ບໍລິສັດ ການບິນລາວ ເຂົ້າຮ່ວມເປັນສັກຂີພະຍານໃນພິທີດັ່ງກ່າວ.

ຂ່າວຈາກ: ກົມການຂ່າວ, ກະຊວງການຕ່າງປະເທດ.