ໂອກາດເຂົ້າຮ່ວມງານແລກປ່ຽນວັດທະນະທໍາ ລະຫວ່າງປະຊາຊົນຢູ່ຕາມຊາຍແດນ ລາວ-ຈີນ ປະຈໍາປີ 2024 ຈັດຂຶ້ນໃນວັນທີ 21 ມິຖຸນາ 2024 ຢູ່ສະໜາມຫຼວງວັດທະນະທໍາ ເມືອງຫຼ້າ ກິ່ງແຂວງສິບສອງພັນນາ ແຂວງຢຸນນານ ສປ ຈີນ ສື່ມວນຊົນ ຈາກວິທະຍຸກະຈາຍສຽງແຫ່ງຊາດລາວ, ໂທລະພາບແຫ່ງຊາດ, ໜັງສືພິມປະຊາຊົນ, ສໍານັກຂ່າວສານປະເທດລາວ ແລະໜັງສືພິມວຽງຈັນໃໝ່ ໄດ້ມີໂອກາດໄປສໍາຜັກກັບສວນພຶກສາສາດເຂດຮ້ອນ ສິບສອງພັນນາ ແຂວງຢູນານ ຫລືມີຊື່ຫຍໍ້ວ່າ XTBG ເປັນສະຖາບັນວິທະຍາສາດຈີນ (CAS) ສ້າງຕັ້ງຂຶ້ນພາຍໃຕ້ການນໍາພາຂອງນັກພະຍາກອນສາດທີ່ມີຊື່ສຽງ Cai Xitao ໃນປີ 1959. ຕັ້ງຢູ່ລະຫວ່າງເສັ້ນຂະໜານ 101°25′E, 21°41′N, ມີອຸນຫະພູມສະເລ່ຍຕໍ່ປີ 21.4°C. ພາຍຫຼັງການແຍກຕົວອອກຈາກສະຖາບັນພຶກສາສາດຄຸນໝິງ ແລະ ສົມທົບກັບສະຖາບັນນິເວດວິທະຍາຄຸນໝິງ, ສວນພຶກສາສາດເຂດຮ້ອນ ສິບສອງພັນນາ XTBG ໄດ້ຮັບການສ້າງຕັ້ງຂື້ນໃນປີ 1997. ເຊິ່ງເປັນສະຖາບັນຄົ້ນຄວ້າວິທະຍາສາດຄົບວົງຈອນທີ່ມີສ່ວນຮ່ວມໃນການຄົ້ນຄວ້າວິທະຍາສາດ, ການຮັກສາຊະນິດພັນ, ວິທະຍາສາດການພັດທະນາເຕັກໂນໂລຊີທີ່ມີຊື່ສຽງຂອງຈີນ.
ທ່ານ Yangzhen ຜູ້ອໍານວຍການສື່ສານວິທະຍາສາດສວນສະນະພືດສາດເຂດຮ້ອນ Xishuangbanna, ໃຫ້ຮູ້ວ່າ: ສວນແຫ່ງນີ້ ເຮັດໜ້າທີ່ ສຶກສາຜົນກະທົບຂອງກິດຈະກຳຂອງມະນຸດ ແລະການປ່ຽນແປງຂອງດິນຟ້າອາກາດ ຕໍ່ໂຄງສ້າງ ແລະການບໍລິການລະບົບນິເວດພ້ອມທັງກົນໄກການອະນຸລັກຢ່າງມີປະສິດທິພາບ, ການພັດທະນາແບບຍືນຍົງ ແລະ ການນຳໃຊ້ຊັບພະຍາກອນຊີວະພາບທີ່ຖືກຕ້ອງ
ສໍາລັບການຄົ້ນຄວ້າດ້ານວິທະຍາສາດ ໄດ້ສຸມໃສ່ລະບົບນິເວດຂອງປ່າໄມ້, ຊີວະວິທະຍາການອະນຸລັກແລະການພັດທະນາພືດຊັບພະຍາກອນ, ໂດຍມີ 33 ກຸ່ມຄົ້ນຄ້ວາທີ່ກ່ຽວຂ້ອງກັບຂົງເຂດການຄົ້ນຄວ້າທັງໝົດ.
ສວນພຶກສາສາດເຂດຮ້ອນ ສິບສອງພັນນາປະກອບມີ ເນື້ອທີ່ທັງໝົດ 1.125 ເຮັກຕາ ໃນນັ້ນປະກອບມີປ່າດົງດິບເຂດຮ້ອນ 250 ເຮັກຕາທີ່ຖືກຮັກສາໄວ້ເປັນຢ່າງດີ. ມີພັນພືດຫຼາຍກວ່າ 13,000 ຊະນິດທີຫາຍາກ.
ນັບຕັ້ງແຕ່ປີ 2001ເປັນຕົ້ນມາ, ມີຫຼາຍກວ່າ 600 ໂຄງການຄົ້ນຄ້ວາວິທະຍາສາດທີ່ສໍາຄັນໄດ້ ມາສຶກສາຄົ້ນຄວ້າຢູສວນແຫ່ງນີ້ ໃນນັ້ນໄດ້ຮັບລາງວັນ ລະດັບຕ່າງໆ ຈໍານວນ 20ລາງວັນ, 130 ສິດທິບັດແຫ່ງຊາດ ທັງໄດ້ຖືກພິມເຜີຍແຜ່ ແລະ ໄດ້ຮັບການອະນຸມັດສໍາລັບການປະດິດສ້າງວິທະຍາສາດ.
ສວນພຶກສາສາດເຂດຮ້ອນ ສິບສອງພັນນາ ແມ່ນສູນອະນຸລັກແບບປະສົມປະສານ, ທັງເປັນສະຖານີການຄົ້ນຄວ້າແຫ່ງຊາດ ສໍາລັບການສຶກສາລະບົບນິເວດປ່າໄມ້ ແລະສະຖານີສັງເກດການ ສໍາລັບພືດເຂດຮ້ອນທີ່ຫາຍາກ ແລະໃກ້ຈະສູນພັນ,
ສວນພຶກສາສາດເຂດຮ້ອນ ສິບສອງພັນນາ ມີພະນັກງານວິຊາການທັງໝົດ 400 ຄົນ, ລວມທັງນັກຄົ້ນຄວ້າອາຊີບປະມານ 40 ຄົນ. ໃນນັ້ນປະມານ 100 ຄົນແມ່ນອາຈານຄົ້ນຄວ້າ ຫຼື ອາຈານຮ່ວມ.
ມີການພົວພັນກັບອົງການຈັດຕັ້ງສາກົນ ແລະພົວພັນກັບສວນສະນະພືດສາດ, ມະຫາວິທະຍາໄລ ແລະສະຖາບັນການຄົ້ນຄວ້າທາງວິຊາການໃນໂລກຫຼາຍກວ່າ 50 ປະເທດ / ພາກພື້ນ. ໃນແຕ່ລະປີມີນັກວິທະຍາສາດຕ່າງປະເທດມາຈັດກອງປະຊຸມ, ຝຶກອົບຮົມ ຫຼືມາດໍາເນີນການຄົ້ນຄ້ວາ ລະດັບວິຊາການຫຼາຍກວ່າ 200ຄັ້ງ.
ໃນຖານະເປັນສະຖານທີ່ຄົ້ນຄວ້າ ເປັນທັງສະຖານທີ່ທ່ອງທ່ຽວແຫ່ງຊາດ ລະດັບ5A, ເຊິ່ງເປັນລະດັບສູງສຸດຂອງປະເທດ, ເຊິ່ງແຕ່ລະປີໄດ້ຕ້ອນຮັບນັກທ່ອງທ່ຽວປະມານ 750,000ຄົນ.ເຂົ້າມທ່ຽວຊົມ
XTBG ໄດ້ຮັບການຈັດອັນດັບ ເປັນອັນດັບໜຶ່ງ “ແຫຼ່ງທ່ອງທ່ຽວທີ່ມີຫົວຂໍ້ວິທະຍາສາດດີທີ່ສຸດຂອງຈີນ” ຮ່ວມກັນໂດຍອົງການທ່ອງທ່ຽວແຫ່ງຊາດຈີນ ແລະສະພາບັນດິດວິທະຍາສາດຈີນ (CAS) ໃນປີ 2017.
ໂດຍ: ຄໍາກອງ
