ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວິທະຍຸ ສາກົນ ຫວຽດນາມ, ວັນທີ 12 ທັນວານີ້, ທ່ານ ສີ ຈີ້ນຜິງ, ເລຂາ ທິການໃຫຍ່, ປະທານ ປະເທດ ຈີນ ແລະ ພັນລະຍາ ໄດ້ເລີ່ມຕົ້ນ ການຢ້ຽມຢາມ ທາງລັດຖະກິດ ຢູ່ ສສ ຫວຽດນາມ ຕາມຄຳເຊີນຂອງ ທ່ານ ຫງວຽນ ຝູຈ້ອງ, ເລຂາ ທິການໃຫຍ່ ພັກກອມມູນິດ ຫວຽດນາມ ແລະ ພັນລະຍາ, ທ່ານ ຫວໍ ວັນເຖືອງ, ປະທານ ປະເທດ ຫວຽດນາມ ແລະ ພັນລະຍາ. ການຢ້ຽມຢາມ ໄດ້ດຳເນີນ ກົງກັບ ໂອກາດ ສະເຫລີມ ສະຫລອງ ວັນສ້າງຕັ້ງ ສາຍພົວພັນ ຄູ່ຮ່ວມມື ຍຸດທະ ສາດ ຮອບດ້ານ ຄົບຮອບ 15 ປີ (2008 – 2023) ແລະ ພາຍຫລັງ ການຢ້ຽມຢາມ ສປ ຈີນ ຄັ້ງປະຫວັດສາດ ຂອງ ທ່ານ ຫງວຽນ ຝູຈ້ອງ, ເລຂາ ທິການໃຫຍ່ ພັກກອມມູນິດ ຫວຽດນາມ ໄດ້ກວ່າ 1 ປີ (10/2022). ການຢ້ຽມຢາມ ໄດ້ຮັບຄວາມຫວັງວ່າ ຈະສ້າງກຳລັງໜູນໃໝ່ ໃຫ້ແກ່ ການພົວພັນ ຄູ່ຮ່ວມມື ຍຸດທະສາດ ຮອບດ້ານ ລະຫວ່າງ ສສ ຫວຽດ ນາມ-ສປ ຈີນ. ນີ້ແມ່ນ ການຢ້ຽມຢາມ ທາງລັດຖະກິດ ຢູ່ ສສ ຫວຽດນາມ ຄັ້ງທີ 3 ຂອງ ທ່ານ ສີ ຈີ້ນຜິງ ໃນຖານະ ເປັນເລຂາ ທິການໃຫຍ່, ປະທານ ປະເທດ ຈີນ ແລະ ເປັນຄັ້ງ ທຳອິດທີ່ ທ່ານ ສີຈີ້ນຜິງ ປະຕິບັດ ການຢ້ຽມຢາມ ສະເພາະ ປະເທດໜຶ່ງ ພາຍຫລັງ ສິ້ນສຸດ ກອງປະຊຸມໃຫຍ່ ຄັ້ງທີ XX ຂອງພັກກອມມູນິດ ຈີນ (10/2022). ນີ້ແມ່ນ ການເຄື່ອນໄຫວ ພົວພັນ ຕ່າງປະເທດ ທີ່ມີຄວາມໝາຍ ຄວາມສຳຄັນ ສຳລັບ ການພົວພັນ ລະຫວ່າງ ສອງພັກ, ສອງລັດ, ເຊິ່ງໄດ້ຢັ້ງຢືນເຖິງ ການຖືເປັນສຳຄັນ ແລະ ບຸລິມະສິດ ແຖວໜ້າ ຂອງສອງປະເທດ ກ່ຽວກັບ ການປັບປຸງ ການພົວພັນ ຫວຽດນາມ-ຈີນ ທີ່ພັດທະນາ ຢ່າງໝັ້ນແກ່ນ ແລະ ເປັນປົກກະຕິ.ສຳລັບ ການຮ່ວມມື ດ້ານເສດຖະກິດ, ການຄ້າ ແລະ ການລົງທຶນ ນັບມື້ ນັບເຂົ້າສູ່ ລວງເລິກ. ຂະນະທີ່ ສປ ຈີນ ເປັນຄູ່ຮ່ວມມື ດ້ານການຄ້າໃຫຍ່ສຸດ ຂອງ ສສ ຫວຽດນາມ ໃນໄລຍະ 20 ປີ ຢ່າງລຽນຕິດ. ປັດຈຸບັນ ສສ ຫວຽດນາມ ກໍ່ແມ່ນຄູ່ ຮ່ວມມື ດ້ານການຄ້າໃຫຍ່ ສຸດຂອງ ສປ ຈີນ ໃນ ອາຊຽນ, ຄູ່ຮ່ວມມື ດ້ານການຄ້າໃຫຍ່ ອັນດັບທີ 4 ຂອງ ສປ ຈີນ ໃນໂລກ (ຖັດຈາກ ສ.ອາເມລິກາ, ຍີ່ປຸ່ນ, ສ.ເກົາຫລີ) ດ້ວຍວົງເງິນ ການຄ້າ ສອງຝ່າຍ ເພີ່ມຂຶ້ນ 6 ເທົ່າ, ແຕ່ລະດັບ 20 ຕື້ໂດລາ ສະຫະລັດ ຂອງປີ 2008 ເພິ່ມຂຶ້ນເກືອບ 180 ຕື້ ໂດລາສະຫະລັດ ໃນປີ 2022. ໃນໄລຍະເວລາ 15 ປີຜ່ານມາ, ການລົງທຶນ ຂອງ ສປ ຈີນ ຢູ່ ສສ ຫວຽດນາມ ເພີ່ມຂຶ້ນ ຫລາຍກວ່າ 10 ເທົ່າ, ຈາກລະດັບ ສະສົມ 2 ຕື້ໂດລາ ສະຫະລັດ ໃນປີ 2008 ເພີ່ມຂຶ້ນ 25 ຕື້ໂດລາ ສະຫະລັດ ໃນປັດຈຸບັນ. ສະເພາະປີນີ້, ສປ ຈີນ ໄດ້ຢືນຢູ່ ອັນດັບທີ 4 ໃນຈຳນວນ ບັນດາ ປະເທດ ແລະ ເຂດແຄວ້ນ ທີ່ລົງທຶນເຂົ້າໃນ ສສ ຫວຽດນາມ ຢ່າງເຂັ້ມແຂງ.