ວັນທີ 29 ກໍລະກົດ 2024, ທີ່ຫ້ອງປະຊຸມກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມປຶກສາຫາລື ແລະ ເຮັດວຽກຮ່ວມກັນຂອງ 2 ກະຊວງ ຄື: ກະຊວງອຸດສາຫະກໍາ ແລະ ການຄ້າ ແລະ ກະຊວງກະສິກໍາ ແລະ ປ່າໄມ້ ໂດຍການເປັນປະທານຮ່ວມ ຂອງ ທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກໍາ ແລະ ປ່າໄມ້ ແລະ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ.
ຈຸດປະສົງຂອງການປຶກສາຫາລືຄັ້ງນີ້ ແມ່ນປຶກສາຫາລືກ່ຽວກັບບັນຫາໂຄງປະກອບລາຄາສິນຄ້າ ໂດຍສະເພາະ ຫມູ ແລະ ເຂົ້າ ແລະ ການກຳນົດມາດຕະການຈໍາກັດສິນຄ້າທີ່ນໍາເຂົ້າຈາກຕ່າງປະເທດ ເພື່ອໃສ່ແກ້ໄຂບັນຫາເສດຖະກິດຂອງປະເທດໃຫ້ນັບມື້ດີຂຶ້ນ.
ຂໍ້ມູນ: ຂ່າວສານກະຊວງກະສິກຳ ແລະ ປ່າໄມ້
