ໃນຕອນເຊົ້າ ວັນທີ 7 ມິຖຸນາ 2024 ທີ່ ກະຊວງການເງິນ ໄດ້ຈັດກອງປະຊຸມພົບປະສອງຝ່າຍ ລະຫວ່າງ ກະຊວງການເງິນ ແລະ ທະນາຄານແຫ່ງ ສປປ ລາວ ໂດຍການເປັນປະທານຮ່ວມຂອງ ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ແລະ ທ່ານ ບຸນເຫຼືອ ສິນໄຊວໍຣະວົງ ຜູ້ວ່າການ ທະນາຄານແຫ່ງ ສປປ ລາວ; ມີບັນດາຮອງລັດຖະມົນຕີ, ຮອງຜູ້ວ່າການ, ບັນດາກົມ-ທຽບເທົ່າທີ່ກ່ຽວຂ້ອງຂອງທັງ ສອງກະຊວງເຂົ້າຮ່ວມ.
ຈຸດປະສົງຂອງການພົບປະຄັ້ງນີ້ ເພື່ອແນໃສ່ແກ້ໄຂຄວາມຫຍຸ້ງຍາກທາງດ້ານເສດ ຖະກິດ-ການເງິນ ທີ່ປະເທດເຮົາກໍາລັງປະເຊີນ ເປັນຕົ້ນ: ບັນຫາເງິນເຟີ້ທີ່ຍັງຢູ່ໃນລະ ດັບທີ່ສູງ, ເງິນກີບຍັງສືບຕໍ່ອ່ອນຄ່າເມື່ອທຽບໃສ່ສະກຸນເງິນຫຼັກ, ບັນຫາໜີ້ສິນສາ ທາລະນະທີ່ເພີ່ມສູງຂຶ້ນ ແລະ ຍັງມີອີກຫຼາຍບັນຫາທີ່ຕ້ອງໄດ້ຮີບຮ້ອນແກ້ໄຂ.
ຕໍ່ກັບສະພາບການດັ່ງກ່າວ, ຈຶ່ງຮຽກຮ້ອງໃຫ້ທັງສອງກະຊວງ ຕ້ອງໄດ້ເພີ່ມທະວີການຮ່ວມມືດ້ານວິຊາການໃນການຄົ້ນຄວ້າວາງນະໂນບາຍ ລວມທັງການຈັດຕັ້ງປະ ຕິບັດວຽກງານຕົວຈິງຮ່ວມກັນຢ່າງແຂງແຮງ ແລະ ບຸກທະລຸຢ່າງພາວະວິໄສ ເພື່ອບັນເທົາຜົນກະທົບທີ່ໜັກໜ່ວງຈາກຄວາມຫຍຸ້ງຍາກທາງດ້ານເສດຖະກິດ-ການເງິນທີ່ພວກເຮົາກຳລັງປະເຊີນຢູ່ໃນປະຈຸບັນ. ພ້ອມນັ້ນ, ເພື່ອເປັນການສືບຕໍ່ປຶກສາຫາລື ແລະ ລົງເລິກບາງບັນຫາທີ່ຕິດພັນກັບວຽກງານການເງິນ-ເງິນຕາ ທີ່ຍັງຄົງຄ້າງ ແລະ ເປັນບັນຫາເຄັ່ງຮ້ອນຮ່ວມກັນ.
ກອງປະຊຸມໄດ້ນຳເອົາຫຼາຍບັນຫາປຶກສາຫາລືກັນ ເຊິ່ງສາມາດແບ່ງອອກເປັນ 4 ກຸ່ມວຽກໃຫຍ່ ຄື: ກຸ່ມວຽກທີ 01: ພັນທະໜີ້ສິນ ລະຫວ່າງ ກະຊວງການເງິນ ແລະ ທະນາຄານແຫ່ງ ສປປ ລາວ; ກຸ່ມວຽກທີ 02: ການຫັນເປັນທັນສະໄໝ ແລະ ການ ເຊື່ອມໂຍງຂໍ້ມູນຂ່າວສານ; ກຸ່ມວຽກທີ 03: ວຽກງານນິຕິກຳ ແລະ ກຸ່ມວຽກທີ 04: ການປັບປຸງໂຄງສ້າງວິສາຫະກິດ.
ໃນຕອນທ້າຍ ທ່ານຜູ້ວ່າການ ທະນາຄານແຫ່ງ ສປປ ລາວ ຮຽກຮ້ອງໃຫ້ບັນດາກົມວິຊາການຂອງທັງສອງພາກສ່ວນສົມທົບກັນ ໃນການກຳນົດນະໂຍບາຍການເງິນ ແລະ ນະໂຍບາຍເງິນຕາ ເພື່ອໃຫ້ເປັນໄປໃນທິດທາງທີ່ສອດຄ່ອງກັນ.
ທີ່ມາ: ຫ້ອງການ ທຫລ
