ວັນທີ 1 ພຶດສະພາ 2020 ນີ້, ຢູ່ກະຊວງສາທາລະນະສຸກ, ທ່ານ ສົມດີ ດວງດີ ຮອງນາຍົກລັດຖະມົນ ຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19

ໄດ້ຮັບເຄື່ອງຊ່ວຍເຫລືອ ປະເພດກ້ອງຈັບອຸນຫະພູມ ຈຳນວນ 5 ຊຸດ ມູນຄ່າ 650 ລ້ານກີບ ຈາກ ບໍລິສັດເອັສທີກຣຸບ ແລະ ທະນາຄານເອັສທີຈຳກັດ ແລະ ຮັບເງິນສົດຈາກ ກຸ່ມບໍລິ ສັດ ດີເອຊເຄຈຳກັດ ຈຳນວນ 100 ລ້ານກີບ. ເພື່ອຮັບໃຊ້ເຂົ້າໃນການປ້ອງກັນ, ສະກັດກັ້ນ ແລະ ຕ້ານ ພະຍາດໂຄວິດ-19.


ໂອກາດນີ້, ທ່ານ ສົມດີ ດວງດີ ໄດ້ສະແດງຄວາມຂອບໃຈ ແລະ ຊົມເຊີຍມາຍັງ ທ່ານ ຈິຣັດຊະຍຸດ ອຳຍົງ ຜູ້ອຳນວຍການໃຫຍ່ ທະນາຄານເອັສທີ ແລະ ທ່ານ ໄຊຍະສິດ ຊະນະແກ້ວ ອຳນວຍການ ກຸ່ມບໍລິສັດ ດີເອຊເຄຈຳກັດ ທີ່ໄດ້ປະກອບສ່ວນຊ່ວຍເຫລືອດ້ານວັດຖຸ-ປັດໄຈ ໃຫ້ແກ່ລັດຖະບານ ເພື່ອນຳໃຊ້ເຂົ້າໃນການປ້ອງກັນ ແລະ ສະກັດກັ້ນພະຍາດໂຄວິດ-19 ທີ່ກຳລັງລະບາດ ຢູ່ໃນປະຈຸບັນນີ້. ພ້ອມກັນນີ້ ທ່ານຍັງຮຽກຮ້ອງມາຍັງ ພາກສ່ວນຕ່າງໆ ຈົ່ງຮ່ວມແຮງຮ່ວມໃຈກັນປະກອບສ່ວນ ເພື່ອຊ່ວຍເຫລືອສັງຄົມ ໃນການປ້ອງກັນ, ຄວບຄຸມ ແລະ ສະກັດກັ້ນພະຍາດດັ່ງກ່າວນີ້ໃຫ້ໝົດໄປໂດຍໄວ.

 

Loading...