ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສອງລັດຖະມົນຕີ ກະຊວງປ້ອງກັນປະເທດ ລາວ-ອົດສະຕຣາລີ ຫາລືຮ່ວມກັນ

ວັນທີ 25 ກັນຍາ 2020 ທີ່ຫ້ອງປະຊຸມກະຊວງປ້ອງກັນປະເທດແຫ່ງ ສປປ ລາວ ໄດ້ຈັດກອງປະຊຸມທາງໄກ ລະຫວ່າງສອງກະຊວງປ້ອງກັນປະເທດ ລາວ-ອົດສະຕຣາລີ. ຝ່າຍລາວນໍາໂດຍ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ແຫ່ງ ສປປ ລາວ ແລະ ຝ່າຍອົດສະຕຣາລີ ນໍາໂດຍ ທ່ານ ນາງ ລິນດາ ເຣນໍ ລັດຖະມົນຕີ ກະຊວງປ້ອງກັນປະເທດອົດສະຕຣາລີ, ພ້ອມດ້ວຍຄະນະທັງສອງຝ່າຍ ເຂົ້າຮ່ວມ.

ສອງຝ່າຍໄດ້ແຈ້ງສະພາບ ກ່ຽວກັບການສະກັດກັ້ນພະຍາດໂຄວິດ-19 ຢູ່ພາຍໃນປະເທດຂອງຕົນໃຫ້ກັນ ແລະ ກັນຊາບ, ພ້ອມນັ້ນຍັງໄດ້ປຶກສາຫາລື ບົດບັນທຶກຄວາມເຂົ້າໃຈ ດ້ານວຽກການກໍ່ສ້າງພະນັກງານພາສາອັງ ກິດ ເພື່ອຍົກລະດັບຂອບເຂດການຮ່ວມມື ລະຫວ່າງສອງກອງ ທັບລາວ-ອົດສະຕຣາລີ ໃຫ້ດີຂຶ້ນ, ທັງສອງກະຊວງມີຄວາມຍິນດີຮ່ວມກັນຄົ້ນຄວ້າການສ້າງຕັ້ງ ຫ້ອງການທີ່ປຶກສາທູດ ຝ່າຍປ້ອງກັນຊາດອົດສະຕຣາລີ ປະຈໍາ ລາວ ແລະ ຫ້ອງການທູດ ຝ່າຍປ້ອງກັນຊາດລາວ ປະຈຳ ອົດສະຕຣາລີ ໃນຕໍ່ໜ້າ. ໂອກາດນີ້, ພົນເອກ ຈັນສະໝອນ ຈັນຍາລາດ ຍັງໄດ້ຕອບຮັບຄໍາເຊີນຂອງ ທ່ານ ນາງ ລິນດາ ເຣນໍ ໃນການຢ້ຽມຢາມອົດສະຕຣາລີ ຢ່າງເປັນທາງການໃນປີ 2021.

ກອງປະຊຸມ ຍັງໄດ້ປຶກສາຫາລື ກ່ຽວກັບການຖອດ ຖອນບົດຮຽນສອງຝ່າຍ ແລະ ຝ່າຍ ກອງທັບປະຊາຊົນລາວ ຍີນດີສົ່ງຄະນະຜູ້ແທນເຫລົ່າຮົບເສນາຮັກ ໄປຢ້ຽມ ຢາມຖອນຖອນບົດຮຽນ ຢູ່ສະຖາບັນມາເລເລຍ ແລະ ສະຖາບັນກ່ຽວກັບພະຍາດຕິດແປດ ທີ່ຂຶ້ນກັບກະຊວງປ້ອງກັນປະເທດ ຂອງອົດສະຕຣາລີ ຕາມການເຊື້ອເຊີນຂອງຝ່າຍອົດສະຕຣາລີ.

ໃນໂອກາດດຽວກັນນີ້, ລັດຖະມົນຕີ ກະຊວງປ້ອງກັນປະເທດແຫ່ງ ສປປ ລາວ ຍັງໄດ້ສະແດງຄວາມຂອບໃຈ ທີ່ທາງລັດຖະບານ ກໍຄື ກະຊວງປ້ອງກັນປະເທດອົດສະຕຣາລີ ສືບຕໍ່ໃຫ້ທຶນການສຶກສາ ແລະ ຝຶກອົບຮົບດ້ານພາສາອັງກິດ ໃຫ້ນາຍທະຫານ ກອງທັບປະຊາຊົນລາວ ໃນໄລ ຍະຜ່ານມາເຫັນວ່າຂະແໜງການພາສາອັງກິດ ສາມາດຕອບສະໜອງໄດ້ ຕໍ່ໜ້າທີ່ວິຊາສະເພາະການພົວພັນຮ່ວມ ມື, ພ້ອມສະແດງຄວາມຊົມເຊີຍ ຕໍ່ກະຊວງປ້ອກັນປະເທດອົດສະຕຣາລີ ທີ່ມີຄວາມມຸ່ງໝັ້ນປະກອບສ່ວນ ເຂົ້າໃນວຽກງານການຮ່ວມມືອາຊຽນ ເຊັ່ນ: ກອງປະຊຸມລັດຖະ ມົນຕີ ປ້ອງກັນປະເທດອາຊຽນບວກ ຂອງອົດສະຕຣາລີ ແລະ ຂົງເຂດວຽກງານອື່ນໆ ນີ້ມັນສະແດງໃຫ້ເຫັນເຖິງຄວາມມຸ່ງໝັ້ນຂອງອົດສະຕຣາລີ ໃນການເສີມຂະຫຍາຍການພົວພັນຮ່ວມກັບອາຊຽນ.

ຕອນທ້າຍກອງປະຊຸມ, ທ່ານລັດຖະມົນຕີ ກະຊວງປ້ອງກັນປະເທດແຫ່ງ ສປປ ລາວ ໄດ້ສະແດງຄວາມຂອບ ໃຈທີ່ລັດຖະບານ ກໍຄື ກະຊວງປ້ອງກັນປະເທດອົດສະຕຣາລີ ໄດ້ໃຫ້ການສະໜັບສະໜູນ ແລະ ປະກອບສ່ວນ ທີ່ ສປປ ລາວ ເປັນປະທານຮ່ວມຂົງເຂດວຽກງານການເກັບກູ້ລະເບີດ ເພື່ອມະນຸດສະທໍາ ແລະ ກອງປະຊຸມອື່ນໆ ຈົນບັນລຸເປົ້າໝາຍຕະຫລອດມາ ເຮັດໃຫ້ການພົວພັນຮ່ວມມືລະຫວ່າງ ລາວ-ອົດສະຕຣາລີ ມີບາດກ້າວອັນໃໝ່.

Cr: ສາຍເພັດ