ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສອງສະຖາບັນການສຶກສາ ລາວ-ໄທ ສໍາມະນາການພັດທະນາຕົວເມືອງອັດສະລິຍະໃນອະນາຄົດ
ມະຫາວິທະຍາໄລ ສຸພານຸວົງ ແຫ່ງ ສປປ ລາວ ຮ່ວມກັບ ສະ ຖາບັນເຕັກໂນໂລຊີ ພະຈອມເກົ້າ ເຈົ້າຄຸນທະຫານລາດກະບັງ, ປະ ເທດໄທ ຈັດກອງປະຊຸມວິຊາການນາໆຊາດ ຄັ້ງທີ 10 ທີ່ ໂຮງ ແຮມສຸພັດຕາ, ນະຄອນ-ຫຼວງພະບາງ, ໃນວັນທີ 3 ພືດສະພາ 2024, ໂດຍມີ ທ່ານ ສຸລິເດດ ແກ້ວບົວລະເພັດ ຮອງອະທິການ ບໍດີ ມະຫາວິທະຍາໄລສຸພານຸວົງ ແຫ່ງ ສປປ ລາວ, ທ່ານ ອະນຸ ວັດ ຈາງວານິດເລີດ ຮອງອະທິການບໍດີສະຖາບັນເຕັກໂນໂລຊີ ພະຈອມເກົ້າ ເຈົ້າຄຸນທະຫານລາດກະບັງ ແຫ່ງ ລາດສະອານາຈັກໄທ, ທ່ານ ສົມຍົດ ກຽດວານິດວິໄລ ຄະນະບໍດີວິສະວະກຳສາດ ເຕັກໂນໂລຊີ ພະຈອມເກົ້າ ເຈົ້າຄຸນທະຫານລາດກະບັງ ແຫ່ງ ປະເທດໄທ, ມີບັນດາພາກສ່ວນທີ່ກ່ຽວຂ້ອງ ພ້ອມດ້ວຍ ວິຊາການ ດ້ານການວິໄຈ ທັງສອງປະເທດ ເຂົ້າຮ່ວມ.
ກອງປະຊຸມຄັ້ງນີ້ ເປັນການສໍາມະນາ ແລະ ວາງສະແດງດ້ານການພັດທະນາເມືອງອັດສະລິຍະ ຫຼື Smart City, ການກຽມຄວາມພ້ອມ ສູ່ເມືອງອັດສະລິຍະ ແລະພັດທະນາການສຶກສາ ຮ່ວມກັນກ່ຽວກັບວຽກງານ ການຄົ້ນຄວ້າ ຂອງນັກວິໄຈລະ ຫວ່າງລາວ ແລະໄທ ໃນດ້ານວິທະຍາສາດ ແລະເຕັກໂນໂລຊີທີ່ທັນ ສະໄໝ ເພື່ອນໍາມາປັບໃຊ້ເຂົ້າໃນການພັດທະນາຕົວເມືອງອັດສະ ລິຍະໃນອະນາຄົດ.
ການສໍາມະນາຄັ້ງນີ້ ນັກວິໄຈທັງລາວ ແລະໄທ ໄດ້ນຳສະເໜີ ຜົນງານຂອງຕົນ ໃນການການຄົ້ນຄວ້າ ພາຍໃຕ້ ຫົວຂໍ້ ວິສະວະກຳ ສາດ, ວິທະຍາສາດ ແລະເຕັກໂນໂລຊີ ແນະນໍາເຕັກໂນໂລຊີໃນການອອກແບບເມືອງອັດສະຍະ ເພື່ອໃຫ້ຮູ້ເຖິງການກຽມແຜນງານເພື່ອຮັບຮອງການເຂົ້າສູ່ເມືອງອັດສະຍະຂອງ ແຫ່ງ ສປປ ລາວ, ການລາຍງານອຸປະກອນ ເພື່ອນໍາໃຊ້ການປັບໃຊ້ເຕັກໂນໂລຊີໃຫ້ມີປະສິດທິພາບສູງ, ພ້ອມດຽວກັນນີ້ ນັກວິໄຈທັງສອງປະເທດ ໄດ້ພັດປ່ຽນກັນ ປະກອບຄໍາເຫັນ ແລະຍັງໄດ້ມອບໃບຢັ້ງຢືນໃຫ້ກັບນັກວິໄຈທີ່ໄດ້ເຂົ້າຮ່ວມຕືມອີກ.
Cr: ເພັດສາຄອນ ສິມມະວົງ