ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສສ ຫວຽດນາມ ໄດ້ຮ່ວມເປັນເຈົ້າພາບຈັດສຳມະນາ ພາຍໃຕ້ຫົວຂໍ້: “ການຈັດຕັ້ງປະຕິບັດວຽກງານການທູດເສດຖະກິດ ເພື່ອຂັບເຄື່ອນການພັດທະນາ” ໃນວັນທີ 22 ສິງຫາ 2024 ຢູ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ມີບັນດາກົມຂອງກະຊວງການຕ່າງປະເທດ, ບັນດາກະຊວງ, ຂະແໜງການທີ່ກ່ຽວຂ້ອງ ຂອງ ສປປ ລາວ ແລະ ຄະນະຜູ້ແທນຂອງ ສສ ຫວຽດນາມ ເຂົ້າຮ່ວມ. ເພື່ອເປັນການແລກປ່ຽນບົດຮຽນ ແລະ ປະສົບການໃນການຈັດຕັ້ງປະຕິບັດ ວຽກງານການທູດເສດຖະກິດ, ທັງເປັນການສືບຕໍ່ຮັດແໜ້ນການພົວພັນຮ່ວມມືສອງຝ່າຍ ກໍຄື ການສືບຕໍ່ຈັດຕັ້ງປະຕິບັດຕາມບົດບັນທຶກຄວາມເຂົ້າໃຈ ວ່າດ້ວຍ ກົນໄກການປຶກສາຫາລືວຽກງານການທູດເສດຖະກິດ ລະຫວ່າງ ກະຊວງການຕ່າງ ປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສສ ຫວຽດນາມ.
ໂອກາດນີ້, ສອງຝ່າຍໄດ້ສຸມໃສ່ແລກປ່ຽນປະສົບການ ໃນການຈັດຕັ້ງປະຕິບັດວຽກງານການທູດເສດຖະກິດ ເປັນຕົ້ນແມ່ນຄວາມເຂົ້າໃຈເປັນເອກະພາບ ໃນການສ້າງຕັ້ງແຜນຈັດຕັ້ງປະຕິບັດການ ຂັບເຄື່ອນວຽກງານການທູດເສດຖະກິດ, ບົດບາດຂອງຄະນະກໍາມະການຊີ້ນໍາລະດັບຊາດຂອງວຽກງານການທູດເສດຖະກິດ ແລະ ຄະນະກໍາມະການປະຈໍາຊີ້ນໍາວຽກງານການທູດເສດຖະກິດ. ພ້ອມນັ້ນ, ຍັງລົງເລິກແລກປ່ຽນກ່ຽວກັບໜ້າທີ່ ແລະ ໂຄງຮ່າງການຈັດຕັ້ງຂອງສໍານັກງານຜູ້ຕາງໜ້າຂອງປະເທດຕົນ ປະຈໍາຢູ່ຕ່າງປະເທດ ລວມເຖິງບົດບາດສໍາຄັນຂອງວຽກງານການທູດເສດຖະກິດ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ. ນອກນັ້ນ, ຍັງໄດ້ມີການແລກປ່ຽນບົດຮຽນໃນການບໍລິຫານຈັດການດ້ານຕ່າງໆຂອງ ດ່ານສາກົນສິນຄ້າ ທ່າບົກ-ທ່ານາແລ້ງ ແລະ ເຂດໂລຈິສຕິກ ນະຄອນຫລວງວຽງຈັນ ຂອງ ສປປ ລາວ ແລະ ຍຸດທະສາດການດຶງດູດການລົງທຶນເຂົ້າໃນເຂດອຸດສາຫະກໍາຂອງ ສສ ຫວຽດນາມ ແລະ ອື່ນໆ.
ໃນໂອກາດດຽວກັນ ຄະນະຜູ້ແທນ ສສ ຫວຽດນາມ, ນໍາໂດຍ ທ່ານ ນາງ ດວນ ເຟືອງ ລານ ຫົວໜ້າກົມສັງລວມເສດຖະກິດ, ກະຊວງການຕ່າງປະເທດ ແຫ່ງ ສສ ຫວຽດນາມ ຍັັງໄດ້ເຂົ້າຢ້ຽມຂໍ່ານັບ ທ່ານ ບຸນເຫລືອ ພັນດານຸວົງ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ. ນອກຈາກນັ້ນ, ກໍຍັງໄດ້ມີການພົບປະແລກປ່ຽນ ແລະ ເຮັດວຽກຮ່ວມກັບມະຫາວິທະຍາໄລແຫ່ງຊາດ, ສະຖາບັນການເມືອງ ແລະ ການປົກຄອງແຫ່ງຊາດ ແລະ ຢ້ຽມຢາມທັດສະນະດ່ານສາກົນສິນຄ້າ ທ່າບົກ-ທ່ານາແລ້ງ ແລະ ເຂດໂລຈິສຕິກ ແລະ ຢ້ຽມຊົມສະ ຖານທີ່ທ່ອງທ່ຽວຕ່າງໆ ທີ່ ນະຄອນຫລວງວຽງຈັນ.
ໃນຕອນເຊົ້າວັນດຽວກັນ, ກໍໄດ້ຈັດກອງປະຊຸມພົບປະແລກປ່ຽນບົດຮຽນ ແລະປະສົບການກ່ຽວກັບວຽກງານການທູດເສດຖະກິດ ລະຫວ່າງ ກົມເສດຖະກິດ, ກະຊວງການຕ່າງປະເທດ ແຫ່ງ ສປປ ລາວ ແລະ ກົມສັງລວມເສດຖະກິດ, ກະຊວງການຕ່າງປະເທດ ແຫ່ງ ສສ ຫວຽດນາມ ໂດຍການເປັນປະທານຮ່ວມ ຂອງ ທ່ານ ສົມບູນ ສີຫານາດ ຫົວໜ້າກົມເສດຖະກິດ, ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ນາງ ດວນ ເຟືອງ ລານ (Đoàn Phương Lan), ຫົວໜ້າກົມສັງລວມເສດຖະກິດ, ກະຊວງການຕ່າງ
