ຕອນຄໍ່າວັນທີ 4 ທັນວາ 2020, ສະຖານເອກອັກຄະຣາຊະທູດໄທ ປະຈຳ ສປປ ລາວ ໄດ້ຈັດງານລ້ຽງຮັບຮອງເນື່ອງໃນໂອກາດວັນວັນຊາດ ແລະ ວັນພໍ່ແຫ່ງຊາດ 5 ທັນວາ 2020 ແລະ ວັນຄົບຮອບ 70 ປີ ການສ້າງຕັ້ງສາຍພົວພັນທາງການທູດໄທ – ສປປ ລາວ. ເຂົ້າຮ່ວມໃນງານຄັ້ງນີ້ມີ ທ່ານ ສະເຫຼີມໄຊ ກົມມະສິດ ລັດຖະມົນຕີການກະຊວງການຕ່າງປະເທດ, ທ່ານ ຫຽມ ພົມມະຈັນ ປະທານສະມາຄົມລາວ – ໄທ ເພື່ອມິດຕະພາບ ພ້ອມດ້ວຍພາກສ່ວນຕ່າງໆ ຂອງໄທ ແລະ ລາວ, ຄະນະທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນ ປະມານ 300 ຄົນ.
ໃນໂອກາດດັ່ງກ່າວ, ທ່ານນາງ ອຸຣະວະດີ ສີພິຣົມ ອຸປະທູດ ສະຖານເອກອັກຄະຣາຊະທູດໄທ ປະຈຳ ສປປ ລາວ ໄດ້ກ່າວຄໍາເຫັນ ໂດຍໄດ້ຍົກໃຫ້ເຫັນສາຍພົວພັນອັນຍາວນານ ລະຫວ່າງໄທ ແລະ ສປປ ລາວ ທີ່ເປັນໄປຢ່າງອົບອຸ່ນ ,ໃກ້ຊິດ. ແລະ ແໜ້ນແຟ້ນ ໃນທຸກດ້ານແລະ ທຸກລະດັບ. ມີການແລກປ່ຽນການຢ້ຽມຢາມລະດັບສູງຢ່າງຕໍ່ເນື່ອງ ຊາວໄທ ແລະ ຊາວລາວ ຕ່າງມີຄວາມປາຖະໜາດີຕໍ່ກັນ, ແບ່ງປັນ ແລະ ຫ່ວງໃຍກັນ ແລະ ລັດຖະບານທັງສອງປະເທດໄດ້ປະກາດ. “ຄູ່ຮ່ວມຍຸດທະສາດ ເພື່ອການເຕີບໂຕ ແລະ ການພັດທະນາແບບຍືນຍົງ” ເມື່ອປີ 2018 ເຊິ່ງແມ່ນຄວາມຕັ້ງໃຈຮ່ວມກັນໃນການສົ່ງເສີມຄວາມເປັນຢູ່ ແລະ ຄຸນນະພາບຊີວິດທີ່ດີຂອງປະຊາຊົນ. ພ້ອມທັງພັດທະນາປະເທດໃຫ້ກ້າວໄປຂ້າງໜ້າຢ່າງຍືນຍົງ ໂດຍລັດຖະບານແຫ່ງຣາຊະອານາຈັກໄທ ມີຄວາມກຽມພ້ອມຈະສືບຕໍ່ ແລະ ຂະຫຍາຍການຮ່ວມມືຢ່າງຕໍ່ເນື່ອງ. ແລະ ສະໜັບສະໜູນການຮ່ວມມືຕາມຝ່າຍລາວຕ້ອງການ ລວມທັງ, ການຮ່ວມມືດ້ານການແພດ ແລະ ດ້ານສາທາລະນະສຸກ ເພື່ອປ້ອງກັນການແຜ່ລະບາດຂອງພະຍາດໂຄວິດ 19 ແລະ ການຟື້ນຟູເສດຖະກິດຈາກຜົນກະທົບການແຜ່ລະບາດພະຍາດດັ່ງກ່າວ.
ນອກຈາກນີ້, ປີ 2020 – 2021 ເປັນໂອກາດສະເຫຼີມສະຫຼອງ 70 ປີ ການສ້າງຕັ້ງການພົວພັນທາງການທູດໄທ – ສປປ ລາວ. ການຈັດກິດຈະກຳ ເພື່ອສະເຫຼີມສະຫຼອງໂອກາດດັ່ງກ່າວຕະຫຼອດປີລະຫວ່າງ ໄທ ກັບ ສປປ ລາວ. ຫລັງຈາກນັ້ນ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຂຶ້ນມີຄໍາເຫັນໃນງານແລະ ຮ່ວມທ່ານອຸປະທູດໄທ ລັ່ນຄ້ອງໄຊ 9 ບາດ ເພື່ອເປັນການເປີດໂຕ ກາເຄື່ອງໝາຍສັນຍະລັກສະເຫຼີມສະຫຼອງໃນໂອກາດຄົບຮອບ 70 ປີ ການສ້າງຕັ້ງສາຍພົວພັນທາງການທູດໄທ – ສປປ ລາວ ອີກດ້ວຍ.
ພາຍໃນງານລ້ຽງຮັບຮອງ, ໄດ້ມີການສະແດງສິລະປະວັນນະຄະດີ ຂອງສອງຊາດລາວ-ໄທ, ພ້ອມທັງ ວາງສະແດງ ສາທິດການປຸງແຕ່ງອາຫານ ຂອງພາກເອກະຊົນໄທ ໃນ ສປປ ລາວອີກດ້ວຍ
ໂດຍ:ເຂີຍຫລ້າ
Loading...