ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສະຖານນີວີທະຍຸ-ໂທລະພາບ ແຂວງກວາງຊີ ຂອງຈີນ ຮ່ວມກັບ ບໍລິສັດທາງລົດໄຟລາວ-ຈີນ ຈໍາກັດ ຈັດງານພົບ​ປະ​ສັງສັນຜູ້ກໍ່ສ້າງຊາວຫນຸ່ມລາວ-ຈີນ ພາຍໃຕ້ຫົວຂໍ້ ພວກເຮົາຄືຜູ້ລ່າຝັນ

ໃນວັນທີ​10​ ມັງກອນ​ 2020,​ ຢູ່ສໍານັກງານບໍລິສັດທາງລົດໄຟລາວ-ຈີນ ບ້ານສົງເປືອຍ ເມືອງນາຊາຍທອງ ນະຄອນຫລວງຈັນ,​ ມີທ່ານ ບຸນເຈົ້າ ພີຈິດ ຜູ້ອໍານວຍການໃຫຍ່ໂທລະພາບແຫ່ງຊາດລາວ ກະຊວງ ຖະແຫລງຂ່າວ ວັດທະນະທໍາ ແລະ ທ່ອງທ່ຽວ,ທ່ານນາງ​ ຫລີຢ້ຽນ ຮອງຫົວຫນ້າພະພະແນກຮູບເງົາສະຖານີວິທະຍຸ-ໂທລະພາບ ແຂວງກວາງຊີ ຂອງຈີນ,ທ່ານ ນາງ ສຸທິດາ ຫົວຫນ້າວິທະຍຸສາກົນແຫ່ງປະເທດຈີນ ຫລື ຊີອາໄອ ປະຈໍາລາວ,ຊາວຫນຸ່ມລາວ-ຈີນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານນາງຫລີຢ້ຽນ ຮອງຫົວຫນ້າພະພະແນກຮູບເງົາສະຖານີວິທະຍຸ-ໂທລະພາບ ແຂວງກວາງຊີໃຫ້ຮູ້ວ່າ:ສອງປະເທດຈີນ-ລາວເປັນປະເທດບ້ານໃກ້ເຮືອນຄຽງ,​ປະຊາຊົນສອງປະເທດມີການໄປມາຫາສູ່ກັນມາແຕ່ດົນນານ,ນັບແຕ່ໄດ້ສ້າງຕັ້ງສາຍພົວພັນທາງການທູດຮ່ວມກັນ ການພົວພັນຮ່ວມມືໃນຫລາຍຂົງເຂດລະຫວ່າງສອງຊາດຈີນ-ລາວນັບມື້ກ້າວເຂົ້າສູ່ລວງເລິກ ແລະນໍາເອົາຜົນປະໂຫຍດຕົວຈີງມາໃຫ້ປະຊາຊົນສອງຊາດ,ສໍາລັບການຈັດງານພົບປະສັງສັນຜູ້ກໍ່ສ້າງຊາວຫນຸ່ມລາວ-ຈີນ ພາຍໃຕ້ຫົວຂໍ້ ພວກເຮົາຄືຜູ້ລ່າຝັນ ຄັ້ງນີ້ຈັດຂື້ນໃນຫລາຍຮູບແບບ ໂດຍນໍາເອົາມູນເຊື້ອນັກພັດທະນາມິດຕະພາບລະຫວ່າງສອງຊາດຈີນ-ລາວ ມາເປັນພື້ນຖານ ສ້າງຜົນງານໃຫ້ໂຄງການທາງລົດໄຟລາວ-ຈີນ ແນໃສ່ເສີມຂະຫຍາຍການຮ່ວມມືໃນຂອບແມ່ນໍ້າຂອງ-ແມ່ນໍ້າລ້ານຊ້າງ ແລະ ຍຸດທະສາດຫນື່ງແລວຫນື່ງເສັ້ນທາງ ນັບມື້ໄດ້ຮັບການພັດທະນາ ແລະ ຂະຫຍາຍຕົວຢ່າງບໍ່ຢຸດຢັ້ງ.

ໂອກາດດຽວກັນນີ້ ທ່ານຄໍາປ່ຽນ ອິທະລືຊາ ຮອງຫົວຫນ້າຄະນະຄຸ້ມຄອງ ໂຄງການທາງລົດໄຟລາວ-ຈີນ ກະຊວງໂຍທາທິການແລະຂົນສົ່ງ ມີຄໍາເຫັນວ່າ:ຊາວຫນຸ່ມສອງປະເທດລາວຈີນ ມີການພົວພັນຮ່ວມມືຢ່າງສະຫນິດ​ ແຫນ້ນ ໃນຫລາຍດ້ານ ໂດຍສະເພາະການກໍ່ສ້າງທາງລົດໄຟລາວ-ຈີນ ທີ່ເປັນໂຄງການຮ່ວມມືລະຫວ່າງສອງລັດຖະບານລາວ ແລະ ຈີນເປັນການຈັດຕັ້ງປະຕິບັດຍຸດທະສາດຂອງລັດຖະບານລາວໃນການຫັນປະເທດບໍ່ມີຊາຍແດນຕິດກັບທະເລ ໃຫ້ກາຍເປັນປະເທດທາງຜ່ານໃນພາກພື້ນ ແລະ ຍຸດທະສາດຫນື່ງແລວຫນື່ງເສັ້ນທາງຂອງຈີນ ການຈັດງານໃນຄັ້ງນີ້ເປັນກິດຈະກໍາຫນື່ງໃນການແລກປ່ຽນບົດຮຽນທາງດ້ານວັດທະນະທໍາຂອງຊາວຫນຸ່ມສອງປະເທດ ແລະ ຍົກສູງນໍ້າໃຈເສຍສະຫລະຂອງຊາວ​ ຫນຸ່ມທັງສອງປະເທດ ເຮັດຫນ້າທີ່ອັນສູງສົ່ງປະກອບສ່ວນໃນພາລະກິດປົກປັກຮັກສາ ແລະ ພັດທະນາປະເທດຊາດຂອງຕົນໃຫ້ຈະເລີນຮຸ່ງເຮືອງ.

ຈັດງານພົບປະສັງສັນຜູ້ກໍ່ສ້າງຊາວຫນຸ່ມລາວ-ຈີນ <ພາຍໃຕ້ຫົວຂໍ້ ພວກເຮົາຄືຜູ້ລ່າຝັນ>ຈັດໂດຍສະຖານີວິທະຍຸ-ໂທລະພາບ ແຂວງກວາງຊີ ຂອງຈີນ ຮ່ວມກັບ ບໍລິສັດທາງລົດໄຟລາວ-ຈີນ ຈໍາກັດໃນຄັ້ງນີ້ ຜູ້ເຂົ້າຮ່ວມ ຍັງໄດ້ຮັບຊົມການສະແດງສິລະປະວັນນະຄະດີ ທີ່ມີເນື້ອໃນສ່ອງແສງເຖິງວັດທະນະທໍາແລະຮີດຄອງປະເພນີອັນດີງານຂອງສອງຊາດລາວ-ຈີນ ເປັນຕົ້ນ:ບົດຟ້ອນພື້ນເມືອງລາວ-ຈີນ,ການເປົ່າແຄນ,ຊົມການຮ້ອງເພງຈາກນັກຮ້ອງທີ່ມີຊື່ສຽງຂອງລາວແລະຈີນ,ການອ່ານບົດກາບກອນ ຂອງນັກວິສະວະກອນກໍ່ສ້າງທາງລົດໄຟ ທີ່ພັນລະນາເຖິງການດໍາລົງຊີວິດຂອງຜູ້ອອກເເຮງງານຂາວຈີນທີ່ມາດໍາລົງຊີວິດຢູ່ລາວ ແລະ ກິດຈະກໍາປີ່ນອ້ອມສໍາຄັນຈໍານວນຫນື່ງ.

ຂ່າວ:ພາບ: ເດດອາລຸນ ແກ້ວວິໄລວົງ