ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສະຖາບັນການເມືອງ ແລະ ການປົກຄອງແຫ່ງຊາດ ລະນຶກເຖິງວັນສ້າງຕັ້ງພັກປະຊາຊົນ ປະຕິວັດລາວ

ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວ ວັນທີ 22 ມີນາ ຄົບຮອບ 64 ປີ (22 ມິນາ 1955-22 ມີນາ 2019)ຕອນເຊົ້າວັນທີ 22 ມີນາ 2019 ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດພິທີລະນຶກເຖິງວັນສ້າງຕັ້ງພັກປະຊາຊົນ ປະຕິວັດລາວ ນຳພາໂດຍ ທ່ານ ຮສ ພູວົງ ອຸ່ນຄຳແສນ ຮອງເລຂາຄະນະບໍລິຫານງານພັກ, ຮອງຫົວໜ້າ ສມປຊ, ພ້ອມດ້ວຍຄະນະພັກ, ຕາງໜ້າ ຫ້ອງການ, ກົມ, ຄະນະວິຊາ, ສູນຂໍ້ມູນຂ່າວສານ ການເມືອງ-ການປົກຄອງ ແລະ ນັກສຶກສາ ຮ່ວມກັນວາງກະຕ່າດອກໄມ້ຕໍ່ໜ້າຮູບປັ້ນປະທານ ໄກສອນ ພົມວິຫານ. ເພື່ອສະແດງເຖິງຄວາມເຄົາລົບຮັກ ແລະ ຄວາມກະຕັນຍູຮູ້ບຸນຄຸນແລະຄຸນງາມຄວາມດີ ຂອງບັນພະບຸລຸດລາວ ກໍຄືຂອງພັກປະຊາຊົນ ປະຕິວັດລາວ ທີ່ໄດ້ໃຫ້ການຊີ້ນຳ ແລະ ນຳພາປະເທດຊາດ, ປະຊາຊົນລາວບັນດາເຜົ່າ ໃຫ້ມີຄວາມຜາສຸກ ແລະ ປະເທດຊາດມີການພັດທະນາຂະຫຍາຍຕົວມີໂສມໜ້າອັນໃໝ່ໃນຍຸກປັດຈຸບັນ ເຊິ່ງຄຸນງາມຄວາມດີ ແລະ ຜົນງານໃຫຍ່ຫຼວງດັ່ງກ່າວ ໄດ້ຖືກຈາລຶກໄວ້ໃນປະຫວັດສາດ ແລະ ຊີວິດຈິດໃຈຂອງທົ່ວພັກທົ່ວລັດ ກໍຄືທົ່ວປວງຊົນລາວທັງຊາດຕະຫຼອດກາລະນານ.

ຂ່າວ/ພາບ: ຕາອັອດ ແສນທະວີສຸກ