ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສະພາການຄ້າຈີນ ປະຈຳແຂວງອຸດົມໄຊ ມອບເງິນ ແລະ ຜ້າອັດປາກໃຫ້ແຂວງອຸດົມໄຊ

ຕອນເຊົ້າວັນທີ 28 ເມສາ 2020 ນີ້ ຢູ່ທີ່ຫ້ອງວ່າການແຂວງອຸດົມໄຊ ໄດ້ມີພິທີມອບ ຮັບ ເງິນ ແລະ ຜ້າອັດປາກ- ດັງ ລະຫວ່າງ ສະພາການຄ້າ ຈີນປະຈຳແຂວງອຸດົມໄຊ ກັບ ການນໍາແຂວງອຸດົມໄຊ.

ເງິນ ແລະ ຜ້າອັດປາກ – ດັງທີ່ສະພາການຄ້າຈີນ ປະຈໍາແຂວງອຸດົມໄຊ ນໍາມາມອບໃຫ້ກັບແຂວງອຸດົມໄຊ ໃນຄັ້ງນີ້ ກໍເພື່ອເປັນການປະກອບສ່ວນເຂົ້າໃນວຽກງານ ການເຄື່ອນໄຫວປ້ອງກັນ ແລະ ຄວບຄຸມ ເຊື່ອພະຍາດໂຄວິດ 19 ຢູ່ພາຍໃນແຂວງອຸດົມໄຊ ເຊິ່ງເປັນເງິນສົດຈຳນວນ 13 ລ້ານກີບ ແລະ ຜ້າອັດປາກ – ດັງ ຈຳນວນ 2 ພັນແຜ່ນ ຕາງໜ້າການນຳແຂວງອຸດົມໄຊ ຮັບໂດຍທ່ານ ຄໍາພຽງ ຢາຈົງວາ ຮອງເລຂາພັກແຂວງ,ຮອງເຈົ້າແຂວງອຸດົມໄຊ ທັງເປັນປະທານຄະນະສະເພາະກິດ ປ້ອງກັນ – ຄວບຄູຸມ ເຊື້ອພະຍາດໂຄວິດ 19 ຂັ້ນແຂວງ ໂດຍມີຄະນະຫ້ອງວ່າການແຂວງ ແລະ ຄະນະພະແນກສາທາລະນະສຸກແຂວງເຂົ້າຮ່ວມນຳ.

ໂອກາດດັ່ງກ່າວ ທ່ານ ຄໍາພຽງ ຢາຈົງວາ ຮອງເລຂາພັກແຂວງ,ຮອງເຈົ້າແຂວງອຸດົມໄຊ ໄດ້ກ່າວ ຂອບໃຈ ຕໍ່ການຊ່ວຍເຫຼືອດັ່ງກ່າວ ແລະ ຫວັງວ່າຈະໄດ້ຮັບການຊ່ວຍເຫຼືອ ໃນຄັ້ງຕໍ່ໄປຕື່ມອີກ.

ສ່ວນເງິນ ຈໍານວນດັ່ງກ່າວ ແມ່ນຈະນໍາໄປຫມູນໃຊ້ເຂົ້າໃນການເຄື່ອນໄຫວວຽກງານ ປ້ອງກັນ ແລະ ຄວບຄຸມ ເຊື້ອພະຍາດໂຄວິດ 19 ພ້ອມທັງ ຈະນຳເອົາຜ້າອັດປາກ – ດັ່ງ ໄປຈັດແບ່ງ,ແຈກຢາຍໃຫ້ກັບພະນັກງານ,ບຸກຄະລາກອນ ທີ່ເຮັດຫນ້າທີ່ ຢູ່ແຕ່ລະຈຸດ ໃຫ້ທົ່ວເຖິງ.

ສໍາລັບ ຢູ່ແຂວງອຸດົມໄຊ ມາຮອດປັດຈຸບັນນີ້ ແມ່ນຍັງບໍ່ທັນມີຜູ້ຕິດເຊື້ອ ແລະ ແຂວງອຸດົມໄຊ ແມ່ນຍັງສືບຕໍ່ໃນການປະຕິບັດບັນດາມາດຕະການຕ່າງໆ ທັງຂັ້ນສູນກາງ ແລະ ຂອງແຂວງ ໃນການປ້ອງກັນ ແລະ ຄວບຄຸມ ເຊື່ອພະຍາດໂຄວິດ 19 ໂດຍສະເພາະແມ່ນ ຄຳສັ່ງ ເລກທີ 06 ຂອງທ່ານ ນາຍົກລັດຖະມົນຕີ ແລະ ຄຳສັ່ງເລກທີ 366 ຂອງທ່ານ ເຈົ້າແຂວງອຸດົມໄຊ ຢ່າງເຂັ້ມງວດ.

 

ຂ່າວ: ຄານມະນີ ຮຽນດໍຈັນ