ສະພາການຄ້າ ແລະ ອຸດສາຫະກຳແຫ່ງຊາດ ແລະ ແຂວງຫຼວງນໍ້າທາ ປຶກສາຫາລື ວຽກງານຮ່ວມກັນ

ທ່ານ ບູນສົງ ແກ້ວມະນີວົງ ປະທານສະພາການຄ້າ ແລະ ອູດສາຫະກຳແຂວງຫຼວງນໍ້າທາໄດ້ລາຍກ່ຽວກັບການຈັດຕັງຂອງສະພາການຄ້າ ແລະ ອູດສາຫະກຳ ແຂວງຫຼວງນໍ້າທາ ວຽກງານອຸດ

ສາຫະກຳ ແລະ ການຄ້າ ກໍ່ມີການຂະຫຍາຍຕົວດີ, ທົ່ວແຂວງມີຫົວໜ່ວຍທຸລະກິດທີ່ຂຶ້ນທະບຽນທັງໝົດ 4.471 ຫົວໜ່ວຍ, ມີທຶນຈົດທະບຽນທັງໝົດ 52.029 ຕື້ກວ່າກີບ; ມີໂຮງງານອຸດສາຫະກໍາປຸງແຕ່ງ ແລະ ຫັດຖະກຳທັງໝົດ 298 ແຫ່ງ; ລວມຍອດມູນຄ່າຜະລິດຕະພັນອຸດສາ ຫະກໍາປຸງແຕ່ງ ບັນລຸໄດ້ 386,57 ຕື້ກີບ, ຫັດຖະກໍາ ບັນລຸໄດ້ 18,20 ຕື້ກີບ; ມູນຄ່າຈໍລະຈອນສິນຄ້າພາຍໃນ ບັນລຸໄດ້ 662,49 ຕື້ກີບ; ມູນຄ່າສິນຄ້ານໍາເຂົ້າພາຍໃນແຂວງ ບັນລຸໄດ້ 145,81 ລ້ານໂດລາ, ມູນຄ່າສິນຄ້າສົ່ງອອກບັນລຸໄດ້ 119,48 ລ້ານໂດລາ ສະຫະລັດ ແລະ ສິນຄ້າຜ່ານແດນ 121,71 ລ້ານໂດລາສະຫະລັດ; ໄດ້ເອົາໃຈໃສ່ຕິດຕາມ, ກວດກາ ແລະ ຄຸ້ມຄອງສິນຄ້າ-ລາຄາ ໃຫ້ຢູ່ໃນສະ

ພາບປົກກະຕິ ສະພາບກະກຽມຄວາມພ້ອມໃນການພັດທະນາເສດຖະກິດຂອງແຂວງ ຜ່ານການເຊື່ອມຕໍ່ເສັ້ນທາງລົດໄຟ ນັ້ນ, ອົງການປົກຄອງແຂວງຫຼວງນໍ້າທາ ພວກເຮົາ ໄດ້ວາງຈຸດສຸມໃນການພັດທະນາເສດຖະກິດ ຄຶ: ສືບຕໍ່ ດຶງດູດການລົງທຶນພາຍໃນ ແລະ ຕ່າງປະເທດ ທີ່ມີຄຸນນະພາບຢ່າງມີການເລືອກເຟັ້ນ, ສົ່ງເສີມການສ້າງໂຮງງານປຸງແຕ່ງຜົນຜະລິດກະສິກຳ, ໂຮງງານປຸງແຕ່ງແຮ່ທາດຕ່າງໆ ຕາມທ່າແຮງຕົວຈິງຂອງແຂວງ ເພື່ອຄໍ້າປະກັນການຜະລິດຂອງປະຊາຊົນ ແລະ ສ້າງມູນຄ່າເພີ່ມ. ສົ່ງເສີມການບໍລິການທາງຜ່ານ, ການຂົນສົ່ງແບບໂລຈິດສະຕິກ, ສາງຄ່ຽນຖ່າຍສິນ ຄ້າ, ສູນວາງສະແດງ ແລະ ແຈກຢາຍສິນຄ້າເພື່ອຮອງຮັບໃຫ້ແກ່ໂຄງການທາງລົດໄຟລາວ–ຈີນເສັ້ນທາງດ່ວນ ບໍ່ເຕ່ນ-ຫ້ວຍຊາຍຢູ່ຈຸດນາເຕີຍ ແລະ ເທດສະບານເມືອງຫຼວງນໍ້າທາ. ສົ່ງເສີມການພັດທະນາການທ່ອງທ່ຽວ, ດຶງດູດນັກທ່ອງທ່ຽວຈີນ-ອາຊຽນ ແລະ ປະເທດອື່ນໆ ເພື່ອມາຊົມກິດຈະກຳທ່ອງທ່ຽວທາງທຳມະຊາດ, ປ່າສະຫງວນແຫ່ງຊາດນໍ້າຫ້າ, ທ່ອງທ່ຽວກະເສດອິນຊີ ແລະ ທ່ອງທ່ຽວທາງວັດທະນະທຳ ໄປພ້ອມກັບການປັບປຸງໂຮງແຮມ, ເຮືອນພັກ, ຮ້ານອາຫານ ໃຫ້ມີຄຸນນະພາບ ແລະ ໄດ້ມາດຕະຖານລະດັບອາຊຽນ.

ໂອການີ້ ທີມງານຍັງໄດ້ລົງທ່ຽວຊົມໂຄງການສົ່ງເສີມປຸກຖົ່ວເຫຼືອງຂອງກຸ່ມບໍລິ ສັດເຖິງເຜີຍການຄ້າ ແລະ ສົງເສີມກະສິກຳຈໍາກັດຜູ້ດຽວ ຢູ່ບ້ານພຽງງາມ ເມືອງຫຼວງນໍ້າທາ ແຂວງຫຼວງນໍ້າທາແລະ ໄດ້ຮັບຟັງການລາຍງານ ໃນຂັ້ນຕອນຂອງການປຸກໃນສົກປີ 2021 ຫາ 2022 ມີເນື້ອທີ່ປຸກທັງໝົດ 150 ເຮັກຕາ ມີ 5 ບ້ານ, 186 ຄອບຄົວ ໃນນີ້ຄ່າສໍາປະທານໄລຍະປຸກໜາກຖົ່ວເຫຼືອງ ມຸນຄ່າ 5 ລ້ານກີບຕໍ່ 1 ເຮັກຕາ, ໜຶ່ງເຮັກຕາສາມາດເກັບກູ້ຜົນຜະລິດສະເລຍໄດ້ 12 ຫາ 14 ໂຕນ, ສວ່ນຜົນຜະລິດແມ່ນສົ່ງໄປຈໍາໜ່າຍຢູ່ ສປ ຈີນ. ພ້ອມດຽວກັນຍັງໄດ້ລົງທ່ຽວຊົມໂຮງງານ ແປຮູບຢາງ ພາ ລາ ທ່ານ ລິມູຟ່ານ ຮອງອໍານວຍການ ບໍລິສັດການລົງທຶນຢາງພາລາຢຸນນານ ຈໍາກັດ ໄດ້ລາຍງານ ທາງບໍລິສັດໄດ້ເກັບຊື້ຢາງພາລານໍາປະຊາຊົນຢູ່ພາຍໃນແຂວງ, ແລ້ວບໍລິສັດໄດ້ນໍາເອົາຢາງມາແປ່ຮູບຢາງສົ່ງເຂົ້າໄປຈໍາໜ່າຍຢູ່ ສປ ຈີນ ເຊິ່ງທາງໂຮງງານສາມາດຜະລິດໄດ້ 40 ພັນໂຕນຕໍ່ປີ.

ຂ່າວ: ມຸນຕີ