ການດຳເນີນກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ IX ໃນຕອນບ່າຍວັນທີ 22 ມີນາ 2021 ທີ່ຫໍສະພາແຫ່ງຊາດຫລັງໃໝ່, ນະຄອນຫລວງວຽງຈັນ ພາຍໃຕ້ການເປັນປະທານ ຂອງ ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ. ສະມາຊິກສະພາແຫ່ງຊາດ ໄດ້ສືບຕໍ່ພ້ອມກັນພິຈາລະນາ ແລະ ຮັບຮອງບຸກຄະລາກອນຂອງ 4 ອົງການ ຄື:
ພິຈາລະນາ ແລະ ລົງຄະແນນສຽງຮັບຮອງເອົາ ທ່ານ ໄຊຊະນະ ໂຄດພູທອນ ເປັນຫົວໜ້າອົງການໄອຍະການປະຊາຊົນສູງສຸດ, ທ່ານ ນາງ ວຽງທອງ ສີພັນດອນ ເປັນປະທານສານປະຊາຊົນສູງສຸດ, ທ່ານ ມະໄລທອງ ກົມມະສິດ ເປັນປະທານອົງການກວດສອບແຫ່ງລັດ ແລະ ຮັບຮອງເອົາ ທ່ານ ຄໍາພັນ ພົມມະທັດ ເປັນປະທານອົງການກວດກາແຫ່ງລັດ.
Loading...