ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ການດໍາເນີນກອງປະຊຸມສະໄຫມສາມັນເທື່ອທີ 6 ຂອງສະພາແຫ່ງຊາດຊຸດທີIX ວັນທີ 15 ພະຈິກ 2023 ຢູ່ຫໍສະພາແຫ່ງຊາດນະຄອຫລວງວຽງຈັນ ພາຍໃຕ້ການເປັນປະທານ ຂອງ ທ່ານ ຄໍາໃບ ດໍາລັດ ຮອງປະທານສະພາແຫ່ງຊາດ ສະມາຊິກສະພາເເຫ່ງຊາດເເຕ່ລະເຂດເລືອກຕັ້ງໄດ້ຮັບຟັງການສະເຫນີກົດຫມາຍວ່າດ້ວຍການປີ່ນປົວສະບັບປັບປຸງ ເຊີ່ງກົດໝາຍສະບັບນີ້ ປະກອບມີທັງໝົດ 09 ພາກ, 04 ໝວດ, 72 ມາດຕາ; ໃນນັ້ນປັບປຸງ 47 ມາດຕາ ແລະ ເພີ່ມເຂົ້າໃໝ່ 1 ພາກ, 15 ມາດຕາ ທີ່ສະເຫນີໂດຍ ດຣ ບຸນເເຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ທ່ານໄດ້ຍົກໃຫ້ເຫັນສະພາບການຈັດຕັ້ງປະຕິບັດກົດໝາຍໄລຍະຜ່ານມາ,ເຫດຜົນຄວາມຈໍາເປັນຂອງການປັບປຸງກົດຫມາຍ,ຂະບວນການຄົ້ນຄວ້າປັບປຸງຮ່າງກົດຫມາຍ,ໂຄງປະກອບ ເເລະ ເນື້ອໃນສໍາຄັນຂອງກົດຫມາຍ ລວມເຖີງຄາດຄະເນຜົນໄດ້ຮັບພາຍຫລັງຮ່າງກົດຫມາຍສະບັບນີ້ຖືກຮັບຮອງເເລະປະກາດໃຊ້,ເຊີ່ງໄລຍະຜ່ານມາພາຍຫລັງກົດຫມາຍສະບັບນີ້ໄດ້ຖືກຮັບຮອງແລະປະກາດໃຊ້ ຂະແໜງການສາທາລະນະສຸກ ໄດ້ຈັດຕັ້ງຜັນຂະຫຍາຍເຂົ້າໃນວຽກງານການປິ່ນປົວ ຜ່ານການຈັດຕັ້ງປະຕິບັດ ເຫັນວ່າ ການເຄື່ອນໄຫວ, ການຄຸ້ມຄອງ ແລະ ການຕິດຕາມກວດກາ ວຽກງານການບໍລິການປິ່ນປົວ ດີຂື້ນເທື່ອລະກ້າວ,ເເຕ່ອີງໃສ່ສະພາບເງື່ອນໄຂປັດຈຸບັນ ຈື່ງມີຄວາມຈໍາເປັນທີ່ສຸດ ທີ່ຈະຕ້ອງໄດ້ມີການປັບປຸງເນື້ອໃນກົດຫມາຍສະບັບເພື່ອໃຫ້ມີຄວາມສອດຄ່ອງ ແລະ ແທດເໝາະກັບສະພາບເງື່ອນໄຂການຂະຫຍາຍຕົວຂອງເສດຖະກິດ-ສັງຄົມ ໃນປະຈຸບັນ, ສະພາບຕົວຈິງຂອງປະເທດເຮົາ ແລະ ການປ່ຽນແປງໃໝ່ຂອງໂລກ ແນໃສ່ ພັດທະນາລະບົບການບໍລິການປິ່ນປົວສຸຂະພາບ ຂອງ ລາວ ໃຫ້ນັບມື້ວ່ອງໄວ, ມີຄຸນນະພາບ, ທັນສະໄໝ ສາມາດ ກວດສອບໄດ້, ເຊື່ອມໂຍງກັບ ພາກພື້ນ ແລະ ສາກົນ ເທື່ອລະກ້າວ. ຫຼຸດຜ່ອນຫາງສຽງຂອງສັງຄົມ ລວມໄປເຖິງຈັນຍາບັນ, ຈັນຍາທໍາຂອງແພດໝໍ.
ພາຍຫລັງສະມາຊິກສະພາແຫ່ງຊາດເເຕ່ລະເຂດເລືອກຕັ້ງໄດ້ຮັບຟັງການສະເຫນີຮ່າງກົກຫມາຍວ່າດ້ວຍການປີ່ວປີ່ນສະບັບປັບປຸງສໍາເລັດ ປະທານກອງປະຊຸມ ໄດ້ມີຄໍາເຫັນເຈາະຈີ້ມເພື່ອເປັນທິດທາງໃນການປະກອບຄໍາເຫັນ ຫລັງຈາກນັ້ນໄດ້ສະເຫນີໃຫ້ສະມາຊິກສະພາແຫ່ງຊາດປະກອບຄໍາເຫັນໃສ່ຮ່າງກົດຫມາຍສະບັບນີ້ເພື່ອໃຫ້ມີເນື້ອໃນຄົບຖ້ວນເເລະຮັດກຸມຫລາຍຂື້ນກວ່າເກົ່າ.
ພາຍຫລັງທີ່ສະມາຊິກສະພາແຫ່ງຊາດເເຕ່ລະເຂດເລືອກຕັ້ງໄດ້ປະກອບຄໍາເຫັນໃສ່ຮ່າງກົດຫມາຍວ່າດ້ວຍການປີ່ນປົວສະບັບປັບປຸງສໍາເລັດ ຄະນະຮັບຜິດຊອບຮ່າງກົດຫມາຍໄດ້ມີຄໍາເຫັນຊີ້ເເຈງອະທິບາຍເພີ່ມຕື່ມທີ່ເຫັນວ່າສະມາຊິກສະພາແຫ່ງຊາດໃຫ້ຄວາມສົນໃຈ ຫລັງຈາກນັ້ນ ປະທານກອງປະຊຸມໄດ້ມີຄໍາເຫັນສະຫລຸບສັງລວມການປະກອບຄໍາເຫັນຂອງສະມາຊິກສະພາແຫ່ງຊາດ.