ສະມາຊິກສະມາຄົມນັກທຸລະກິດແມ່ຍິງໄດ້ຮັບລາງວັນເຄືອຂ່າຍຜູ້ປະກອບການແມ່ຍິງດີເດັ່ນອາຊຽນ ປີ 2024

ສະມາຊິກສະມາຄົມນັກທຸລະກິດແມ່ຍິງ (ສທຍ) ໄດ້ຮັບລາງວັນເຄືອຂ່າຍຜູ້ປະ ກອບກອບການແມ່ຍິງດີເດັ່ນອາຊຽນ ປີ 2024 Outstanding ASEAN Women’ Entrepreneure Award (AWEN Award 2024). ພິທີມອບ-ຮັບລາງວັນ ຈັດຂຶ້ນຕອນຄໍ່າຂອງວັນທີ 01 ສິງຫາ 2024 ທີ່ມາຜ່ານມາ ທີ່ ໂຮງແຮມ Sofitel ພະນົມເປັນ ປະເທດກຳປູເຈຍ, ມີຄະນະຜູ້ແທນຈາກບັນດາປະເທດສະມາຊິກອາຊຽນເຂົ້າຮ່ວມ, ສຳລັບ ສປປ ລາວ ກໍ່ຄື ສະມາຄົມນັກທຸລະກິດແມ່ຍິງ ໃນນາມເປັນສະມາຊິກ ເຄືອຂ່າຍຜູ້ປະກອບກອບການແມ່ຍິງອາຊຽນ (AWEN) ນຳໂດຍ ທ່ານ. ມະໂນລາ ດາລາວົງ ປະທານທີ່ປຶກສາ ສທຍ ແລະ ທ່ານ ນາງ ທິພາພອນ ເພັດມະນີ ຄະນະ AWEN Focal Point ສປປ ລາວ ພ້ອມດ້ວຍຄະນະ, ສະມາຊິກ ສທຍ ແລະ ຜູ້ຕິດຕາມເຂົ້າຮ່ວມທັງໝົດ 41 ທ່ານ.

ການເຂົ້າຮ່ວມຄັ້ງນີ້ມີຜູ້ໄດ້ຮັບລາງວັນດັ່ງກ່າວຈາກ 9 ປະເທດ ຈາກບັນດາປະເທດອາຊຽນ (ບູຣໄນ, ມຽນມາ, ກຳປູເຈຍ, ອິນໂດເນຍເຊຍ, ມາເລຍເຊຍ, ຟີລິບປິນ, ສິງກາໂປ, ໄທ ແລະ ສປປ ລາວ) ໃນນີ້ມີສະມາຊິກ ສະມາຄົມນັກທຸລະກິດແມ່ຍິງ ຈາກ ສປປ ລາວ ໄດ້ຮັບລາງວັນດັ່ງກ່າວຈຳນວນ 10 ທ່ານ: ຈາກນະຄອນຫຼວງຈັນ 4 ທ່ານ, ຈາກແຂວງຄຳມ່ວນ 1 ທ່ານ, ສະຫວັນນະເຂດ 2 ທ່ານ ແລະ ທ່ານ ແຂວງຈຳປາສັກ 3 ທ່ານ ດັ່ງລາຍຊື່ລຸມນີ້:

1. ທ່ານ ນາງ ປະທຸມພອນ ເພັດສາວົງ ຮອງປະທານ ບໍລິສັດ ສະຫວັນຄຳ ວໍເຕີ ຈຳກັດຜູ້ດຽວ, ຈາກ ນະຄອນຫຼວງວຽງຈັນ

2. ທ່ານ ນາງ ອາມອນ ພູມມະສັກ ຜູ້ອຳນວຍການ ບໍລິສັດ ຟ້າວັດທະນາ ຂາເຂົ້າ-ຂາອອກ ຈຳກັດ, ຈາກນະຄອນຫຼວງວຽງຈັນ

3. ທ່ານ ນາງ ສຸວິຕາ ປະເສີດ ເຈົ້າຂອງ/ຜູ້ອຳນວຍການ ໂຮງງານ ມະຫັດສະຈັນ ຫັດຖະກຳ ຕຳພົມລາວ ຈຳກັດຜູ້ດຽວ, ຈາກ ນະຄອນຫຼວງວຽງຈັນ

4. ທ່ານ ນາງ ຫລັກທອງ ບົວຂອງ ຜູ້ອຳນວຍການ ໂຮງຫມໍ ລາວ-ຫວຽດ ຈຳກັດຜູ້ດຽວ, ຈາກນະຄອນຫຼວງວຽງຈັນ

5. ທ່ານ ນາງ ຈັນຕະນາ ເຊື້ອຄຳເພັງ ເຈົ້າຂອງ/ຜູ້ອຳນວຍການ ບໍລິສັດ ບົວຫຼວງແຮ່-ຊາຍ ຈຳກັດຜູ້ດຽວ, ຈາກ ແຂວງຄຳມ່ວນ

6. ທ່ານ ນາງ ສາຍສະໝອນ ອິນທິຈັກ ປະທານ ບໍລິສັດ ອິນທິຈັກ ການຄ້າສາກົນ ຈຳກັດຜູ້ດຽວ, ຈາກ ແຂວງສະຫວັນນະເຂດ

7. ທ່ານ ນາງ ທູນສະຫວັນ ສີຈັນທອງທິບ ຜູ້ອຳນວຍການ ບໍລິສັດ ຂົນສົ່ງສາກົນ ຈຳກັດ , ຈາກ ສະຫວັນນະເຂດ

8. ທ່ານ ນາງ ຄຳໃບ ແກ້ວດວງດີ ຮອງປະທານ ບໍລິສັດ ດວງດີກໍ່ສ້າງ-ຂົວທາງ ຈຳກັດຜູ້ດຽວ, ຈາກ ແຂວງຈຳປາສັກ

9. ທ່ານ ນາງ ສິອຳພອນ ອາມາດມົນຕີ ປະທານ ໂຮງງານ ສີອຳພອນ ແກັສ ຈຳກັດຜູ້ດຽວ, ຈາກ ແຂວງຈຳປາສັກ

10. ທ່ານ ນາງ ສົມເລັດ ໂພສາລາດ ປະທານ ກຸ່ມບໍລິສັດ ຍິ່ງໂຊກໄຊ ຈຳກັດຜູ້ດຽວ, ຈາກ ແຂວງຈຳປາສັກ

ທີ່ມາ: Business Woman’s Association