ສະຫລຸບການປະຕິບັດ ໂຄງການສ້າງຄວາມເຂັັ້ມແຂງໃຫ້ສື່ມວນ ຊົນ 6 ເດືອນຕົ້ນປີ 2024

ສະມາຄົມນັກຂ່າວແຫ່ງ ສປປ ລາວ ຮ່ວມກັບ ອົງການແຄຣ໌ ນານາຊາດ ປະຈຳ ລາວ ຈັດກອງປະຊຸມສະຫລຸບ-ລາຍງານຜົນການຈັດຕັ້ງປະຕິບັດ ໂຄງການສ້າງຄວາມເຂັັ້ມແຂງ ໃຫ້ແກ່ສື່ມວນ ຊົນ 6 ເດືອນຕົ້ນປີ 2024 ໃນວັນທີ 29 ສິງຫາ 2024 ໂດຍການມີສ່ວນຮ່ວມຂອງອົງການຈັດຕັັ້ງມະ ຫາຊົນ ແລະ ອົງການຈັດຕັັ້ງທາງສັງຄົມ ເພື່ອການພັດທະນາສີຂຽວໃນ ສປປ ລາວ (GAMCIL).

ໃນໂອກາດນີ້, ທ່ານ ສະຫວັນຄອນ ລາຊະມຸນຕີ ປະທານສະມາ ຄົມນັກຂ່າວ ແຫ່ງ ສປປ ລາວ ໄດ້ມີຄຳເຫັນວ່າ: ພາຍຫລັງທີ່ສະ ມາຄົມນັກຂ່າວ ແຫ່ງ ສປປ ລາວ ແລະ ອົງການແຄຣ໌ ນານາຊາດ ປະຈຳ ລາວ ໄດ້ຮ່ວມກັນຈັດຕັ້ງປະຕິບັດໂຄງການດັ່ງກ່າວ ເຫັນວ່າມີຫລາຍວຽກ, ຫລາຍກິດຈະກຳ ໄດ້ຮັບການຈັດຕັ້ງປະຕິບັດຕາມແຜນ ເປັນຕົ້ນ ການສ້າງເວັບໄຊ ຂອງສະມາຄົມ ແລະ ການລົງສໍາຫລວດເກັບກໍາຂໍ້ມູນນໍານັກຂ່າວທົ່ວປະເທດ ເພື່ອມາອອກແບບ ແລະ ສ້າງຫລັກສູດ ສໍາລັບການສິດສອນ ແລະ ແຜນຝຶກອົບຮົມໃຫ້ນັກຂ່າວໃນຂອບເຂດທົ່ວປະເທດ ໃນຍຸກຂໍ້ມູນຂ່າວສານຜ່ານລະບົບດີຈິຕອນໂດຍສະເພາະ ໄດ້ຈັດເວທີເສວະນາກ່ຽວກັບການ ນໍາໃຊ້ປັນຍາປະດິດ ແລະ ສິ່ງທ້າທາຍສຳລັບສື່ມວນຊົນລາວ.

ນອກນີ້, ຍັງມີກິດຈະກໍາທີ່ຈະຈັດຕັ້ງປະຕິບັດໃນຕໍ່ໜ້າ ພາຍ ໃຕ້ຂອບການຮ່ວມມື ຂອງສະ ມາຊິກສະມາພັນນັກຂ່າວອາຊຽນ ໂດຍຈະໄດ້ຄັດເລືອກນັກຂ່າວ ໄປທັດສະນາສຶກສາຢູ່ບາງແຂວງ ທີ່ມີໂຄງການຕົວແບບວ່າດ້ວຍການພັດທະນາສີຂຽວ, ລວມທັງການໄປຝຶກອົບຮົມ ແລະ ແລກປ່ຽນບົດ ຮຽນ ຢູ່ບາງປະເທດສະມາຊິກອາຊຽນ ຄື: ສສ ຫວຽດນາມ ແລະ ຣາຊະອານາຈັກໄທ.

ໂຄງການດັ່ງກ່າວ, ຈະຊ່ວຍປະກອບສ່ວນເຮັດໃຫ້ສື່ພາກລັດ ແລະ ພາກເອກະຊົນ ທີ່ໄດ້ລົງທະ ບຽນຖືກຕ້ອງຕາມກົດໝາຍຂອງລາວ ໃຫ້ໄດ້ຮັບການຍົກລະດັບທັກສະດ້ານວິຊາຊີບສື່ ລວມທັງ ການ ນໍາໃຊ້ເຕັກໂນໂລຊີດີຈິຕອນ ແລະ ສື່ແບບໃໝ່ ໂດຍນັກຂ່າວທີ່ໄດ້ຮັບການຝຶກອົບຮົມ ຈະມີທັກສະ ແລະ ຄວາມສາມາດສູງ ຂຶ້ນໃນການຜະລິດຂໍ້ມູນຂ່າວສານ ທີ່ມີຄຸນນະພາບ ໂດຍຜ່ານການລາຍງານ ທີ່ມີຄວາມຮັບຜິດຊອບ ແລະ ເປັນມືອາຊີບກ່ຽວ ກັບການພັດທະນາສີຂຽວໃນ ສປປ ລາວ ເຊິ່ງເປັນໜຶ່ງໃນວຽກບຸລິມະສິດຂອງລັດຖະບານ ໃນການພັດທະນາປະເທດຊາດ ໃຫ້ນັບມື້ນັບຈະເລີນ ແລະ ສີວິໄລແບບຍືນຍົງ.

ໃນໂອກາດດຽວກັນ, ທ່ານ ໂພສີ ແກ້ວມະນີວົງ ຮອງລັດຖະ ມົນຕີກະຊວງຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ ກໍໄດ້ມີຄຳເຫັນວ່າ: ໂຄງການດັ່ງກ່າວ, ສ້າງຂຶ້ນເພື່ອຊ່ວຍສົ່ງເສີມໃຫ້ບັນດາ ສື່ມວນຊົນຂອງລັດ ແລະ ສື່ອື່ນໆ ທີ່ໄດ້ລົງທະບຽນຖືກຕ້ອງຕາມກົດໝາຍ ຢູ່ ສປປ ລາວ ໃຫ້ໄດ້ຮັບການຍົກລະດັບທັກສະທາງດ້ານວິຊາຊີບ ກໍຄື ລະບຽບກົດໝາຍ, ຫລັກນິຕິກຳ ແລະ ຫລັກຈັນຍາບັນດ້ານສື່ມວນຊົນ, ລວມທັງ ວິທີການນຳໃຊ້ເຕັກໂນໂລຊີ ມາຊ່ວຍຕັດຂັ້ນຕອນ ແລະ ຫລຸດເວລາໃນການ ຜະ ລິດສື່. ໃນນີ້, ມີທັງສື່ດັ້ງເດີມ ແລະ ສື່ດີຈິຕອນ ໂດຍສະເພາະ ສື່ສັງຄົມອອນລາຍ ຢ່າງສ້າງສັນ ແລະ ເປັນປະໂຫຍດ. ພ້ອມນັ້ນ, ໂຄງການດັ່ງກ່າວ ຍັງຈະຊ່ວຍໃຫ້ປະຊາຊົນລາວບັນດາເຜົ່າ ໄດ້ຮັບຂໍ້ມູນຂ່າວສານທີ່ມີຄຸນນະພາບ, ມີຫລາຍຮູບແບບ, ຫລາຍສີສັນ, ຖືກຕ້ອງ, ຊັດເຈນ, ວ່ອງໄວ, ທັນກັບສະພາບການ ແລະ ຜ່ານຫລາຍຊ່ອງທາງ ທີ່ມີຄວາມຮັບຜິດຊອບແບບມືອາຊີບ ໂດຍສະ ເພາະ ຂ່າວກ່ຽວກັບການພັດທະນາສີຂຽວແບບຍືນຍົງໃນ ສປປ ລາວ. ນອກຈາກນີ້, ໂຄງການດັ່ງກ່າວ, ຈະຊ່ວຍ ນໍາຜົນປະໂຫຍດບໍ່ໜ້ອຍມາໃຫ້ວຽກງານພັດທະນາສື່ມວນຊົນ, ດ້ວຍການເຄື່ອນ ໄຫວ ແລະ ການປະ ກອບສ່ວນຢ່າງຕັ້ງໜ້າ ຂອງທີມງານຈາກສະ ມາຄົມນັກຂ່າວແຫ່ງ ສປປ ລາວ ແລະ ຈາກອົງການແຄຣ໌ນານາຊາດ ປະຈໍາລາວ ຕາມພາລະບົດບາດ, ສິດ ແລະ ໜ້າທີ່, ພາຍໃຕ້ຂອບເວລາ ແລະ ຂັ້ນຕອນຕ່າງໆ ທີ່ລະບຸໄວ້ໃນໂຄງການ ເຊິ່ງຈະຊ່ວຍຍົກລະດັບຄວາມຮູ້, ຄວາມສາມາດໃຫ້ແກ່ນັກຂ່າວ ໃຫ້ມີຄວາມເຂົ້າໃຈຫລາຍຂຶ້ນ ກ່ຽວກັບການພັດທະນາສີຂຽວແແບຍືນຍົງ ເພື່ອກະຈາຍຂໍ້ມູນຂ່າວສານໄປຍັງຜູ້ບໍລິ ໂພກສື່ທັງຫລາຍໃນສັງຄົມ ໃຫ້ອວາຍໜ້າມາຮ່ວມມື, ສະໜັບສະໜູນ ແລະ ນໍາເອົາໄປປະຕິບັດໃຫ້ສໍາເລັດ ແລະ ສອດຄ່ອງຕາມແນວທາງການພັດທະນາຂອງພັກ-ລັດຖະບານ.