ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສະຫວັນນະເຂດກວດພົບຜູ້ຕ້ອງສົງໃສຕິດເຊື້ອພະຍາດໂຄວິດ-19 ຄົນທໍາອິດ

ໃນຕອນເຊົ້າວັນທີ 17 ມີນາ 2020, ຫນ່ວຍງານຄວບຄຸມພະຍາດຕິດຕໍ່ປະຈໍາດ່ານສາກົນຂົວມິດຕະພາບລາວ-ໄທແຫ່ງທີ 2 ແຂວງສະຫວັນນະເຂດ-ແຂວງມຸກດາຫານ ປະເທດໄທ ໄດ້ກວດພົບຜູ້ຕ້ອງສົງໃສຕິດເຊື້ອພະຍາດໂຄວິດ-19 ເປັນຄົນທໍາອິດຂອງແຂວງ, ເປັນເພດຍິງ ອາຍຸ 28 ປີທີ່ເດີນທາງມາຈາກປະເທດໄທ.
ທ່ານໝໍ ຖາວອນ ທຸມມະສອນ, ຫົວຫນ້າຫນ່ວຍງານຄວບຄຸມພະຍາດຕິດຕໍ່ປະຈຳດ່ານສາກົນຂົວທິດຕະພາບລາວ-ໄທ ແຫ່ງທີ 2 ໃຫ້ຮູ້ວ່າ: ຜູ້ຕ້ອງສົງໃສຕິດເຊື້ອພະຍາດໂຄວິດ-19 ທີ່ກວດພົບນີ້ ແມ່ນເຮັດວຽກເປັນແມ່ເຮືອນຢູ່ນະຄອນ ຫລວງບາງກອກຂອງໄທ.
ກ່ອນເດີນທາງກັບມາບ້ານເກີດທີ່ແຂວງສະຫວັນນະເຂດ, ຜູ້ກ່ຽວແມ່ນມີອາການໄຂ້ມາໄດ້ 2-3ວັນແລ້ວ. ຈາກນັ້ນ, ນາຍຈ້າງກໍ່ໄດ້ອະນຸຍາດໃຫ້ລາວເດີນທາງກັບບ້ານ. ຜ່ານການກວດຕົວຈິງຂອງເຈົ້າຫນ້າທີ່ກ່ຽວຂ້ອງປະຈໍາດ່ານເຫັນວ່າ ຜູ້ກ່ຽວມີອາການໄຂ້ສູງ ເຖິງ 38,5 ອົງສາ, ພ້ອມທັງ ມີອາການໄອ ແລະ ຈາມ ເຊີ່ງນອນຢູ່ໃນນິຍາມຂອງການເປັນພະຍາດໂຄວິດ-19.
ປັດຈຸບັນ, ຜູ້ກ່ຽວຖືກກັກຕົວໄວ້ທີ່ຈຸດຄວບຄວມຂອງພະແນກສາທາລະ ນະສຸກແຂວງທີ່ຈັດກຽມໄວ້ ໂດຍຈະຖືກກັກຕົວເປັນເວລາ 14 ວັນ ພ້ອມທັງຈະໄດ້ກວດວ່າຜູ້ກ່ຽວແມ່ນຕິດເຊື້ອພະຍາດດັ່ງກ່າວນີ້ແທ້ ຫລືບໍ່.

ຂ່າວ,​ພາບ: ບຸນ​ຕຽງ​ ຈັນທະວົງ