ສະຫວັນນະເຂດ ຈະປະກາດບ້ານ ແລະເມືອງຢຸດຕິການຖ່າຍຊະຊາຍໃຫ້ໄດ້ 7 ເມືອງ

ແຂວງສະຫວັນນະເຂດ ຈະປະກາດບ້ານ ແລະເມືອງຢຸດຕິການຖ່າຍຊະຊາຍໃຫ້ໄດ້ 7 ເມືອງ ຄື: ເມືອງວິລະບູລີ, ເຊໂປນ, ນອງ, ພີນ, ພະລານໄຊ, ຊົນນະບູລີ ແລະ ເມືອງທ່າປາງທອງ ເຊິ່ງມີທັງຫມົດ 304 ບ້ານ, ມີ 53.046 ຫຼັງຄາເຮືອນ, ໃນນັ້ນ ມີ 9.190 ຫຼັງຄາເຮືອນທຸກຍາກ.

ຂໍ້ມູນນີ້ໄດ້ມາຈາກ ກອງປະຊຸມການລາຍງານຂໍ້ມູນການປະກາດບ້ານ, ປະກາດເມືອງຢຸດຕິການຖ່າຍຊະຊາຍ ປະຈໍາ ປີ 2023 ແລະ ວາງທິດທາງແຜນການ ປີ 2024 ຈັດຂຶ້ນທີ່ຫ້ອງປະຊຸມຂອງພະແນກສາທາລະນະສຸກແຂວງສະຫວັນນະເຂດ ໃນວັນທີ 17 ພຶດສະພາ 2024 ນີ້ ໂດຍການເປັນປະທານຂອງ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ.