ໃນວັນທີ 14 ມີນາ 2024, ສະມາຄົມນັກທຸກລະກິດຍິງ ແຂວງສະຫວັນນະເຂດ ຈັດງານເດີນແບບເພື່ອການກຸສົນ ແລະ ປະມູນເຄື່ອງນຸ່ງຜ້າຝ້າຍລາວ, ຮູບແຕ້ມເພື່ອສົມທົບທຶນຊ່ວຍ ເຫຼືອເຂດຫ່າງໄກສອກຫຼີກ ໂດຍກ່ນໃຫ້ກຽດເຂົ້າຮ່ວມຂອງທ່ານນາງ ປານີ ຍາທໍ່ຕູ້ ຮອງປະທານປະເທດແຫ່ງ ສປປ ລາວ, ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ.
ງານຄັ້ງນີ້ແມ່ນກິດຈະກຳໜຶ່ງທີ່ນອນໃນກິດຈະກຳປີທ່ອງ ທ່ຽວລາວ 2024 ຂອງແຂວງ ຕິດພັນກັບງານສະຫວັນສຸກສັນຫັນສາ ເພື່ອສະແດງເຖິງຮີດຄອງປະເພນີອັນດີງາມໃນ 9 ຊົນເຜົ່າ ຂອງແຂວງສະຫວັນນະເຂດ ທັງເປັນການສົ່ງເສີມອະນຸລັກສືບ ທອດມູນເຊື້ອ ການຕ່ຳຜ້າສິ້ນ, ຜ້າແພໄໝ, ຜ້າຝ້າຍ ແລະ ອື່ນໆ ທີ່ເປັນສີໄມ້ລາຍມືຂອງປະຊາຊົນບັນດາເຜົ່າຊາວແຂວງສະຫວັນ ນະເຂດ ທີ່ມີລວດລາຍເອກະລັກມາແຕ່ບູຮານນະການ ເພື່ອໃຫ້ລູກຫຼານໃນຍຸກສະໄໝໃໝ່ໄດ້ເຫັນ, ໄດ້ນຸ່ງຖື ເພື່ອສືບທອດຕໍ່ໄປ ແລະ ກິດຈະກຳໃນຄັ້ງນີ້ຍັງ ເປັນການຫາລາຍໄດ້ຈາກການປະມູນເຄື່ອງຜ້າໄໝ, ຜ້າຝ້າຍ ເພື່ອນໍາລາຍໄດ້ດັ່ງກ່າວມາສົມທົບທຶນຊ່ວຍເຫຼືອເດັກນ້ອຍຜູ້ດ້ອຍໂອກາດ ແລະ ພໍ່ແມ່ປະຊາຊົນບັນດາເຜົ່າ ທີ່ຢູ່ເຂດຫ່າງໄກສອກຫຼີກໃນທົ່ວແຂວງ.
ໃນພິທີ ໄດ້ມີການປະມູນຮູບແຕ້ມຂອງທ່ານຜູ້ນຳຂະໜາດ 50X60ຊັງຕີແມັດ ເຊິ່ງປະມູນເລີ່ມຕົ້ນ 5 ລ້ານກີບ. ນອກນີ້ກໍຍັງໄດ້ມີການປະມູນຜ້າຕຸ້ມລາຍພັນຊັ້ນລະຫານຳອູ້ມຫນ່ວຍ ແລະປະມູນຮູບພາບເອກະລັກ ແຂວງສະຫວັນນະເຂດເລີ່ມຕົ້ນ 10 ລ້ານກີບ, ຈາກນັ້ນກໍໄດ້ມີການເດີນແບບໃນຊຸດວັດທະນະທຳຊົນເຜົ່າພາຍໃນແຂວງສະຫວັນນະເຂດ ໂດຍໃຫ້ກຽດເດີນແບບຈາກທ່ານນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະ ເຂດ, ພ້ອມພັນລະຍາການນຳ ແລະ ນັກທຸລະກິດຍິງພາຍໃນແຂວງສະຫວັນນະເຂດ, ພ້ອມນີ້ ຍັງໄດ້ຮັບຊົມການເຕັ້ນລວມຫມູ່ຍິງ ແລະ ອື່ນໆ
ທີ່ມາ: Media Lao
