ກອງປະຊຸມປຶກສາຫາລືລະດົມແນວຄວາມຄິດພັດທະນາ ແລະ ສົ່ງເສີມການທ່ອງທ່ຽວທີ່ແຫຼ່ງທ່ອງທ່ຽວ ພຣະທາດອີງຮັງ ນະຄອນໄກສອນ ພົມວິຫານໄດ້ຈັດຂຶ້ນເມື່ອວັນທີ 31 ກໍລະກົດ 2024ນີ້, ໂດຍການເປັນປະທານຂອງທ່ານ ໂພສີສ້ອຍ ກຸທິລາດ ຫົວໜ້າພະແນກ ຖວທ ແຂວງ, ທ່ານນາງ ວັນນາລີ ແກ້ວຫານາມ ຮອງເຈົ້ານະຄອນໄກສອນພົມວິຫານ
ທ່ານ ໂພສີສ້ອຍ ກຸທິລາດ ກ່າວວ່າ: ກອງປະຊຸມຄັ້ງນີ້ ໄດ້ມີຫຼາຍບັນຫາຍົກຂຶ້ນມາພິຈາລະນາທີ່ກ່ຽວພັນກັບສະຖານທີ່ການບໍລິການ ທີ່ຕ້ອງຮ່ວມກັນເຮັດ ເຊິ່ງໃນປີຜ່ານມາພວກເຮົາກໍໄດ້ເອົາໃຈໃສ່ ປັບປຸງສະຖານທີ່ດັ່ງກ່າວ ຫລາຍຄັ້ງບໍ່ວ່າຈະເປັນພາກສ່ວນຄຸ້ມຄອງທີ່ດິນວັດທະນະທຳ, ປູນິສະຖານວັດຖຸບູຮານຕ່າງໆ, ລວມເຖິງການຕ້ອນຮັບ, ການສ້າງລາຍຮັບກັບທີ່ຂອງແຫຼ່ງທ່ອງທ່ຽວ ພຣະທາດອີງຮັງ. ສະນັ້ນ, ໃນກອງປະຊຸມນີ້ຈິ່ງເນັ້ນເຖິງວຽກໃຫ້ການບໍລິການຈຸດດັ່ງກ່າວໃຫ້ກາຍເປັນຈຸດທີ່ສ້າງລາຍຮັບໃຫ້ທ້ອງຖິ່ນ, ເຮັດໃຫ້ການບໍລິການ, ການບໍລິຫານໄປຄຽງຄູ່ກັບການອະນຸລັກຮັກ ສາວັດທະນະທໍາອັນດີງາມໃຫ້ຄົງຢູ່ຕະຫຼອດໄປ.
ຂ່າວ: ມີເດຍລາວ
