ໃນຕອນເຊົ້າວັນທີ 6 ກັນຍາ 2024 ສະຫະພັນນັກຮົບເກົ່າເມືອງພີນ ແຂວງສະຫວັນນະເຂດ ໄດ້ຈັດກອງປະຊຸມໃຫຍ່ຄັ້ງທີ V ໂດຍການເຂົ້າຮ່ວມຂອງ ສະຫາຍ ພັອ ສຸລິວຽງ ຊ່ຽນສະ ຫວັນ ປະທານສະຫະພັນນັກຮົບເກົ່າແຂວງສະຫວັນນະເຂດ,
ແຂກຮັບເຊີນ ແລະ ຜູ້ແທນເຂົ້າຮ່ວມທັງໝົດ 90 ສະຫາຍ,ຍິງ 10 ສະຫາຍ, ໃນນັ້ນມີຜູ້ແທນສົມບູນ 52 ສະຫາຍ,ຍິງ 7 ສະຫາຍ,
ໃນກອງປະຊຸມສະຫາຍ ພັຕ ວັນທີ ທິບພະເກດ ວ່າການປະ ທານສະຫະພັນນັກຮົບເກົ່າເມືອງພີນ ໄດ້ຂຶ້ນຜ່ານບົດລາຍງານການເມືອງພາກ I ແລະ ພາກ II ,ເຊິ່ງທົ່ວເມືອງ ມີໜ່ວຍສະຫະ ພັນນັກຮົບເກົ່າກຸ່ມບ້ານ10 ໜ່ວຍ,ມີສະມາຊິກນັກຮົບເກົ່າທັງ ໝົດ 357 ທ່ານ,ຍິງ 96ທ່ານ. ຜ່ານມາ ຄະນະສະຫະພັນນັກຮົບເກົ່າເມືອງພີນໄດ້ຖືສຳຄັນ ແລະ ເອົາໃຈໃສ່ສຶກສາອົບຮົມການ ເມືອງ,ປັບປຸງທັດສະນະແນວຄິດຂອງຖັນແຖວນັກຮົບເກົ່າທີ່ຢູ່ໃນຄວາມຮັບຜິດຊອບຂອງຕົນດ້ວຍຫຼາຍຮູບ,ຫຼາຍວີທີ,ຈັດຕັ້ງປາ ຖະກະວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ,ລະບຽບກອງທຶນ,ເຜີຍແຜ່ວຽກງານ 3ດີ6ຮັກສາ,ໃຫ້ສະມະຊິກນັກຮົບເກົ່າຢູ່ໜ່ວຍກຸ່ມບ້ານ 34 ຄັ້ງ ມີຜູ້ເຂົ້າຮ່ວມ 1,494ທ່ານ,ຍິງ 383ທ່ານ,ຈັດຕັ້ງປາຖະກະຖາ ພາຍໃນເມືອງ ມີສະມາຊິກພັກ, ພະນັກງານ,ທະຫານ,ຕຳຫຼວດ ແລະ ສະມາຊິກສະຫະພັນນັກຮົບເກົ່າເຂົ້າຮ່ວມ 1,545ທ່ານ,ຍິງ 225 ທ່ານ,ເອົາໃຈໃສ່ຊຸກຍູ້ການ ປະຕິບັດນະໂຍບາຍປ່ຽນແທນໂກຕ້າລົດໄດ້ 9ສະຫາຍ,ເງິນອຸດ ໜູນເທື່ອດຽວໄດ້ 35ສະຫາຍ, ໄດ້ຮັບເງິນອຸດໜູນເສຍສະຫຼະຊີວິດໃນປາງສົງຄາມ 6ສະຫາຍ,ປະຕິບັດນະໂຍບາຍຮັບອຸດໜູນເສຍອົງຄະຄືນຈຳນວນ13ສະຫາຍ,ສະຫະພັນນັກຮົບເກົ່າເມືອງພີນໄດ້ສ້າງກອງທຶນຊ່ວຍເຫຼືອເຊິ່ງກັນ ແລະ ກັນຈຳນວນ 1 ກອງທຶນ ໃນ 10 ໜ່ວຍກຸ່ມບ້ານ,ປັດຈຸບັນມີສະມາຊິກກອງທຶນທັງໝົດ 2,745ຄົນ,ຍິງ 1,402ຄົນ,ມີເງິນກອງທຶນ 13 ຕື້ກວ່າກີບ,ໃນໄລຍະຜ່ານມາປະຕິບັດນະໂຍບາຍສະມາຊິກກອງທຶນເສຍຊີວິດຈຳນວນ 10 ຕື້ກວ່າກີບ.
ໃນທີ່ປະຊຸມຍັງໄດ້ມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນໃນໄລຍະຜ່ານມາ,ຈາກນັ້ນສະຫາຍ ວິໄລວັນ ໄຊວົງຄຳ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຂຶ້ນຜ່ານມາດຖານເງື່ອນໄຂ ແລະ ປະກາດລາຍຊື່ຜູ້ທີ່ຈະສະໝັກເຂົ້າໃນຄະນະຊຸດໃໝ່, ເຊິ່ງມີຜູ້ສະໝັກທັງໝົດ 5 ສະຫາຍ,ເລືອກໄດ້ 3 ສະຫາຍ,ຜ່ານກອງປະ ຊຸມຄັ້ງປະຖົມມະລຶກໄດ້ເຫັນດີເລືອກເອົາສະຫາຍ ພັຕ ວັນທີ ທິບພະເກດ ເປັນປະທານສະຫະພັນນັກຮົບເກົ່າເມືອງພີນ, ສະຫາຍ ພັທ ກິແກ້ວ ສິນພາດາ ເປັນຮອງປະທານ ທັງເປັນປະທານກວດກາ, ສະຫາຍ ຮອ ຈັນທະໜອມ ໄຊພາວຽງ ເປັນຮອງປະທານ,ສະຫາຍ ສົມພອນ ພະສະຫວັດ ເປັນຜູ້ຊ່ວຍວຽກກວດກາ,ໃນຕອນທ້າຍກອງປະຊຸມ ຍັງໄດ້ຮັບຟັງການໂອ້ລົມຈາກສະຫາຍ ສຸດໃຈ ໄຊຍະວົງ ວ່າການເລຂາພັກເມືອງ ວ່າການເຈົ້າ ເມືອງພີນຕື່ມອີກ.
