ວັນທີ 26 ກັນຍາ 2024, ສະຫະພັນແມ່ຍິງ ກະຊວງ ປກສ ນຳໂດຍ ພັອ ນາງ ຄຳຢາດ ວິໄລວັນ ປະທານສະຫະພັນແມ່ຍິງ ກະຊວງປກສ ໄດ້ນຳເອົາເຄື່ອງບໍລິໂພກ-ອຸປະໂພກ ເຊັ່ນ: ນ້ຳດື່ມ, ໝີ່, ເຂົ້່າສານ, ແຟັບ, ສາດ ລວມມູນຄ່າ 46 ລ້ານກວ່າກີບ ໄປມອບໃຫ້ສະມາຊິກສະຫະພັນແມ່ຍິງທີ່ປະສົບໄພນ້ຳຖ້ວມ 9 ຈຸດ ເຂດ ເມືອງຫາດຊາຍຟອງ, ນະຄອນຫຼວງວຽງຈັນ.
ເຄື່ອງທີ່ນຳມາມອບໃຫ້ຄັ້ງນີ້ ແມ່ນໄດ້ມາຈາກການລະດົມການຊ່ວຍເຫຼືອຈາກບັນສະມາຊິກແມ່ຍິງກົມກອງອ້ອມຂ້າງກະຊວງ ທີ່ມີນ້ຳໃຈຊ່ວຍເຫຼືອສະມາຊິກແມ່ຍິງທີ່ຖືກຜົນກະທົບຈາກໄພນ້ຳຖ້ວມ ໃຫ້ມີຂວັນກຳລັງໃນການຕໍ່ສູ້ກັບໄພນ້ຳຖ້ວມໃນຄັ້ງນີ້.
ໃນວັນດຽວກັນ, ສະຫະພັນແມ່ຍິງ ກົມໃຫຍ່ການເມືອງ ປກສ ນຳໂດຍ ພັອ ນາງ ໄລທອງ ໄຊຍະສອນ ປະທານສະຫະພັນແມ່ຍິງ ກົມໃຫຍ່ການເມືອງ ປກສ ພ້ອມຄະນະ ກໍໄດ້ນຳເອົາເຄື່ອງອຸປະໂພກ-ບໍລິໂພກ ໄປມອບໃຫ້ສະມາຊິກແມ່ຍິງທີ່ໄດ້ຮັບຜົນກະທົບຈາກໄພນ້ຳຖ້ວມ 3 ຈຸດ.
ທີ່ມາ: ຄວາມສະຫງົບລາວ
