ວັນທີ 20 ກໍລະກົດ 2021, ເມືອງປາກລາຍແຂວງໄຊຍະບູລີ ໄດ້ຈັດພິທີປາຖະ ກະຖາຫວນຄືນມູນເຊື້ອວັນສ້າງຕັ້ງສະ ຫະພັນແມ່ຍິງລາວຄົບຮອບ66ປີ, ໂດຍການເປັນກຽດເຂົ້າຮ່ວມແລະໃຫ້ກຽດປາຖະກາຖາຂອງທ່ານ ບຸນຫຼາຍ ວົງດາລາ ຮອງເລຂາພັກເມືອງໆປາກລາຍ,ມີບັນດາຄະນະປະຈຳພັກເມືອງ,ກຳມະການພັກເມືອງ,ຫົວໜ້າ, ຄະນະນຳແມ່ຍິງບັນ ດາສຳນັກງານ,ບ້ານ ເຂົ້າຮ່ວມ.
ໃນພິທີທ່ານ ບຸນຫຼາຍ ວົງດາລາ ຮອງເລ ຂາພັກເມືອງໄດ້ໃຫ້ກຽດປາຖະກາຖາຫວນຄືນມູນເຊື້ອຂອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວຄົບຮອບ 66 ປີໂດຍໄດ້ຍົກໃຫ້ເຫັນການເຄື່ອນໄຫວເລີ່ມແຕ່ວັນສ້າງຕັ້ງຂອງສະຫະພັນແມ່ຍິງລາວໃນແຕ່ລະໄລຍະ,ມູນເຊື້ອຕໍ່ສູ້ພິລະອາດຫານບໍ່ຍອມຈຳນົນຂອງຂະບວນ ການຕໍ່ສູ້ຂອງແມ່ຍິງລາວບັນດາເຜົ່າ,ການກຳເນີດເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວກໍ່ຄືບັນດາຜົນງານທີ່ພົ້ນເດັ່ນແມ່ຍິງລາວ,ເວົ້າສະເພາະກໍ່ຄືສະຫະພັນແມ່ຍິງເມືອງປາກລາຍເຊິ່ງຍາມໃດກໍ່ໄດ້ອຸທິດຕົນເຂົ້າໃນພາລະກິດປົກປັກຮັກສາແລະສ້າງສາພັດທະນາປະເທດຊາດອັນໃຫຍ່ຫຼວງມາສູ່ປະເທດຊາດຈົນເຖິງປັດຈຸ ບັນ. ນອກຈາກນີ້ຍັງໄດ້ຍົກໃຫ້ເຫັນເຖິງບັນດາຜົນງານທີ່ພົ້ນເດັ່ນຂອງສະຫະພັນແມ່ຍິງເມືອງໃນໄລຍະຜ່ານມາທີ່ໄດ້ປະກອບສ່ວນໃນກັນຜັນຂະຫຍາຍແລະຈັດຕັ້ງແຜນພັດທະນາເສດຖະກິດ-ສັງຄົມຂອງເມືອງຕື່ມອີກ.ເພື່ອເຮັດໃຫ້ບັນດາຜູ້ເຂົ້າຮ່ວມໄດ້ຮັບຮູ້,ເຂົ້າໃຈຄວາມໝາຍຄວາມສຳຄັນອັນເລິກເຊິ່ງຂອງວັນດັ່ງກ່າວແລະໃຫ້ຢູ່ຄຽງຄູ່ກັບແມ່ຍິງລາວບັນດາເຜົ່າແຕ່ລະຮຸ່ນກໍ່ຄືປະເທດຊາດຕະຫຼອດໄປ ພ້ອມດຽວກັນນີ້ກໍ່ໄດ້ມອບກະຕ່າຂອງ ຂວັນອວຍພອນວັນສ້າງຕັ້ງສະຫະພັນແມ່ຍິງລາວໃຫ້ກັບອາດິດປະທານານສະຫະພັນແມ່ຍິງເມືອງ ແລະ ອາດິດຜູ້ຊີ້ນໍາວຽກງານອົງການຈັດຕັ້ງມະຫາຊົນໃນໄລຍະຜ່ານມາຕື່ມອີກ ໃນໂອກາດນີ້ກໍ່ໄດ້ມີການຈັດກິດຈະກໍາບໍລິຈາກເລືອດເພື່ອຊວ່ຍເຫຼືອສັງຄົມ ແລະ ຕ້ານການລະບາດຂອງພະຍາດໂຄວິດ19 ເຊິ່ງມີຜູສະໝັກໃຈບໍລິຈາກເລືອດທັງໝົດ 8 ຄົນໄດ້ເລືອດຕົວຈິງຈໍານວນ5 ຖົງຕື່ມອີກ.
ພາບ-ຂ່າວ ຖວທ ເມືອງປາກລາຍ
Loading...