ສະຫາຍເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ, ເປັນການນຳທີ່ເບິ່ງກວ້າງມອງໄກ, ນັກການທູດທີ່ປີຊາສາມາດ ແລະ ຍາມໃດກໍ່ຖືສຳຄັນການພົວພັນກັບທຸກໆປະເທດໃນໂລກ. ອະດີດເລຂາທິການໃຫຍ່, ປະທານປະເທດ ແຫ່ງ ສປປ ລາວ ສະຫາຍ ບຸນຍັງ ວໍລະຈິດ, ໄດ້ກ່າວໃນໂອກາດໃຫ້ສໍາພາດຕໍ່ສື່ມວນຊົນ, ໃນຕອນບ່າຍວັນທີ 22 ກໍລະກົດ ນີ້ວ່າ: ສະຫາຍເລຂາທິການໃຫຍ່ ຫງວຽນຝູຈ້ອງ ມີບົດບາດສຳຄັນໃນການຊຸກຍູ້ການພົວພັນຫຼາຍດ້ານກັບຫຼາຍປະເທດ, ພິເສດແມ່ນຊຸກຍູ້ສົ່ງເສີມການພົວພັນລະຫວ່າງ ລາວ – ຫວຽດນາມ – ກໍາປູເຈຍ ຜ່ານກົນໄກພົບປະຂັ້ນສູງລະຫວ່າງ 3 ພັກ. ສິ່ງທັງໝົດເຫຼົ່ານັ້ນໄດ້ຊ່ວຍຍົກສູງບົດບາດ ແລະ ອິດທິພົນຊື່ສຽງຂອງພັກ, ລັດ ຫວຽດນາມ ສູງເດັ່ນຂຶ້ນບົນເວທີພາກພື້ນ ແລະ ສາກົນ.
ໃນໂອກາດຕອບສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ, ສະຫາຍເລຂາທິການໃຫຍ່ພັກກອມມູນິດ ອີຢິບ Salah Adly, ໄດ້ເວົ້າວ່າ: ການຈາກໄປຂອງສະຫາຍເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝູຈ້ອງ ແມ່ນການສູນເສຍອັນໃຫຍ່ຫຼວງ ບໍ່ພຽງແຕ່ຂອງປະຊາຊົນ ແລະ ປະເທດ ຫວຽດນາມ ເທົ່ານັ້ນ, ຫາກຍັງເປັນການສູນເສຍນັກກອມມູນິດທີ່ກ້າວໜ້າ ແລະ ຮັກຫອມສັນຕິພາບໃນທົ່ວໂລກອີກດ້ວຍ.
“ ພາຍໃຕ້ການຊີ້ນຳຂອງສະຫາຍເລຂາທິການໃຫຍ່ ຫງວຽນຝູຈ້ອງ, ຫວຽດນາມ ໄດ້ຫັນປ່ຽນຈາກປະເທດອຶດຫິວ, ທຸກຍາກ, ກາຍເປັນພື້ນຖານເສດຖະກິດໃຫຍ່, ພົ້ນເດັ່ນ ແລະ ບັນລຸຜົນສຳເລັດໃນການຜັນຂະຫຍາຍນະໂຍບາຍການທູດ “ໄມ້ໄຜ່” ທີ່ຢືດຢຸ່ນ, ຊ່ວຍໃຫ້ ຫວຽດນາມ ສ້າງບັນດາການພົວພັນອັນດີງາມ ກັບທຸກໆປະເທດໃນໂລກ ລວມທັງປະເທດມະຫາອຳນາດນໍາດ້ວຍ. ສະຫາຍເລຂາທິການໃຫ່ຍພັກກອມມູນິດ ຍັງໄດ້ສະແດງຄວາມເຊື່ອໝັ້ນວ່າ, ຫວຽດນາມ ຈະສືບຕໍ່ຜັນຂະຫຍາຍວິໄສທັດການພັດທະນາຂອງສະຫາຍເລຂາທິການໃຫຍ່ ຫງວຽນຝູຈ້ອງ ເພື່ອບັນລຸຜົນງານໃໝ່ຍິ່ງອັນໃຫຍ່ກວ່າເກົ່າ.
