ໂດຍຕອບສະໜອງຕາມການເຊື້ອເຊີນຂອງພັກກອມມູນິດຈີນ, ສະຫາຍ ສົມພອນ ສີຈະເລີນ, ຮອງຫົວໜ້າຄະ ນະພົວພັນຕ່າງປະເທດສູນກາງພັກ ໄດ້ນຳພາຄະນະຜູ້ແທນພັກ ປປ ລາວ ເຂົ້າຮ່ວມກອງປະຊຸມຖະແຫລງໃນຫົວຂໍ້ສະ ເພາະ: “ເລື່ອງລາວຂອງພັກກອມມູນິດຈີນ” ກ່ຽວກັບ ຊິນຈຽງ, ຊຶ່ງໄດ້ຈັດຂຶ້ນໃນວັນທີ 22 ກຸມພາ 2021 ຢູ່ທີ່ເຂດ ປົກຄອງຕົນເອງ ຊິນຈຽງ ອຸຍກູ, ສປ.ຈີນ ໂດຍຜ່ານວີດີໂອທາງໄກ ພາຍໃຕ້ຫົວຂໍ້ຕົ້ນຕໍ “ເພື່ອຊີວິດການເປັນຢູ່ທີ່ດີຂຶ້ນ ສໍາລັບໝົດທຸກຄົນ”, ໂດຍການເປັນເຈົ້າພາບຮ່ວມຂອງຄະນະພົວພັນຕ່າງປະເທດສູນກາງພັກກອມມູນິດຈີນ ແລະ ຄະນະ ບໍລິຫານງານພັກເຂດປົກຄອງຕົນເອງ ຊິນຈ່ຽງ ອຸຍກູ ແລະ ມີຜູ້ແທນຕາງໜ້າ 300 ກວ່າຄົນ ຈາກ 200 ກວ່າພັກການ ເມືອງ, ອົງການສັງຄົມພົນລະເຮືອນ, ນັກຄົ້ນຄວ້າ (Think-Tank) ຈາກ 80 ກວ່າປະເທດ ເຂົ້າຮ່ວມ.
ບັນດາຄະນະຜູ້ແທນພັກການເມືອງທີ່ເຂົ້າຮ່ວມກອງປະຊຸມ ໄດ້ປຶກສາຫາລື ແລະ ແລກປ່ຽນຄວາມຄິດຄວາມ ເຫັນໃນກອງປະຊຸມຢ່າງສ້າງສັນຕາມຫົວຂໍ້ຕົ້ນຕໍດັ່ງກ່າວ ແລະ 3 ຫົວຂໍ້ຍ່ອຍຄື: 1. ການປົກປ້ອງດ້ານສາທາລະນະສຸກ ແລະ ຄວາມປອດໄພຂອງປະຊາຊົນ; 2. ການລົບລ້າງຄວາມທຸກຍາກ; ແລະ 3. ຄວາມເປັນເອກະພາບ ແລະ ຄວາມສາ ມັກຄີ ຂອງປະຊາຊົນບັນດາເຜົ່າ. ບັນດາຜູ້ແທນກອງປະຊຸມ ໄດ້ຕີລາຄາສູງ ແລະ ຊົມເຊີຍ ຕໍ່ບັນດາຜົນສໍາເລັດອັນພົ້ນ ເດັ່ນພາຍໃຕ້ການນໍາພາຂອງພັກກອມມູນິດຈີນ ແລະ ລັດຖະບານຈີນ ໃນການພັດທະນາເສດຖະກິດ-ສັງຄົມ, ການລົບ ລ້າງຄວາມທຸກຍາກຂອງປະຊາຊົນ, ການຮັບມືກັບພະຍາດໂຄວິດ-19 ແລະ ການພັດທະນາວັກແຊັງຕ້ານໂຄວິດ-19 ກໍ່ຄື ການປັບປຸງຊີວິດການເປັນຢູ່ຂອງປະຊາຊົນ ໃຫ້ມີຊີວິດທີ່ດີຂຶ້ນເປັນກ້າວໆ ເພື່ອບັນລຸພາລະກິດການກໍ່ສ້າງສັງຄົມອີ່ມໜຳ ສຳລານຮອບດ້ານ ແລະ ບັນລຸການສ້າງສັງຄົມນິຍົມທີ່ທັນສະໄໝຮອບດ້ານ. ບັນດາຜູ້ແທນກອງປະຊຸມ ຍັງໄດ້ຕີລາຄາ ສູງ ຕໍ່ການດໍາເນີນນະໂຍບາຍ ແລະ ມາດຕະການທີ່ຖືກຕ້ອງຂອງພັກກອມມູນິດຈີນ ໃນການບໍລິຫານເຂດປົກຄອງຕົນ ເອງ ຊິນຈ່ຽງ, ອັນໄດ້ເຮັດໃຫ້ເຂດດັ່ງກ່າວ ສາມາດຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມສາມັກຄີເປັນປຶກແຜ່ນຂອງປະຊາຊົນບັນດາເຜົ່າໃນສັງຄົມ, ຊຶ່ງເປັນປັດໄຈສຳຄັນໃຫ້ແກ່ການພັດທະນາເສດຖະ ກິດ-ສັງຄົມ ຢູ່ເຂດດັ່ງກ່າວ, ທັງເປັນການປະກອບສ່ວນເຂົ້າໃນຄວາມພະຍາຍາມຂອງສາກົນໃນການບັນລຸວາລະ 2030 ຂອງ ສປຊ, ການຕໍ່ສູ້ກັບລັດທິກໍ່ການຮ້າຍ ກໍ່ຄື ການຮັບປະກັນສັນຕິພາບ ແລະ ຄວາມໝັ້ນຄົງຂອງໂລກ.
ບັນດາຜູ້ແທນກອງປະຊຸມ ໄດ້ເປັນເອກະພາບຮັບຮອງເອົາຖະແຫຼງການຮ່ວມ ກ່ຽວກັບ “ເລື່ອງລາວຂອງພັກ ກອມມູນິດຈີນ” ກ່ຽວກັບ ຊິນຈ່ຽງ, ຊຶ່ງໄດ້ຮຽກຮ້ອງໃຫ້ບັນດາພັກການເມືອງໃນໂລກ ແລະ ທຸກປະເທດ ມີນະໂຍ ບາຍ ແລະ ມາດຕະການ ເພື່ອປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ລົບລ້າງຄວາມທຸກຍາກຂອງປະຊາຊົນ, ຮັບປະກັນຜົນປະໂຫຍດ ແລະ ການພັດທະນາຂອງປະຊາຊົນໝົດທຸກຄົນຢ່າງເທົ່າທຽມ, ຮ່ວມກັນຮັບມືກັບພະຍາດໂຄ ວິດ-19 ໃນທົ່ວໂລກ ແລະ ຟື້ນຟູເສດຖະກິດໂລກ, ປົກປ້ອງ ແລະ ສົ່ງເສີມສິດທິມະນຸດ ບົນພື້ນຖານແຫ່ງຄວາມຫລາກ ຫລາຍ ກໍ່ຄື ສົ່ງເສີມການສ້າງກົນໄກສາກົນດ້ານສິດທິມະນຸດທີ່ມີຄວາມເທົ່າທຽມກັນ, ຍຸດຕິທໍາ ແລະ ມີສ່ວນຮ່ວມ ຫລາຍຂຶ້ນ.
Loading...