ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສະເຫລີມສະຫລອງວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບ ຮອບ 59ປີ.

ຕອນເຊົ້າວັນທີ 9 ສິງຫາ 2019ນີ້ ວິທະຍຸກະຈາຍສຽງແຫ່ງຊາດລາວ ກະຊວງຖະແຫລງຂ່າວ ວັດທະນະທໍາແລະທ່ອງທ່ຽວ ໄດ້ຈັດພິທີສະເຫລີມສະຫລອງ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 59ປີ (ວັນທີ 13ສິງຫາ 1960 -ວັນທີ 13 ສິງຫາ 2019 ) ທີ່ສະຖານີວິທະຍຸກະຈາຍສຽງແຫ່ງຊາດລາວ ໂດຍການເຂົ້າຮ່ວມຂອງທ່ານໂພສີ ແກ້ວ ມະນີວົງ ຜູ້ອໍານວຍການໃຫ່ຍວິທະຍຸກະຈາຍສຽງແຫ່ງຊາດລາວ ພ້ອມດ້ວຍຄະນະອໍານວຍການ ພະນັກ ງານພະແນກການຕ່າງໆເຂົ້າຮ່ວມຢ່າງຫລວງຫລາຍ.

ທ່ານໂພສີ ແກ້ວມະນີວົງ ຜູ້ອໍານວຍໃຫ່ຍວິທະຍຸກະຈາຍສຽງແຫ່ງຊາດລາວ ກ່າວໃນພິທີສະເຫລີມ ສະ ຫລອງ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 59ປີ (ວັນທີ 13ສິງຫາ 1960 -ວັນທີ 13 ສິງຫາ 2019 ) ວັນສື່ມວນຊົນ ແລະພິມຈໍາໜ່າຍຄົບຮອບ 69ປີ ວ່າ :ແມ່ນິມິດໝາຍທີ່ດີ ທີ່ພວກ ເຮົາໄດ້ສ້າງກິດຈະກໍາຮ່ວມກັນ ເພື່ອລະນຶກຄືນມູນເຊື້ອແຫ່ງການກະຈາຍສຽງຂອງຄື້ນວິທະຍຸ ຄັ້ງທໍາອິດ ຂອງເຂດປົດປ່ອຍ  ເຊິ່ງເປັນເຄື່ອງມືທີ່ສໍາຄັນໃນການເຜີຍແຜ່ຂໍ້ມູນຂ່າວສານ, ແນວທາງ ນະໂຍບາຍ ຂອງພັກແລະລັດໃນໄລຍະການຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ .

  ທ່ານໂພສີ ແກ້ວມະນີວົງ ກ່າວຕໍ່ໄປວ່າ ຕະຫລອດໄລຍະຂອງການປະຕິວັດລາວ ຖືວ່າວິທະຍຸກະຈາຍ ສຽງແຫ່ງຊາດລາວ ໄດ້ປະກອບສ່ວນຢ່າງຫລວງຫລາຍ ໃນການປຸກລະດົມປະຊາຊົນເຂົ້າໃນການຕໍ່ສູ້ ເພື່ອປົດປ່ອຍປະເທດຊາດ , ປຸກລະດົມນໍ້າໃຈຮັກຊາດຂອງປະຊາຊົນ ເຮັດໃຫ້ທຸກຄົນ ມີແນວຄິດຮັກ ຊາດ ຢາກປົດປ່ອຍປະເທດຊາດ ຈຶ່ງເປັນການກະຕຸກຊຸກຍູ້ໃຫ້ຂະບວນການປະຕິວັດໄດ້ຮັບໄຊຊະນະ.

  ພາຍຫລັງປະເທດຊາດໄດ້ຮັບການປົດປ່ອຍໃນປີ 1975 ວິທະຍຸກະຈາຍສຽງແຫ່ງຊາດລາວ ໄດ້ຍົກຍ້າຍ ຈາກເຂດປົດປ່ອຍມາຢູ່ນະຄອນຫລວງວຽງຈັນ ແລະສືບຕໍ່ຜັນຂະຫຍາຍແນວທາງ ນະໂຍບາຍຂອງ ພັກເພື່ອຟື້ນຟູແລະສ້າງສາພັດທະນາປະເທດຊາດ, ຕະຫລອດໄລຍະ 40ກວ່າປີທີ່ຜ່ານມາ ຖືວ່າພວກ ເຮົາໄດ້ປະກອບສ່ວນອັນໃຫ່ຍຫລວງເຂົ້າໃນພາລະກິດປົກປັກຮັກສາແລະສ້າງສາພັດທະນາປະເທດຊາດ , ສະນັ້ນຈຶ່ງຖືໄດ້ວ່າ ວິທະຍຸກະຈາຍສຽງແຫ່ງຊາດໄດ້ເຮັດພາລະບົດບາດຂອງຕົນຢ່າງສົມກຽດ ແລະ ຜົນງານຜ່ານມານັ້ນ ລ້ວນແຕ່ແມ່ນການປະກອບສ່ວນຂອງອ້າຍເອື້ອຍນ້ອງໝົດທຸກຄົນ , ສະນັ້ນ ພວກເຮົາໄດ້ມາເຕົ້າກັນຢູ່ທີ່ນີ້ ໃນມື້ນີ້ ເພື່ອສະເຫລີມສະຫລອງ 59ປີຮ່ວມກັນ , ສ່ວນປີໜ້າພວກ ເຮົາຈະສະເຫລີມສະຫລອງໃຫ່ຍ ຄົບຮອບ 60ປີ , ແຕ່ເຖິງຢ່າງໃດກໍຕາມຖືວ່າມື້ນີ້ ພະນັກງານ ຜູ້ສືບ ທອດທີ່ໜຸ່ມນ້ອຍຂອງພວກເຮົາ ຕ້ອງຮັບຮູ້ນໍາກັນວ່າ ຜົນງານ 59ປີຜ່ານມານັ້ນມີຫຍັງແດ່ ແລະຈະ ສືບຕໍ່ເຮັດໃນອະນາຄົດອີກມີຫຍັງແດ່ .

  ຕອນທ້າຍທ່ານໂພສີ ແກ້ວມະນີວົງ ຕາງໜ້າໃຫ້ຄະນະພັກ ຄະນະອໍານວຍການ ວິທະຍຸກະຈາຍ ສຽງ ແຫ່ງຊາດລາວ ກ່າວຍ້ອງຍໍຊົມເຊີຍຜົນງານຂອງອ້າຍນ້ອງພະນັກງານທຸກຄົນ ຕະຫລອດ 59ປີຜ່ານ ມາຢ່າງສຸດອົກສຸດໃຈ ພ້ອມທັງສະແດງຄວາມຂອບໃຈເພື່ອນຮ່ວມງານ ພະນັກງານບໍານານອາວຸໂສ ທີ່ໄດ້ປະກອບສ່ວນຊ່ວຍເຫລືອ ສະໜັບສະໜູນ ກິດຈະກໍາຕ່າງໆ ຂອງວິທະຍຸກະຈາຍ ສຽງແຫ່ງ ຊາດຕະ ຫລອດມາ.

ໃນພິທີຄັ້ງນີ້ ຍັງໄດ້ຈັດກິດຈະກໍາແຂ່ງກິລາ ເປຕັງ ແລະກະຕໍ້ ລະຫວ່າງພະແນກການ ຕ່າງໆພາຍໃນ ວິທະຍຸກະຈາຍສຽງແຫ່ງຊາດລາວ ເພື່ອສ້າງບັນຍາກາດເບີກບານມ່ວນຊື່ນ ແລະຄວາມສາ ມັກຄີຮັກ ແພງ ພາຍໃນຕື່ມອີກ.