ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ງານສະເຫຼີມສະຫຼອງວັນຊາສາກົນ ແລະ ວາງສະແດງຜະ ລິດຕະພັນຊາລາວ ຄັ້ງທີ 3 ຈັດຂຶ້ນວັນທີ 28-30 ມິຖຸນາ 2024 ທີ່ສູນການຄ້າ ລາວ-ໄອເຕັກ ນະຄອນຫຼວງວຽງຈັນ ເປັນກຽດເຂົ້າຮ່ວມມີ ທ່ານ ຮສ ປອ ລິນຄໍາ ດວງສະຫວັນ ລັດຖະມົນຕີກະຊວງກະສິກໍາ ແລະ ປ່າໄມ້ ທ່ານ ນາງ ຊີວ -ແລັງ ຊູອອກ ເອກອັກຄະລັດຖະທູດຝຣັ່ງ ປະຈໍາ ສປປ ລາວ ທ່ານ ນາງ ອີນາ ມາຈູລີໂອນີແຕ ເອກອັກຄະລັດຖະທູດສະຫະພາບເອີຣົບ ປະຈຳ ສປປ ລາວ ພ້ອມຜູ້ຕາງໜ້າຈາກພາກລັດ ພາກທຸລະກິດ ໂຄງການ ອົງການຈັດຕັ້ງສາ ກົນ ຄູ່ຮ່ວມພັດທະນາ ຜູ້ປະກອບການ ກຸ່ມ ແລະ ຊາວ ສວນຊາ.
ທ່ານ ບຸນຈັນ ກົມບຸນຍະສິດ ຫົວໜ້າກົມປູກຝັງ ກະຊວງກະສິກຳ ແລະ ປ່າໄມ້ ກ່າວວ່າ: ໃນປີ 2023 ເນື້ອທີ່ການຜະລິດຊາທົ່ວປະເທດ ມີປະມານ 7.720 ເຮັກຕາ ໃນນັ້ນ ພື້ນທີ່ສ່ວນໜຶ່ງຂອງເນື້ອທີ່ທັງໝົດນີ້ ແມ່ນເປັນປະເພດຊາທໍາມະຊາດ (ຊາປ່າ ຫຼື ຊາບູຮານ) ພື້ນທີ່ການຜະລິດຂອງຊາຂອງລາວ ສ່ວນຫຼາຍ 95% ແມ່ນໃນເຂດແຂວງພາກເໜືອ ບ່ອນທີ່ມີຄວາມສູງ ມີເງື່ອນໄຂເໝາະສົມແກ່ການຜະລິດກະສິກໍາ ແລະ ບ່ອນໜຶ່ງກໍມີຢູ່ພາກໃຕ້ ເຂດເມືອງປາກຊ່ອງ ພູພຽງບໍລະເວນ ຜູ້ຜະລິດຊາທັງໝົດແມ່ນຊາວກະສິກອນຜູ້ຜະລິດຊາຂະໝາດນ້ອຍຄອບຄົວ ສໍາລັບຜົນຜະລິດຊາ ໃນປີ 2022 ຜົນຜະລິດປະມານ 16.800 ໂຕນ ແຕ່ການສົ່ງ ອອກຊາເປັນທາງ ການກໍຍັງມີໜ້ອຍ ທຽບໃສ່ທ່າແຮງຂອງທ້ອງຖິ່ນ ເຊິ່ງໃນປີ 2023 ສາມາດສົ່ງອອກຊາແຫ້ງຈຳນວນ 2.450 ໂຕນ ເປັນມູນຄ່າປະມານ 3,9 ລ້ານໂດລາສະຫາລັດ ຕະ ຫຼາດຕ່າງປະເທດສໍາລັບຊາລາວ ສ່ວນໃຫຍ່ແມ່ນຂາຍໄປປະເທດຈີນ ໄທ ແລະ ສ່ວນໜຶ່ງກໍສົ່ງອອກໄປເອີຣົບ (ປະເທດຝຣັ່ງ ແລະ ເຢຍລະມັນ).
ຊາຢູ່ປະເທດເຮົາ ແມ່ນມີຄວາມສໍາຄັນຫຼາຍໃນການພັດທະ ນາເສດຖະກິດຢູ່ບັນ ດາທ້ອງຖິ່ນ ເປັນແຫຼ່ງສ້າງລາຍຮັບໃຫ້ແກ່ປະຊາຊົນບັນດາເຜົາ ແລະ ຫຼຸດຜ່ອນຄວາມທຸກຍາກໃນເຂດພູດອຍຫ່າງໄກສອກຫຼີກຂອງປະເທດ ສິ່ງສຳຄັນຊາເປັນບູລິມິສິດຂອງລັດຖະບານໃນການສ້າງເສດຖະກິດ.
ໃນວາລະແຫ່ງຊາດນີ້ ການແກ້ໄຂບັນຫາເສດຖະກິດ ຊາແມ່ນພວກເຮົາຖືເປັນສໍາຄັນ ຈຶ່ງມີງານນີ້ເກີດຂຶ້ນ ໂດຍຄວາມເອົາໃຈໃສ່ຂອງພາກລັດ ສົມທົບກັບໂຄງການຕ່າງປະ ເທດ ບັນດາຄູ່ຮ່ວມພັດທະນາ ແລະ ຊາວກະສິກອນ ໃນການຈັດງານດັ່ງກ່າວນີ້ຂຶ້ນ ເຊິ່ງຈັດຂຶ້ນຄັ້ງທໍາອິດຢູ່ ສປປ ລາວ ແມ່ນໃນເດືອນມິຖຸນາ 2022 ມີຜູ້ເຂົ້າ ຮ່ວມ 400 ກວ່າຄົນ ແລະ ມີຮ້ານວາງສະແດງສິນຄ້າ 14 ຮ້ານ ຄັ້ງທີ 2 ຢູ່ແມ່ນໃນເດືອນ ພຶດສະພາ 2023 ມີຜູ້ເຂົ້າຮ່ວມ 5.000 ກວ່າຄົນ ແລະ ມີຮ້ານວາງສະແດງສິນຄ້າ 21 ຮ້ານ ແລະ ຄັ້ງ ທີ 3 ກໍຄືປີນີ້ 2024 ຄາດວ່າຈະມີຜູ້ເຂົ້າຮ່ວມຫຼາຍກວ່າປີກາຍ ແລະ ມີຮ້ານວາງສະແດງສິນຄ້າຊາຈໍານວນ 20 ຮ້ານ.