ພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວຄົບຮອບ 68 ປີ (20/7/1995-20/7/2023 ) ພາຍໃຕ້ຫົວຂໍ້ “ການສ້າງຄວາມເຂັ້ມແຂງໃຫ້ແມ່ຍິງທາງດ້ານເສດ ຖະກິດໃນໄລຍະໃໝ່” ທີ່ ICTC ເປັນປະທານຂອງທ່ານນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງ ມີທ່ານນາງ ນາລີ ສີສຸລິດ ພັນລະຍາປະທານປະເທດ ພ້ອມດ້ວຍແຂກຖືກເຊີນເຂົ້າຮ່ວມ.
ໃນພິທີທ່ານນາງ ອິນລາວັນ ແກ້ວບຸນພັນ ໄດ້ມີຄໍາເຫັນວ່າ:ການສະເຫຼີມສະຫຼອງວັນແມ່ຍິງລາວຄົບຮອບ 68 ປີ ພາຍໃຕ້ຫົວຂໍ້ “ການສ້າງຄວາມເຂັ້ມແຂງໃຫ້ແມ່ຍິງທາງດ້ານເສດຖະກິດໃນໄລຍະໃໝ່”ເຫັນວ່າສອດຄ່ອງກັບສະ ພາບຄວາມເປັນຈິງໃນປັດຈຸບັນ ໄລຍະຜ່ານມາລັດຖະບານໄດ້ສ້າງບັນດາກົນໄກ ກົດໝາຍ ນິຕິກຳຕ່າງໆ ເພື່ອເປັນການປົກປ້ອງ ຊຸກຍູ້ສົ່ງເສີມໃຫ້ແມ່ຍິງໄດ້ປະກອບສ່ວນໃນທຸກຂົງເຂດວຽກງານເທົ່າທຽມກັບເພດຊາຍ ໂດຍສະເພາະໃນຂົງເຂດເສດຖະກິດ ປະກອບການດຳເນີນກິດຈະກຳຫາລາຍໄດ້ ດຳເນີນທຸລະກິດຂະໜາດນ້ອຍ ແລະ ຂະໜາດກາງ ປຸກລະດົມຂະບວນການຂອງແມ່ຍິງບັນດາເຜົ່າ ໃຫ້ນໍາໃຊ້ຄວາມສາມາດຂອງຕົນ ປະກອບເຂົ້າໃນການຜະລິດສະ ບຽງອາຫານ ສິນຄ້າໃຊ້ສອຍ ປະຕິບັດການປະຢັດ ເຂົ້າ ຮ່ວມໃນການຜັນຂະຫຍາບການສຶກສາ ສາທາລະນະສຸກ ວັດທະນະທໍາ ກໍ່ສ້າງຄອບຄົວທີ່ມີຄວາມຜາສຸກ ແລະ ກ້າວໜ້າ.
ການຈັດຕັ້ງແມ່ຍິງ ໄດ້ເອົາໃຈໃສ່ປຸກລະດົມຊຸກຍູ້ສົ່ງ ເສີມໃຫ້ແມ່ຍິງລາວ ເຂົ້າຮ່ວມໃນການສ້າງ ເສດຖະກິດ ໂດຍເລີ່ມຈາກຄອບຄົວ ແມ່ຍິງເປັນກຳລັງແຮງງານທີ່ສໍາຄັນໃນການຜະລິດກະສິກຳ ຫັດຖະກຳ ການບໍລິການ ແລະ ອື່ນໆ ແມ່ຍິງຈຳນວນໜຶ່ງເປັນຜູ້ປະກອບການ ເປັນເຈົ້າຂອງທຸລະກິດ ເປັນພະນັກງານວິຊາການ ພະນັກງານເຕັກ ນິກໃນຂົງເຂດເສດຖະກິດຂອງຂະແໜງການ ແລະ ທ້ອງ ຖິ່ນນັບມື້ນັບເພີ່ມຂຶ້ນ ຫຼາຍຄອບຄົວມີລາຍຮັບສູງ ສາມາດແກ້ໄຂຄວາມທຸກຍາກໄດ້ ສ້າງໄດ້ເປັນສິນຄ້າໜຶ່ງເມືອງ ໜຶ່ງຜະລິດຕະພັນ ຄະນະສະຫະພັນແມ່ຍິງແຕ່ລະຂັ້ນ ໄດ້ສ້າງເງື່ອນໄຂໃຫ້ແມ່ຍິງ ໄດ້ຮັບການພັດທະນາໃນທຸກດ້ານ ປະ ກອບສ່ວນພັດທະນາປະເທດຊາດນັບມື້ເພີ່ມຂຶ້ນ ໃນຂົງແຕ່ການຜະລິດກະສິກຳ ຫັດຖະກຳ ການຄ້າ ການບໍລິການ ອຸດ ສາຫະກຳກໍມີແມ່ຍິງ ເປັນເຈົ້າຂອງທຸລະກິດຂະໜາດນ້ອຍ ແລະ ຂະໜາດກາງກວມ70- 80% ສະມາຄົມນັກທຸລະກິດແມ່ຍິງຂັ້ນສູນກາງໄດ້ເຄື່ອນໄຫວເຕົ້າໂຮມກຳລັງແຮງ ສະຕິປັນຍາ ຫົວຄິດ ປະດິດສ້າງ ຂອງບັນດານັກທຸລະກິດແມ່ຍິງ ເຂົ້າຮ່ວມຂະບວນການສົ່ງເສີມ ແລະ ພັດ ທະນາການຜະລິດ ການບໍລິການ ນັບມື້ຂະຫຍາຍຕົວຢ່າງບໍ່ຢຸດຢັ້ງ.
