ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກະຊວງສາທາລະນະສຸກ ໄດ້ຈັດພິທີສະເຫຼີມສະຫຼອງວັນແພດລາວ ວັນທີ 18 ມິຖຸນາ ຄົບຮອບ 59 ປີ (18/6/1965–18/6/2024) ຂຶ້ນໃນວັນທີ 14 ມິຖຸນານີ້ ທີ່ມະຫາວິທະຍາໄລວິທະຍາສາດສຸຂະພາບ ເປັນກຽດເຂົ້າຮ່ວມຂອງທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາ ລະນະສຸກ, ມີທ່ານ ປອນເມກ ດາລາລອຍ ອາດີດລັດຖະມົນຕີກະຊວງສາທາລະນະສຸກ, ມີບັນດາການນຳພັກ-ລັດ, ພະນັກງານແພດໝໍເຂົ້າຮ່ວມ.
ການຈັດພິທີຄັ້ງນີ້ ເພື່ອລະນຶກເຖິງການເຕີບໃຫຍ່ຂະຫຍາຍຕົວ ຂອງວຽກງານການຮັກສາສຸຂະພາບຂອງ ປະຊາຊົນບັນດາເຜົ່າ ແລະ ການພັດທະນາບຸກຄະລາກອນສາທາລະນະສຸກ ໂດຍສະ ເພາະຈາລຶກເຖິງບຸນຄຸນຕໍ່ແພດໝໍ ແລະ ພະນັກງານສາທາລະນະ ສຸກລາວ ທີ່ໄດ້ເສຍສະຫຼະຊີວິດ, ອຸທິດສະຕິປັນຍາເຫື່ອແຮງເຂົ້າ ໃນການປະຕິບັດໜ້າທີ່ໃນແຕ່ລະໄລຍະ, ຍົກໃຫ້ເຫັນເຖິງບົດບາດຄວາມສຳຄັນ, ຄວາມຮັບຜິດຊອບຕໍ່ໜ້າທີ່ວຽກງານ, ຈັນຍາບັນ ແລະ ຈັນຍາທຳຂອງແພດໝໍໃນການຮັບໃຊ້ປະຊາຊົນຢ່າງແທ້ຈິງ. ດັ່ງນັ້ນ, ວັນທີ 18 ມິຖຸນາໄດ້ກາຍເປັນຂີດໝາຍອັນສຳຄັນແຫ່ງການກຳເນີດຂອງວັນແພດລາວ.
ທີ່ມາ: ສູນຂ່າວສານການແພດສຸຂະສຶກສາ