ໃນຕອນເຊົ້າຂອງວັນທີ 14 ພະຈິກ 2023 ກະຊວງສາທາລະນະສຸກ ແລະ ອົງການ ຢູນິເຊັບ ໄດ້ຈັດພິທີສະເຫຼີມສະຫຼອງຄົບຮອບ 50 ປີ ຂອງການຮ່ວມມືລະ ຫວ່າງ ລັດຖະບານ ແຫ່ງ ສປປ ລາວ ແລະ ອົງການ ຢູນິເຊັບ ຂຶ້ນທີ່ ໂຮງໝໍມະໂຫສົດ, ນະຄອນຫຼວງວຽງຈັນ, ໂດຍເນັ້ນໜັກໃສ່ ຜົນສຳເລັດຂອງການປັບປຸງສຸຂະພາບແມ່ ແລະ ເດັກ ຜ່ານການສົ່ງເສີມໂພຊະນາການທີ່ດີ.
ງານດັ່ງກ່າວໄດ້ສະແດງໃຫ້ເຫັນເຖີງ ຜົນສຳເລັດໃນວຽກງານດ້ານໂພຊະນາການຕ່າງໆໃນ ສປປ ລາວ ແລະ ໄດ້ສະເຫຼີມສະຫຼອງ ໃນຄັ້ງນີ້ ໄດ້ຮັບກຽດເປັນປະທານໂດຍ ທ່ານ ປອ. ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ, ທ່ານ ດຣ. ບຸນແຝງ ພູມມະໄລສິດ, ແລະ ຜູ້ທ່ານ ນາງ ດຣ. ເປຍ ເຣເບລໂລ ບຣິດໂຕ ຜູ້ຕາງໜ້າຈາກ ອົງການ ຢູນິເຊັບ ປະຈຳ ສປປ ລາວ., ທ່ານ ນາງ ດຣ. ເປຍ ເຣເບລໂລ ບຣິດໂຕ, ແລະ ທັງຍັງເປັນ.
ນອກນັ້ນ, ຍັງມີຄູ່ຮ່ວມພັດທະນາ ຈາກເຊັ່ນ ສະຫະພາບເອີຣົບ, ອົງການ USAID, ອົງການ ChinaAid, ລັດຖະບານ ການາດາ, ລັດຖະບານ ຝຣັ່ງ, ລັດຖະບານ ລຸກຊໍາບວກ, ເຊັ່ນດຽວກັນກັບ ອົງການ ອາຫານໂລກ, ອົງການ ອະນາໄມໂລກ ແລະ ຕົວແທ່ນຈາກ ອົງການຈັດຕັ້ງທາງສັງຄົມ ກໍໄດ້ເຂົ້າຮ່ວມງານດັ່ງກ່າວ ຢ່າງພ້ອມພຽງ ເພື່ອຮັບຊາບຜົນສຳເລັດ ຂອງການຮ່ວມມື ໃນໄລຍະຜ່ານມາຮູ້ ແລະ ສະເຫຼີມສະຫຼອງຜົນໄດ້ຮັບຈາກຄວາມພະຍາຍາມຮ່ວມກັບ ອົງການ ຢູນິເຊັບ ແລະ ລັດຖະບານ ແຫ່ງ ສປປ ລາວ ໃນການແກ້ໄຂບັນຫາການຂາດສານອາຫານ ແລະ ວຽກງານປັບປຸງໂພຊະນາການຂອງແມ່ ແລະ ເດັກ. ງານດັ່ງກ່າວຍັງເປັນໂອກາດເພື່ອສະທ້ອນໃຫ້ເຫັນເຖິງ ຄວາມຄືບໜ້າອັນສຳຄັນໃນຂົງເຂດວຽກງານນີ້ ນັບຕັ້ງແຕ່ ອົງການ ຢູນິເຊັບ ໄດ້ເລີ່ມເຮັດວຽກໃນ ສປປ ລາວ ທຳອິດໃນປີ 1973.
ທ່ານ ດ໋ອກເຕີ ບຸນແຝງ ພູມມະໄລສິດ, ລັດຖະມົນຕີກະຊວງສາທາລະນະສຸກ, ໄດ້ກ່າວວ່າ: “ຕະຫຼອດ 5 ທົດສະວັດທີ່ຜ່ານມາ ກະຊວງສາທາລະນະສຸກ ແລະ ອົງການ ຢູນີເຊັບ ໄດ້ເຮັດວຽກຮ່ວມກັນຢ່າງໃກ້ຊິດ ຄຽງຄູ່ກັບຄູ່ຮ່ວມພັດທະນາຕ່າງໆ ເພື່ອປັບປຸງສະພາບ ແລະ ໂພຊະນາການຂອງເດັກນ້ອຍ ແລະ ຊຸມຊົນທົ່ວປະເທດ ຢ່າງບໍ່ຮູ້ອິດເມື່ອຍ.”
“ໃນມື້ນີ້ ພວກເຮົາໄດ້ເປັນພະຍານເຖິງບົດບາດອັນສໍາຄັນຂອງບັນດາທ່ານໝໍ ແລະ ພະຍາບານ, ເຊັ່ນດຽວກັນກັບບັນດາພໍ່ແມ່ ແລະ ຜູ້ປົກຄອງ, ໃນການຮັບປະກັນວ່າ ເດັກນ້ອຍສາມາດເຂົ້າເຖິງການບໍລິການດ້ານໂພຊະນາການທີ່ມີຄຸນນະພາບ ເພື່ອປ້ອງກັນ ແລະ ປິ່ນປົວການຂາດສານອາຫານ, ແລະ ຄວາມສໍາຄັນຂອງການສະໜັບສະໜູນ ແລະ ໃຫ້ຄວາມຮູ້ແກ່ຊຸມຊົນຂອງພວກເຮົາ ກ່ຽວກັບໂພຊະນາການ ເພື່ອສົ່ງເສີມການເຕີບໂຕ ແລະ ພັດທະນາຂອງເດັກນ້ອຍ, ຊຸມຊົນ ແລະ ປະເທດຊາດຢ່າງກວ້າງຂວາງ.”
ໃນປີ 1973, ເຊິ່ງເປັນປີທີ່ ອົງການ ຢູນິເຊັບ ໄດ້ເລີ່ມຈັດຕັ້ງປະຕິບັດວຽກງານໃນ ສປປ ລາວ, ເດັກນ້ອຍປະມານ 80-85% ໃນປະເທດ ແມ່ນຖືກປະເມີນວ່າຂາດສານອາຫານ ແລະ ມີນໍ້າໜັກທີ່່ຕໍ່າກ່ວາມາດຕະຖານສຳລັບ ເມື່ອທຽບກັບຄວາມສູງຂອງະພວກເຂົາ, ແຕ່ຍອນການຈັດຕັ້ງປະຕິບັດໂຄງການດ້ານໂພຊະນາການຕ່າງໆຈົນມາຮອດປັດຈຸບັນນັ້ນ, ເຫັນໄດ້ວ່າ ອັດຕາການຂາດສານອາຫານໃນເດັກໄດ້ຫຼຸດລົງຢ່າງຫຼວງຫຼາຍ ແຕ່. ເຖິງຢ່າງໃດກໍ່ຕາມ, ສິ່ງທ້າທາຍດ້ານໂພຊະນາການອື່ນໆກໍ່ຍັງຄົງມີຢູ່.
ທ່ານ ນາງ ດ໋ອກເຕີ ເປຍ ເຣເບລໂລ ບຣິດໂຕ, ຜູ້ຕາງໜ້າຈາກ ອົງການ ຢູນິເຊັບ ປະຈຳ ສປປ ລາວ, ໄດ້ກ່າວວ່າ: “ໃນຕະຫຼອດໄລຍະ 50 ປີທີ່ຜ່ານມານີ້, ພວກເຮົາໄດ້ປະສົບຜົນບັນລຸຜົນສໍາເລັດກ່ຽວກັບໂພຊະນາການເດັກ ຫຼາຍໆຢ່າງດ້ານ ສໍາລັບ ໂພຊະນາການເດັກ ແລະ ແນ່ນອນວ່າຜົນສຳເລັດດັ່ງກ່າວ ແມ່ນບໍ່ສາມາດບັນລຸໄດ້ແນ່ນອນ ຖ້າປາດສະຈາກການຮ່ວມມືອັນກວ້າງຂວາງ ລະຫວ່າງ ອົງການ ຢູນິເຊັບ ແລະພວກເຮົາ, ລັດຖະບານ ແຫ່ງ ສປປ ລາວ ລວມທັງ ບັນດາ, ຄູ່ຮ່ວມພັດທະນາຕ່າງໆ, ແລະ ບັນດາແພດໝໍ ແລະ ພະຍາບານທີ່ຢູ່ແຖວໜ້າ.”
ນາງ ດ໋ອກເຕີ ເປຍ ເຣເບລໂລ ບຣິດໂຕ ຍັງໄດ້ກ່າວອີກວ່າ: “ ຈາກຜົນສໍາເລັດ ໃນໄລຍະຜ່ານມານັ້ນ, ໃນຂະນະທີ່ພວກເຮົາຮັບຮູ້ເຖິງຜົນສຳເລັດຕ່າງໆນັ້ນ, ພວກເຮົາເອງກໍ່ຕ້ອງໄດ້ເອົາໃຈໃສ່ຕື່ມຕໍ່ກັບສິ່ງທ້າທາຍ ທີ່ກຳລັງປະເຊີນໃນປັດຈຸບັນເຊັ່ນດຽວກັນ. ພວກເຮົາໄດ້ເດີນທາງມາຮອດຈຸດສຳຄັນຂອງການເດີນທາງ ແລະ ເຖິງເວລາແລ້ວທີ່ຈະຕ້ອງເພີ່ມຄວາມພະຍາຍາມ ແລະ ການລົງທຶນໃສ່ວຽກງານໂພຊະນາການ – ເພື່່ອປູເສັ້ນທາງໄປສູ່ໂພຊະນາການທີ່ດີກ່ວາເກົ່າ ສໍາລັບອະນາຄົດອັນສົດໃສຂອງເດັກນ້ອຍທຸກຄົນ ໃນ ສປປ ລາວ ແລະ ເພື່ອພັດທະນາຊັບພະຍາກອນມະນຸດອັນລໍ້າົ້ນຄ່າຂອງ ສປປ ລາວ.”
ໃນໂອກາດນີ້, ບັນດາຕົວແທນຈາກຄູ່ຮ່ວມພັດທະນາຕ່າງໆ ໄດ້ລົງສັງເກັດ ການໃຫ້ບໍລິການດ້ານໂພຊະນາການຕົວຈິງໃນທີ່ ໂຮງໝໍມະໂຫສົດ, ລວມທັງເຖິງ ການໃຫ້ຄໍາປຶກສາການລ້ຽງລູກດ້ວຍນົມແມ່ໂດຍຜູ້ຊ່ຽວຊານ, ການວັດແທກຄວາມສູງ ແລະ ນ້ໍາໜັກຂອງເດັກນ້ອຍ, ການສະໜອງ ວິຕາມິນ A ເສີມແກ່ເດັກ, ແລະ ຍັງໄດ້ຢ້ຽມຢາມຫ້ອງປິ່ນປົວເດັກນ້ອຍ ໃນກໍລະນີການຂາດສານອາຫານແບບຮ້າຍແຮງອີກດ້ວຍເຊັ່ນດຽວກັນ.
ນອກນັ້ນໃນງານສະເຫຼີມສະຫຼອງດັ່ງກ່າວ, ທາງອົງການ ຢູນິເຊັບ ຍັງໄດ້ມອບໃບຍ້ອງຍໍເຄື່ອງທີ່ລະນຶກໃຫ້ແກ່ ກະຊວງສາທາລະນະສຸກ, ແພດໝໍ ຂອງໂຮງໝໍມະໂຫສົດ ແລະ ບັນດາຄູ່ຮ່ວມພັດທະນາຕ່າງໆ ໃນງານພິທີສະເຫຼີມສະຫຼອງດັ່ງກ່າວ ເພື່ອເປັນການສະແດງຄວາມຂອບໃຈ ສຳລັບການຮ່ວມມືໃນຂົງເຂດວຽກງານໂພຊະນາການຕະຫຼອດຫຼາຍໆປີທີ່ຜ່ານມາ.
