ວັນທີ 3 ເມສາ 2021, ທີ່ກອງບັນຊາການປ້ອງ ກັນເຄື່ອນທີ່ ກະຊວງ ປກສ ໄດ້ຈັດພິທີສະແດງສິລະປະຢຸດວຽກງານວິຊາສະເພາະ ເນື່ອງໃນໂອ ກາດສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ, ໂດຍການເຂົ້າ ຮ່ວມຮັບຊົມຂອງ ພົນໂທ ວິໄລ ຫລ້າຄຳຟອງ ລັດຖະ ມົນຕີກະຊວງ ປກສ, ມີບັນດາຄະນະພັກຄະນະບັນຊາ, ນາຍ ແລະ ພົນຕຳຫລວດເຂົ້າຮ່ວມ.
ພົນຈັດຕະວາ ຈັນສະແຫວງ ທີບຄູນທອງ ຫົວໜ້າກອງບັນຊາການປ້ອງກັນເຄື່ອນທີ່ ກະຊວງ ປກສ ໄດ້ກ່າວວ່າ: ການສະແດງສິລະປະຢຸດວຽກງານວິຊາສະເພາະໃນຄັ້ງນີ້ ປະກອບມີ 3 ເຫຼົ່າຮົບວິຊາສະ ເພາະ ຄື: ກຳລັງປ້ອງກັນສູນກາງ, ກຳລັງປ້ອງກັນເຄື່ອນທີ່ ແລະ ກຳລັງວິຊາສະເພາະກົມໃຫຍ່ຕຳ ຫຼວດປະກອບ ມີ 11 ລາຍການສະແດງ ຄື: ສະ ແດງການຂັບຂີ່ລົດຈັກສະເກມຍິງໃສ່ໝາກປຸມເປົ້າເພື່ອເປີດປ້າຍຄຳຂວັນຊົມເຊີຍວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 60 ປີ, ການສາທິດນໍາໃຊ້ເຄື່ອງເອັກສະເລພື້ນລົດ ແລະ ການກວດກູ້ທໍາລາຍລະເບີດ, ສາທິດການຝຶກແອບໝາວິຊາສະເພາະ, ການຄຸມແຫ່ປ້ອງກັນການນຳ ແລະ ແຂກຕ່າງປະເທດ,ມວຍຫັດກາຍ 25-38 ຈັງຫວະ, ມວຍວິຊາສະເພາະປ້ອງກັນຕົວ, ການໂດດເຊືອກລົງຈາກຕຶກຫຼາຍຊັ້ນ, ການຊ່ວຍເຫຼືອຕົວປະກັນ ຢູ່ຕຶກອາຄານຫຼາຍຊັ້ນ,ການສາທິດຮູບແຖວພື້ນຖານ ສະກັດກັ້ນຕ້ານການຊຸມນຸມປະທ້ວງ, ການໂດດຜ່ານສິ່ງກີດຂວາງແລ້ວດັບສູນເປົ້າໝາຍ. ທັງນີ້, ການສະແດງດັ່ງກ່າວ ແມ່ນກິດຈະກຳໜຶ່ງໃນ ການສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ, ທັງເປັນການ ຝຶກແອບເຫຼົ່າຮົບວິຊາສະເພາະໃຫ້ມີຄວາມຊຳນິຊຳນານ ໃນການປະຕິບັດໜ້າທີ່ວິຊາສະເພາະ ເພື່ອຮັບໃຊ້ໜ້າ ທີ່ການເມືອງໃນສະເພາະໜ້າ ແລະ ຍາວນານ.
ໂອກາດດັ່ງກ່າວ, ພົນໂທ ວິໄລ ຫຼ້າຄຳຟອງ ໄດ້ໂອ້ ລົມວ່າ: ຈາກສະພາບປະກົດການຫຍໍ້ ທໍ້ທີ່ເກີດຂຶ້ນ ໃນທົ່ວໂລກ ໂດຍສະເພາະພາຍໃນປະເທດເຮົາ ເປັນຕົ້ນແມ່ນບັນຫາຢາເສບຕິດ ແລະ ອາຊະຍາກຳຕ່າງໆ. ພວກເຮົາເຫຼົ່າຮົບວິຊາສະເພາະ ຕ້ອງໄດ້ເພີ່ມທະວີຄວາມ ຮັບຜິດຊອບຕໍ່ໜ້າທີ່ຂອງຕົນໃຫ້ສູງຂຶ້ນ ເພື່ອເສີມຂະຫຍາຍມູນເຊື້ອທາດແທ້ປະຕິ ວັດຂອງ ກຳລັງປ້ອງກັນຄວາມສະຫງົບ ເພື່ອຮັກ ສາຄວາມສະຫງົບສຸກໃຫ້ປະຊາຊົນ ເຮັດໃຫ້ສັງຄົມ ມີຄວາມສະຫງົບ-ປອດໄພ, ເພີ່ມທະວີໃນການຝຶກຊ້ອມ ໃຫ້ມີຄວາມຊຳນານທັນສະໄໝ. ຕໍ່ກັບຄະ ນະ ພັກ-ຄະນະບັນຊາແຕ່ລະເຫຼົ່າຮົບຕ້ອງເອົາໃຈໃສ່ໃນການຈັດຕັ້ງຝຶກແອບໃຫ້ພະນັກງານ-ນັກຮົບເປັນປະຈຳ ແລະ ຕໍ່ເນື່ອງ ເປັນຕົ້ນແມ່ນຝຶກແອບດ້ານລະບຽບວິໄນ ໄປຄຽງຄຽງຄູ່ກັບການຝຶກແອບວິຊາສະເພາະຢ່າງຕັ້ງໜ້າ.
Loading...