ສະໂມສອນ ແລັບດອກ ປ້ອງກັນແຊ໋ມ ດອກປີກໄກ່ ເບຍລາວ ແຊ໋ມປ້ຽນຊິບ 2024 ສະໄໝທີ 2 ຕິດຕໍ່ກັນ

ສະໂມສອນ ດອກປີກໄກ່ ແລັບດອກ ຄອງ 5 ຫຼຽນຄຳ, 3 ຫຼຽນເງິນ ແລະ 5,5 ຫຼຽນທອງ ເປັນອັນດັບທີ 1 ຄອງເຈົ້າຫຼຽນຄຳ ແລະ ຂັນຊະນະເລີດ ໃນການແຂ່ງຂັນກິລາດອກປີກໄກ່ ທົ່ວປະເທດ ຄັ້ງທີ 23 ປະຈຳປີ 2024 ຫຼື ລາຍການ BeerLao Badminton Championship 2024 ຈັດຂຶ້ນລະຫວ່າງວັນທີ 22-25 ສິງຫາ ຜ່ານມາ ທີ່ສະໂມສອນ ດອກປີກໄກ່ ເສດຖາ ນະຄອນຫຼວງວຽງຈັນ. ພິທີປິດການແຂ່ງຂັນຈັດຂຶ້ນ ວັນທີ 25 ສິງຫາ ພາຍຫລັງເລີ່ມແຂ່ງຂັນມາແຕ່ວັນທີ 22 ສິງຫາ 2024.

ການແຂ່ງຂັນຄັ້ງນີ້ ມີການຊີງໄຊທັງໝົດ 17 ປະເພດ ມີນັກກິລາ 383 ທ່ານ ຍິງ 68 ຈາກ 34 ພາກສ່ວນ ຊຶ່ງມາຈາກນະຄອນຫຼວງວຽງຈັນ ແລະ ຕົວແທນຈາກ 9 ແຂວງ ຄື: ຈຳປາສັກ, ສະຫວັນນະເຂດ, ຄຳມ່ວນ, ບໍລິຄຳໄຊ, ໄຊຍະບູລີ, ຫຼວງພະບາງ, ອຸດົມໄຊ, ຫຼວງນ້ຳທາ ແລະ ແຂວງວຽງຈັນ ໂດຍໄດ້ຮັບການສະໜັບຫຼັກ ຈາກ ບໍລິສັດ ເບຍລາວ ຈຳກັດ ເກືອບ 400 ລ້ານກີບ.

ຜ່ານການແຂ່ງຂັນ ໃນໄລຍະ 4 ວັນ ຜົນປະກົດວ່າ ສະໂມສອນ ດອກປີກໄກ່ ແລັບດອກ ໄດ້ 5 ຫຼຽນຄຳ, 3 ຫຼຽນເງິນ ແລະ 5,5 ຫຼຽນທອງ ເປັນອັນດັບທີ 1 ຄອງເຈົ້າຫຼຽນຄຳ ແລະ ຂັນຊະນະເລີດປີນີ້ ເປັນ 2 ສະໄໝຕິດຕໍ່ກັນ.

ສ່ວນອັນດັບທີ 2 ເປັນຂອງສະໂມສອນ ເອວຈີບີ ສີຣິວົງ ຍາດໄດ້ 4,5 ຫຼຽນຄຳ, 5 ຫຼຽນເງິນ ແລະ 6,5 ຫຼຽນທອງ.

ອັນດັບທີ 3 ທີມ ເອພີເອັມຊີ ຍາດໄດ້ 4 ຫຼຽນຄຳ, 7,5 ຫຼຽນເງິນ ແລະ 10 ຫຼຽນທອງ.

ອັນດັບທີ 4 ແຂວງໄຊຍະບູລີ ຍາດໄດ້ 1,5 ຫຼຽນຄຳ, 1 ຫຼຽນເງິນ ແລະ 1,5 ຫຼຽນທອງ.

ອັນດັບທີ 5 ແຂວງຈຳປາສັກ ຍາດໄດ້ 1 ຫຼຽນຄຳ ແລະ 1 ຫຼຽນທອງ.

ອັນດັບທີ 6 ສະໂມສອນ ສະກາຍໄລ໌ ຍາດໄດ້ 1 ຫຼຽນຄຳ.

ພາບ-ຂ່າວໂດຍ ສົງການ ພັນແພງດີ