ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສັບພະຄຸນດ້ານຢາຂອງໝາກເອິກ

ໝາກເອິກ ມີຄຸນຄ່າທາງໂພຊະນາການຄື:ປະກອບດ້ວຍຄາໂບໄຮເດຣດ, ໂປຕີນ, ເສັ້ນໃຍ, ຟົດສະຟໍ, ເຫຼັກ, ວິຕາມິນເອ, ວິຕາມິນບີ1, ວິຕາມິນບີ2, ວິຕາມິນຊີ ແລະ ໄນອາຊິນ. ນອກຈາກຄຸນຄ່າທາງອາຫານແລ້ວ, ໝາກເອິກຍັງມີສັບພະຄຸນທາງຢາຫຼວງຫຼາຍຄື:

– ຮາກ: ໃຊ້ແກ້ປວດ, ຫຼຸດໄຂ້, ດັບພິດຮ້ອນໃນ, ແກ້ໄອ, ແກ້ນ້ຳລາຍໜຽວ, ກັດຟອກຂີ້ກະເທີ່, ບີກະຕຸກ(ອາການນອນຜະຫວາ,ຫຼັບໆຕື່ນໆເນື່ອງຈາກນ້ຳບີພິການ), ບຳລຸງຖົງນ້ຳບີ, ໃຊ້ທາແກ້ອາການຄັນ.

– ໃບ: ໃຊ້ທາ ພອກເພື່ອຮັກສາຝີ, ແກ້ຄັນ.

– ໜ່ວຍ: ແກ້ໄຂ້, ແກ້ປວດ, ຂັບຂີ້ກະເທີ່, ແກ້ບີພິການ, ເຮັດໃຫ້ແຂ້ວແຂງແຮງ.

– ແກ່ນ: ປະເທດມາເລເຊຍໃຊ້ແກ່ນໝາກເອິກຮັກສາອາການເຈັບແຂ້ວ ໂດຍມວນແກ່ນໝາກເອິກໃນໃບຕອງແຫ້ງແລ້ວຈູດສູດຄັວນເຂົ້າໄປ.

– ຂົນ: ປະສົມກັບໄຂ່ແລ້ວຈືນໃຫ້ເດັກນ້ອຍກິນໃຊ້ຂັບແມ່ພະຍາດໃນທ້ອງໄດ້.