ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສາຍນ້ຳພາກ ສະຖານທີ່ທ່ອງທ່ຽວ ແຫ່ງໃຫມ່ທີ່ໜ້າສົນໃຈ ຂອງເມືອງຫຼາ

ສະຖານທີ່ທ່ອງທ່ຽວສາຍນໍ້າພາກ ເມືອງຫຼາ ແຂວງອຸດົມໄຊ ຖືເປັນອີກສະຖານທີ່ທ່ອງທ່ຽວແຫ່ງໜຶ່ງ ຂອງເມືອງ ທີ່ໜ້າສົນໃຈ,ມີຄວາມສວຍງາມ ແລະ ໂດດເດັ່ນ ສະ ເພາະ ເຊິ່ງນັກທ່ອງທ່ຽວທັງພາຍໃນເມືອງ,ຕ່າງແຂວງ ແລະຕ່າງປະເທດທີ່ເດີນທາງເຂົ້າມາເມືອງຫຼາ ລ້ວນແລ້ວແຕ່ຕ້ອງໄດ້ແວ່ ແລະ ສຳພັດກັບບັນຍາກາດຕົວຈິງ.

ສະຖານທີ່ທ່ອງທ່ຽວດັ່ງກ່າວ ແມ່ນຕັ້ງຢູ່ແຄມນໍ້າພາກ ບ້ານວຽງຄໍາ ໂດຍເລີ່ມເປີດບໍລິການຕັ້ງແຕ່ທ້າຍປີ 2017 ເປັນຕົ້ນມາ ໂດຍແມ່ນທ່ານ ນາງ ນ້ຳຝົນ ດວງປະເສີດ ເປັນຜຸູ້ລິເລີ່ມໃນການດຳເນີນກິດຈະການ ທັງເປັນຜູ້ບໍລິຫານ ເຊິ່ງການບໍລິການ ແລະ ກິດຈະກຳ ໃນເບື້ອງຕົ້ນແມ່ມ ແມ່ນປະກອບມີ ຕູບແຄມນ້ຳ,ອາຫານ,ເຄື່ອງດື່ມ ໄວ້ຄ່ອຍບໍລິການ,ມີສະຖານທີ່ກວ້າງຂວາງ ແລະ ສະດວກສະບາຍ ນອກນັ້ນ ຍັງປະກອບມີກິດ ຈະກຳທີ່ທ້າທາຍ ເປັນຕົ້ນແມ່ນຂີ່ສະຫຼິ່ງ ເຊິ່ງປະກອບມີທັງໝົດ 7 ຈຸດ ແຕ່ລະຈຸດຈະມີຄວາມຍາວຕັ້ງແຕ່ 100 -200 ແມັດ,ມີກິດຈະກໍາພາຍເຮືອຊົມວິທິວທັດ,ວິຖີຊີວິດແບບທຳມະຊາດຂອງປະຊາຊົນ ແຄມແມ່ນ້ໍາພາກ,ຂີ່ຫມາກເບັງ ແລະ ອື່ນໆ.

ສ່ວນທິດທາງແຜນການໃນຕໍ່ໜ້າທາງຜູ້ບໍລິຫານສະຖານທີ່ທ່ອງທ່ຽວຍັງມີແຜນທີ່ຈະປັບປຸງ ແລະ ຂະຫຍາຍກິດຈະກຳເພີ່ມຕື່ມ ໂດຍອີງໃສ່ຕາມລະດູການ ເພື່ອຮອງຮັບໃຫ້ແກ່ນັກທ່ອງທ່ຽວທີ່ຈະເຂົ້າມາໃຊ້ບໍລິການ ເປັນຕົ້ນແມ່ນສະຖານທີ່ພັກແບບເປັນຕູບ,ຂີ່ສະຫຼິ່ງໂດດນ້ຳ,ສ້າງສະໜາມຟຸດຊໍ,ສ້າງຫ້ອງນ້ຳ ເພີ່ມຕື່ມຢູ່ແຕ່ລະຈຸດ.

ສະເພາະໃນມໍໆ ນີ້ທາງເມືອງຫຼາຈະໄດ້ມີພິທີສະເຫຼີມສະຫຼອງປີທ່ອງທ່ຽວ ພ້ອມກັບຫຼິ້ນບຸນປີໃຫມ່ລາວ ທາງສະຖານທີ່ທ່ອງທ່ຽວສາຍນ້ໍາພາກກໍໄດ້ມີການຫ້າງຫາກະກຽມພ້ອມ ເພື່ອຕ້ອນຮັບບັນດາແຂກ,ນັກທ່ອງທ່ຽວທັງພາຍໃນແລະຕ່າງປະເທດ ທີ່ຈະເດີນ ທາງເຂົ້າມາຮ່ວມງານດັ່ງກ່າວ ເຊິ່ງຈະມີພິທີທາງການໃນລະຫວ່າງວັນທີ 14-16 ເມສາ 2018 ນີ້.

ຂ່າວຈາກ: ຄານມະນີ ຮຽນດໍຈັນ