ວັນທີ 5 ກໍລະກົດ 2023 ນີ້ຢູ່ທີ່ຫໍປະ ຊຸມບ້ານສີສະຫວ່າງເມືອງປາກລາຍ ແຂວງໄຊຍະບູລີ,ໄດ້ມີກອງປະຊຸມຄະ
ນະກຳມະການປ້ອງກັນແລະຄວບຄຸມພະຍາດໄຂ້ຍູງລາຍ, ໂດຍໃຫ້ກຽດເຂົ້າຮ່ວມຂອງທ່ານ ບຸນພະລັງ ວິໄລສັກ ຮອງເຈົ້າເມືອງປາກລາຍ,ຜູ້ຊີ້ນຳຂົງເຂດວັດຖະນະທຳສັງຄົມຕຸລາການ ແລະ ຍຸຕິທຳ,ໂດຍມີບັນດາຄະນະກຳມະການປ້ອງກັນ ແລະ ຄວບຄຸມພະຍາດໄຂ້ຍຸ້ງລາຍຂັ້ນເມືອງ ແລະ ອົງການປົກຄອງບ້ານເທດສະບານເຂົ້າຮ່ວມຢ່າງພ້ອມພຽງ.
ກອງປະຊຸມໄດ້ຮັບຟັງການລາຍງານສະພາບການລະບາດຂອງເຊື້ອພະຍາດໄຂຍຸງລາຍທີ່ກຳລັງລະບາດຢູ່ໃນປະຈຸບັນຈາກທ່ານ ດຣ : ນາງ ແສງເພັດ ແກ້ວປະເສີດ ຫົວໜ້າຫ້ອງການສາທາລະນະສຸກເມືອງປາກລາຍບາງຕອນທ່ານໄດ້ກ່າວວ່າ:ມາຮອດປະຈຸບັນທົ່ວເມືອງປາກລາຍມີການລະບາດຂອງເຊື້ອພະຍາດໄຂຍຸງລາຍມີ 14 ບ້ານ,ມີຜູ້ຕິດເຊື້ອໄຂ້ຍຸງລາຍ 30 ຄົນ,ສະນັ້ນຈິ່ງໄດ້ຮຽກຮ້ອງມາຍັງຄະນະກຳມະການຈົ່ງໄດ້ພ້ອມກັນເອົາໃຈໃສ່ປຶກສາຫາລືວິທີການຕ້ານ ແລະ ຄວບ ຄຸມການລະບາດເຊື້ອພະຍາດໄຂຍຸງລາຍໃນລະດູຝົນເຊີງມັນມີຄວາມຈຳເປັນໃນການປົກປັກຮັກສາສິ່ງແວດລ້ອມອ້ອມ ຮອບເຮືອນຊານບ້ານຊ່ອງ ແລະ ສະຖານທີ່ຕ່າງໆ ແມ່ນມີຄວາມສຳຄັນຫລາຍ ທັງແມ່ນໜ້າທີ່ຄວາມຮັບຜິດຊອບ ຂອງໝົດທຸກຄົນ ທີ່ຕ້ອງໄດ້ເອົາໃຈໃສ່ ໂດຍສະ ເພາະແມ່ນ ການຖາງຫຍ້າອ້ອມຮອບໃຫ້ແປນ, ອະນາໄມຂີ້ເຫຍື້ອ, ກະປ໋ອງ, ໂຖ, ຢາງລົດ ແລະ ອື່ນໆ ທີ່ມີນ້ຳຂັງໃຫ້ມີຄວາມເປັນລະບຽບ ເພື່ອສ້າງ ຄວາມສະ ອາດທາງສິ່ງແວດລ້ອມ ທັງເປັນປ້ອງກັນ ແລະ ທຳລາຍແຫລ່ງເພາະພັນເຊື້ອຍຸງລາຍ ທີ່ຈະນຳເອົາພະຍາດມາສູ່ພວກເຮົາໃນໄລຍະນີ້.
ທ່ານ ບຸນພະລັງ ວິໄລສັກ ຮອງເຈົ້າເມືອງປາກລາຍໄດ້ມີຄຳເຫັນຊີ້ນຳມາຍັງຄະນະກຳມະການພາກສ່ວນທີ່ໄດ້ເຂົ້າ ຮ່ວມກອງປະຊຸມຄັ້ງນີ້ວ່າ:ໄລຍະນີ້ ກໍ່ກ້າວສູ່ໄລຍະລະດູຝົນແລ້ວ ເຊິ່ງເຮັດໃຫ້ສະ ພາບແວດລ້ອມມີຄວາມຮົກເຮື້ອ ແລະ ມີນ້ຳຝົນຂັງໃນວັດຖຸຕ່າງໆ ເປັນຕົ້ນແມ່ນກະປ໋ອງ, ຢາງລົດ, ໂຖນ້ຳ, ໄຫນ້ຳ ແລະ ອື່ນໆ ທັງແມ່ນລະດູການ ເກີດພະຍາດລະບາດຕ່າງໆຕາມມາ, ໜຶ່ງໃນນັ້ນ ກໍ່ແມ່ນພະຍາດໄຂ້ຍຸງລາຍ ທີ່ມີການລະບາດ ໂດຍໃນແຕ່ລະປີມີຜູ້ຕິດເຊື້ອພະຍາດ ຫລື ໄຂ້ເລືອດອອກ ໃນຂອບເຂດທົ່ວປະເທດບໍ່ໜ້ອຍ ແລະ ພະຍາດດັ່ງກ່າວ ກໍ່ເກີດຂຶ້ນໃນໄລຍະລະດູຝົນດັ່ງປັດຈຸບັນ ເຊິ່ງສາເຫດໜຶ່ງ ແມ່ນເກີດມາຈາກສະພາບ ແວດລ້ອມອ້ອມ ຮອບເຮືອນຊານບ້ານ ຊ່ອງ ບໍ່ໄດ້ຮັບການບົວລະບັດຮັກສາ ໃຫ້ມີຄວາມສະອາດ, ບໍ່ໄດ້ຮັບການຖາງຫຍ້າໃຫ້ແປນ ໂດຍປະປ່ອຍໃຫ້ຮົກເຮື້ອຕາມເດີ່ນບ້ານ, ເດີ່ນເຮືອນ. ນອກຈາກນີ້, ການຖິ້ມຂີ້ເຫຍື້ອບໍ່ ເປັນລະບຽບຮຽບ ໄດ້ກາຍເປັນແຫລ່ງແພ່ພັນເຊື້ອຂອງຍຸງລາຍຫລາຍຂຶ້ນ ໂດຍສະເພາະແມ່ນກະປ໋ອງ, ຢາງລົດເກົ່າ ແລະ ວັດຖຸອື່ນໆທີ່ມີນໍ້າຂັງ. ແນວໃດກໍ່ດີ ເພື່ອເຮັດໃຫ້ພວກເຮົາດຳລົງຊີວິດປະຈຳວັນຢູ່ເຢັນເປັນສຸກ ໄປພ້ອມໆກັບສະພາບແວດລ້ອມສົດຊື່ນ ແລະ ເຮືອນຊານບ້ານຊ່ອງໜ້າຢູ່ ທັງປາສະຈາກພະຍາດ ຕ່າງໆ ໂດຍສະເພາະແມ່ນພະຍາດໄຂ້ຍຸງລາຍ ຫລື ໄຂ້ເລືອດອອກ, ພວກເຮົາສາມາດປ້ອງກັນໄດ້ ໂດຍການເປັນເຈົ້າການປົກປັກຮັກສາສິ່ງແວດ ລ້ອມ, ພ້ອມກັນຖາງຫຍ້າໃຫ້ແປນ ຕິດ ພັນກັບການເກັບມ້ຽນຂີ້ເຫຍື້ອ ໃຫ້ເປັນລະບຽບ, ທຳລາຍບ່ອນແພ່ພັນຂອງຍຸງລາຍ ໃນແຕ່ລະມື້ເຊັ່ນວ່າ: ປິດຝາອ່າງນໍ້າ ຫລື ໄຫນ້ຳທີ່ເຮົາໃຊ້ປະຈຳວັນ. ເມື່ອເຫັນກະປ໋ອງ, ຢາງລົດ ເກົ່າ ແລະ ສິ່ງອື່ນໆທີ່ມີນ້ຳຂັງ ກໍ່ຕ້ອງຖອກນ້ຳຖິ້ມ ເພື່ອບໍ່ໃຫ້ຍຸງມີແຫລ່ງແພ່ພັນ ແລະ ພ້ອມກັນປ່ອຍປາຫາງນົກຍຸງ ເພື່ອກິນໜອນນໍ້າຍຸງລາຍ ພຽງເທົ່ານີ້ຖ້າພວກເຮົາເຮັດປະຈຳ ກໍ່ ຈະເຮັດໃຫ້ສະພາບແວດລ້ອມ ອ້ອມຮອບເຮືອນຊານຂອງພວກເຮົາໜ້າຢູ່ ລວມທັງຍັງສາມາດຫລີກເວັ້ນ ຈາກການແພ່ຂະຫຍາຍເຊື້ອຍຸງລາຍອີກຕື່ມ ແລະ ຫລີກເວັ້ນ ການເປັນພະ ຍາດໄຂ້ຍຸງລາຍໄປພ້ອມໆກັນເຊັ່ນກັນ.
ຂ່າວ : ດາວປະດິດ ເສດຖາລາດ
ພາບ : ບົວໄລ ໄຊຍະວົງ
