ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສາມບໍລະສັດມອບເຂົ້າສານແລະອຸປະກອນການແພດໃຫ້ລັດຖະບານເພື່ອຮັບໃຊ້ວຽກປ້ອງກັນພະຍາດໂຄວິດ-19:

ໃນວັນທີ 20 ເມສາ 2020 ທີ່ຫ້ອງວ່າການສຳນັກງານນາຍົກລັດຖະມົນຕີ, ນະຄອນຫຼວງວຽງຈັນ, ສາມບໍລິສັດປະກອບມີ: ກຸ່ມບໍລິສັດ ສີສົມບັດເຊົ່າສິນເຊື່ອຈຳກັດ, ກຸ່ມບໍລິສັດເທຣດເຊີ ລາວ ແລະ ກຸ່ມບໍລິສັດ ຮ່ວງແອ໋ງຢາລາຍຫວຽດນາມ ໄດ້ນຳເອົາເຂົ້າສານ, ຜ້າອັດປາກອະນາໄມ ແລະ ອຸປະກອນການແພດ ລວມມູນຄ່າປະມານ 1,5 ຕື້ກີບ ມາມອບໃຫ້ຄະນະສະເພາະກິດເພື່ອປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19, ໂດຍແມ່ນ ທ່ານ ສົມດີ ດວງດີ, ຮອງນາຍົກລັດຖະມົນຕີ, ແລະ ລັດຖະມົນຕີກະຊວງການເງິນ, ທັງເປັນປະທານຄະນະສະເພາະກິດປ້ອງກັນ ແລະ ຄວບຄຸມການແຜ່ລະບາດພະຍາດໂຄວິດ-19, ພ້ອມດ້ວຍຄະນະ ເປັນຜູ້ຮັບ.

ໃນໂອກາດນີ້, ທ່ານ ສົມດີ ດວງດີ ໄດ້ກ່າວຂອບໃຈ ຕໍ່ທັງສາມບໍລິສັດດັ່ງກ່າວທີ່ໄດ້ນຳເອົາເຄື່ອງຊ່ວຍເຫຼືອມາມອບໃຫ້ໃນຄັ້ງນີ້, ໂດຍທາງຄະນະສະເພາະກິດ ຈະໄດ້ນຳໄປແຈກຢາຍຢ່າງເໝາະສົມທີ່ສຸດ ໃຫ້ບັນດາພາກສ່ວນທີ່ມີຄວາມຕ້ອງ ການ ເພື່ອເຮັດແນວໃດໃຫ້ເກີດປະໂຫຍດສູງສຸດຕໍ່ສັງຄົມ. ເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້ ປະກອບມີ ເຂົ້າສານຈຳນວນ 50 ໂຕນ ມູນຄ່າ 500.000.000 ກີບ ຂອງກຸ່ມບໍລິສັດ ສີສົມບັດເຊົ່າສິນເຊື່ອຈຳກັດ, ຜ້າອັດປາກອະນາໄມ ພ້ອມດ້ວຍເງິນສົດ ມູນຄ່າ 160.000.000 ກີບ ຂອງກຸ່ມບໍລິສັດເທຣດເຊີ ລາວ, ແລະ ອຸປະກອນການແພດ ມູນຄ່າ 100.000 ໂດລາສະຫະລັດ ຫຼື 895 ລ້ານກີບ ຂອງກຸ່ມບໍລິສັດ ຮ່ວງແອ໋ງຢາລາຍ ຫວຽດນາມ.