ໃນວັນທີ 9 ກໍລະກົດ 2024 ທ່ານ ບຸນຍະວັດ ນິລະໄຊຍ໌ ຫົວຫນ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໄດ້ລາຍງານວ່າ: ສາເຫດຂອງການເກີດນໍ້າຖ້ວມຂັງ ໃນນະຄອນຫຼວງວຽງຈັນ ແມ່ນມີຫຼາຍສາເຫດ ໂດຍສະເພາະຮ່ອງລະບາຍນໍ້າໃນຕົວເມືອງ ມີດັ່ງນີ້:
1). ພື້ນທີ່ຂອງຕົວເມືອງແມ່ນມີຄວາມຮາບພຽງ ແລະ ມີຄວາມເນີນ ປະມານ 2%
ໃນເວລາຝົນຕົກແຮງນໍ້າບໍ່ສາມາດລະບາຍໄດ້ທັນ.
2). ມີການປ່ຽນແປງດິນຟ້າອາກາດເຮັດໃຫ້ປະລິມານນໍ້າຝົນເພີ່ມຂຶ້ນທຸກໆປີ.
3). ຮ່ອງລະບາຍນໍ້າທີ່ມີຢູ່ແລ້ວ ຂາດການອານາໄມຢ່າງຕໍ່ເນື່ອງເກີດມີການອັດຕັນ,
ນໍ້າໄຫຼບໍ່ສະດວກ ແລະ ຕື້ນເຂີນ.
4). ຮ່ອງນໍ້າທໍາມະຊາດຈໍານວນໜຶ່ງຍັງບໍ່ໄດ້ຮັບການປັບປຸງ ແລະ ກໍ່ສ້າງເປັນລະບົບ,
ມີການບຸກລຸກຂອງປະຊາຊົນກວມເອົາເຂດສະຫງວນຮ່ອງ.
5). ມີການຖົມດິນຊະຊາຍ ຕັນແລວທາງນໍ້າໄຫຼ ແລະ ມີການຖົມບຶງ-ຫນອງ ທີ່ເປັນ
ບ່ອນພັກຢູ່ໃນຕົວເມືອງເປັນຕົ້ນແມ່ນ: ຫນອງຈັນ, ຫນອງບອນ, ຫນອງທາ, ບຶງ
ທາດຫຼວງ ແລະ ມີການຫັນປ່ຽນດິນກະສິກໍາເປັນດິນປຸກສ້າງເພີ່ມຂຶ້ນ.
6). ມີການເທເບຕົງປິດຮ່ອງລະບາຍນໍ້າ ແລະ ວາງທໍ່ນໍ້າ ເພື່ອນໍາໃຊ້ເປັນທີ່ຢູ່ອາໄສ,
ບ່ອນຈອດລົດ ບໍ່ສາມາດລົງໄປອະນາໄມໄດ້;
7) ບາງພື້ນທີ່ ທີ່ນໍ້າຖ້ວມຂັງບໍ່ມີຮ່ອງລະບາຍນໍ້າ ແລະ ບໍ່ເຊື່ອມຈອດກັນ.
1). ປັດຈຸບັນ ທໍ່ລະບາຍນໍ້າຂ້າງທາງມີຂະຫນາດນ້ອຍບໍ່ສາມາດຮອງຮັບປະລິມານນໍ້າ
ຝົນໃນເວລາຝົນຕົກຫນັກ.
2). ທໍ່ລະບາຍນໍ້າຂ້າງທາງ ທີ່ມີໃນປັດຈຸບັນນີ້ແມ່ນຮັບທັງນໍ້າເປື້ອນ ແລະ ນໍ້າຝົນ.
3). ບາງເສັ້ນທາງ ທໍ່ນໍ້າບໍ່ເຊື່ອມຈອດກັນ, ມີບ່ອນຕໍ່າບ່ອນສູງ ແລະ ຂະຫນາດບໍ່
ເທົ່າກັນ.
4). ຂາດການອະນາໄມເປັນປະຈໍາເຮັດໃຫ້ເກີດມີການສະສົມຂອງການຕົກຕະກອນ,
ມີຂີ້ເຫຍື້ອອັດຕັນໃນລະບົບຮ່ອງລະບາຍນໍ້າຂ້າງທາງ.
5). ຂຸມພັກນໍ້າແມ່ນມີໄລຍະຫ່າງກັນ, ມີບາງຈຸດຖືກທັບຖົມດ້ວຍຕະກອນ ແລະ ສິ່ງ
ເສດເຫຼືອຕ່າງໆ.