ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນທີ 22 ທັນວາ 2023, ສະຖາບັນເລືອດແຫ່ງຊາດໄດ້ຈັດສຳມະນາວິຊາການວ່າດ້ວຍ ‘’ມາດຕະການໃນການຮັບປະກັນການສົ່ງເລືອດທີ່ປອດໄພ’’ ຂື້ນທີ່ໂຮງແຮມລາວພຣາຊາ, ໂດຍການເຂົ້າຮ່ວມຂອງທ່ານ ສຈ.ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ, ທ່ານ ໄຕຈູ ຄິຄູຊິ (Mr. Taiju Kikuchi) ເລຂາທີ່ 3 , ປະຈໍາສະຖານທູດຍີ່ປຸ່ນປະຈໍາລາວ, ທ່ານ ໄດໂດະ ຟູຈິຕາ (Daido Fujita) ຊ່ຽວຊານທີ່ປຶກສາໂຄງການພັດທະນາຄວາມຫມັ້ນຄົງຂອງມະນຸດສະຖານທູດຍີ່ປຸ່ນ , ຜູ້ຕາງໜ້າກະຊວງແຮງງານ ແລະ ສະຫວັດດີການສັງຄົມ, ກະຊວງສາທາລະນະສຸກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ປະທານອົງການກາແດງແຫ່ງຊາດລາວ ໄດ້ກ່າວຕໍ່ກອງປະຊຸມໃນຄັ້ງນີ້ວ່າ: ກອງປະຊຸມສຳມະນາໃນຄັ້ງນີ້ແມ່ນເພື່ອຮັບປະກັນການສົ່ງເລືອດປອດໄພ ໂດຍໄດ້ຮັບການສະຫນັບສະຫນູນຈາກກະຊວງສາທາລະນະສຸກ, ກະຊວງແຮງງານ ແລະ ສະຫວັດດີການສັງຄົມ ໂດຍຜ່ານໂຄງການຮາກແກ້ວ ຂອງສະຖານທູດຢີ່ປຸ່ນປະຈຳລາວ ໃນການຄຸ້ມຄອງຄຸນນະພາບການບໍລິການເລືອດ ນັບຕັ້ງແຕ່ການຈັດຫາ ເຖິງ ການສົ່ງເລືອດ ນອກຈາກນັ້ນ, ຍັງໄດ້ມີການແລກປ່ຽນບົດຮຽນລະຫວ່າງ ນັກວິຊາການທີ່ເຮັດວຽກການສົ່ງເລືອດຂອງສອງປະເທດ(ລາວ-ຍີ່ປຸ່ນ) ເພືຶ່ອພ້ອມກັນພັດທະນາການສົ່ງເລືອດຢູ່ ສປປ ລາວ ໃຫ້ມີຄວາມປອດໄພ,
ໃນປະຈຸບັນເຖີງແມ່ນວ່າ ວິທະຍາສາດຈະທັນສະໄຫມກໍ່ຕາມ ແຕ່ກໍ່ຍັງ ບໍ່ທັນສາມາດຜະລິດເລືອດ ສະນັ້ນຈື່ງມີຄວາມຈໍາເປັນຕ້ອງການບໍລິຈາກເລືຶອດ ເພື່ອໃຫ້ມີການບໍລິຈາກເລືອດຢພຽງພໍ ປອດໄພທັງຜູ້ໃຫ້ ແລະ ຜູ້ຮັບນັ້ນ ໜ່ວຍງານພາກລັດ, ອົງການກາແດງແຫ່ງຊາດລາວ, ສະຖາບັນເລືອດແຫ່ງຊາດ ແລະ ກະຊວງສາທາລະນະສຸກ ພ້ອມທັງ ອົງການຈັດຕັ້ງມະຫາຊົນ, ການຈັດຕັ້ງຕ່າງໆ ທີ່ກ່ຽວຂ້ອງ ໄດ້ດຳເນີນການກຽມຄວາມພ້ອມໃນການວາງໂຄງສ້າງ ບໍລິຈາກເລືອດແບບສະໝັກໃຈໃຫ້ຫຼາຍຂື້ນ, ການບໍລິຫານ,ຈັດການ,ດ້ານການບໍລິຈາກເລືອດ ເພື່ອໃຫ້ມີຄຸນນະພາບດ້ານການບໍລິການໃຫ້ແກ່ຜູ້ບໍລິຈາກເລືອດ,ການກວດວິເຄາະ, ການຄວບຄຸມຄຸນນະພາບໃນການເກັບຮັກສາເລືອດ-ໃນປະຈຸບັນ ສປປ ລາວ ມີສູນບໍລິຈາກເລືອດຢູ່ 17 ແຂວງ ແລະ ຫນ່ວຍເກັບຮັກສາເລືອດຂັ້ນເມືອງ 30 ເມືອງ.
ການສຳມະນາວິຊາການວ່າດ້ວຍ ‘’ມາດຕະການໃນການຮັບປະກັນການສົ່ງເລືອດທີ່ປອດໄພ ຜູ້ແທນກອງປະຊຸມໄດ້ແລກປ່ຽນບົດຮຽນ ແລະ ຂໍ້ສະເຫນີແນະຕ່າງໆ ແລະ ພ້ອມກັນນໍາເອົາບັນດາບົດຮຽນຕ່າງໆ ມານຳໃຊ້ພາກປະຕິບັດຕົວຈິງ,ຕາມຫລັກການສາກົນໃນດ້ານຄວາມປອດໄພຂອງການສົ່ງເລືອດ.