ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພັກ ແລະ ລັດຖະບານເຮົາ ໄດ້ພ້ອມກັນສືບຕໍ່ຈັດຕັ້ງປະຕິບັດ ຕາມມະຕິຕົກລົງ ເລກທີ 337/ຄລສພ, ລົງວັນທີ 4 ເມສາ 2023 ພ້ອມດ້ວຍບັນດານິຕິກຳກ່ຽວຂ້ອງຂອງພັກ, ຂອງລັດ ສືບຕໍ່ຈັດກອງປະຊຸມສຳມະນາວິທະຍາສາດລະດັບຊາດ ໃນໂອກາດລະນຶກ ວັນເກີດຂອງປະທານ ຄໍາໄຕ ສີພັນດອນ ຄົບຮອບ 100 ປີ (8/2/1924-8/2/2024) ຂຶ້ນເປັນຄັ້ງທີ 3 ຊຶ່ງຄັ້ງນີ້ ຈັດຂຶ້ນໃນວັນທີ 24 ມັງກອນນີ້ ທີ່ນະຄອນຫຼວງວຽງ ຈັນ ພາຍຫຼັງທີ່ໄດ້ຈັດຄັ້ງທີ 1 ທີ່ແຂວງຫົວພັນ ແລະ ຄັ້ງທີ 2 ທີ່ແຂວງຈໍາປາສັກ.
ກອງປະຊຸມສຳມະນາວິທະຍາສາດລະດັບຊາດ ຄັ້ງນີ້, ດຳເນີນຂຶ້ນໂດຍການເປັນປະທານຂອງ ສະຫາຍ ບຸນທອງ ຈິດມະນີ ກຳມະ ການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ.
ກອງປະຊຸມຄັ້ງນີ້, ໄດ້ຮັບຟັງການສະເໜີບົດຄົ້ນຄວ້າທີ່ສຳຄັນ ຄື: “ປະທານ ຄໍາໄຕ ສີພັນດອນ ແມ່ນຜູ້ຢຶດໝັ້ນແນວທາງມະຫາ ຊົນ” ໂດຍ ສະຫາຍ ບົວສອນ ບຸບຜາວັນ ອະດີດກໍາມະການກົມ ການເມືອງສູນກາງພັກ ອະດີດນາຍົກລັດຖະມົນຕີ ແຫ່ງ ສປປ ລາວ ຂຶ້ນສະເໜີເນື້ອໃນດັ່ງກ່າວ. ພ້ອມນີ້, ກໍໄດ້ຮັບຟັງການສະ ເໜີບົດ “ປະທານ ຄໍາໄຕ ສີພັນດອນ ໃນຄວາມຮູ້ສຶກຂອງລູກ” ໂດຍ ສະຫາຍ ວຽງສະຫວັດ ສີພັນດອນ ກໍາມະການສູນກາງພັກ ເລຂາຄະນະພັກ ເຈົ້າແຂວງຫຼວງນໍ້າທາ. ນອກນີ້, ກໍຍັງມີບັນດາທ່ານການນໍາຂັ້ນຕ່າງໆ ສະເໜີບົດຄົ້ນຄວ້າແນວຄິດຊີ້ນໍາຂອງ ປະທານ ຄໍາໄຕ ສີພັນດອນ ກ່ຽວກັບວຽກງານຕ່າງໆຄື: ແນວຄິດຊີ້ນໍາ ກ່ຽວກັບວຽກງານແນວໂຮມ ແລະ ອົງການຈັດຕັ້ງມະຫາຊົນ, ແນວຄິດຊີ້ນໍາ ກ່ຽວກັບວຽກງານປ້ອງກັນຊາດ-ປ້ອງກັນຄວາມສະ ຫງົບ, ແນວຄິດຊີ້ນໍາ ກ່ຽວກັບການພັດທະນາເສດຖະກິດ- ການເງິນ, ແນວຄິດຊີ້ນໍາ ກ່ຽວກັບການກໍ່ສ້າງຮາກຖານການເມືອງຢູ່ແຂວງຈໍາປາສັກ, ແນວຄິດຊີ້ນໍາ ກ່ຽວກັບການກໍ່ສ້າງພັກ- ພະ ນັກງານໃນໄລຍະໃໝ່, ແນວຄິດຊີ້ນໍາ ກ່ຽວກັບວຽກງານວັດທະ ນະທໍາ, ແນວຄິດຊີ້ນໍາ ກ່ຽວກັບວຽກງານພົວພັນຕ່າງປະເທດ.
ການສໍາມະນາວິທະຍາສາດຄັ້ງນີ້, ຈະເປັນພື້ນຖານອັນສຳຄັນ ຊຶ່ງຈະຊ່ວຍໃຫ້ພວກເຮົາເຫັນບັນຫາທີ່ສຳຄັນຕົ້ນຕໍ ແລະ ອັນພົ້ນເດັ່ນໃນແນວຄິດຊີ້ນຳຂອງເພິ່ນ; ຊ່ວຍໃຫ້ຜູ້ເຂົ້້າຮ່ວມສຳມະນາເຫັນໄດ້ ແລະ ເຂົ້າໃຈເລິກເຊິ່ງ, ເປັນລະບົບກ່ຽວກັບເນື້ອໃນຄວາມໝາຍຂອງແຕ່ລະບັນຫາ; ພ້ອມກັນນັ້ນ, ຈະໄດ້ຈຳແນກ ແລະ ຢືນຢັນໃຫ້ເຫັນວ່າ ບັນດາແນວຄິດຊີ້ນຳຂອງເພິ່ນ ແຕ່ລະຂົງເຂດນັ້ນ ມີຄວາມສອດຄ່ອງກັບເງື່ອນໄຂ ແລະ ສະພາບຄວາມເປັນຈິງຂອງປະເທດຊາດແນວໃດ, ສອດຄ່ອງກັບຄວາມມຸ່ງມາດປາຖະ ໜາ ແລະ ຜົນປະໂຫຍດຂອງປະຊາຊົນລາວບັນດາເຜົ່າຂອງພວກເຮົາ ແລະ ມີຄວາມສອດຄ່ອງກັບທ່າອ່ຽງລວມ ແຫ່ງການພົວພັນຮ່ວມມື, ການພັດທະນາ ໃນພາກພື້ນ ແລະ ໂລກປັດຈຸ ບັນ ແລະ ອະນາຄົດແນວໃດ ຊຶ່ງໃນການກ່າວເປີດປະທານກອງປະຊຸມ ກໍໄດ້ເນັ້ນໃຫ້ບັນດາສະຫາຍນັກວິທະຍາສາດ, ນັກຄົ້ນຄວ້າ, ນັກສຳມະ ນາກອນ ຈົ່ງຍົກສູງຄວາມຮັບຜິດຊອບ ໃນການສະເໜີບົດໃຫ້ເຈາະຈົງເຂົ້າບັນຫາ, ຈະແຈ້ງ, ບໍ່ເລົ່າເລື່ອງ ແລະ ຮັບປະກັນເວລາທີ່ໄດ້ກຳນົດ; ສ່ວນບັນດາສະຫາຍ ຈະປະກອບຄວາມເຫັນ ກໍໃຫ້ຄົ້ນຄວ້າລົງເລິກບັນຫາໃຫ້ກະທັດຮັດຈະແຈ້ງ ແລະ ເຂົ້າບັນຫາ ເພື່ອເຮັດໃຫ້ກອງປະຊຸມສຳມະນາວິທະຍາສາດຂອງພວກເຮົາ ເທື່ອນີ້ ມີເນື້ອໃນອຸດົມສົມບູນ ແລະ ມີຜົນສຳເລັດຢ່າງຈົບງາມ
(ຂ່າວ-ພາບ: ສຸກສະຫວັນ)