ໃນໂອກາດສະເຫຼີມສະຫຼອງຄ້າຍວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ສະຖາບັນການເມືອງ- ການປົກຄອງ ແຫ່ງຊາດ ໄດ້ຈັດກອງປະຊຸມສຳມະນາວິທະ ຍາສາດ ໃນຫົວຂໍ້: “ທັດສະນະຊີ້ນຳ ຂອງປະທານ ຄຳໄຕ ສີພັນດອນ ພາຍຫຼັງພັກ ຜ່ອນບຳນານ” ໃນວັນທີ 2 ກຸມພາ 2024 ທີ່ສະໂມສອນ ຂອງສະຖາບັນການເມືອງ-ການປົກ ຄອງ ແຫ່ງຊາດ ໂດຍການເປັນປະທານຂອງ ທ່ານ ຄຳພັນ ເຜີຍຍະວົງ ຄະນະເລຂາທິການສູນ ກາງພັກ ຫົວໜ້າຄະນະໂຄສະນາ-ອົບຮົມສູນກາງພັກ ປະທານສະພາທິດສະດີສູນກາງພັກ.
ໃນພິທີໄດ້ຮັບຟັງການຜ່ານບົດວິທະຍາສາດ 7 ຫົວຂໍ້ສໍາຄັນ ກ່ຽວກັບປະທານ ຄຳໄຕ ສີພັນດອນ ຕໍ່ໃນຂົງເຂດວຽກງານຕ່າງໆ ເຊັ່ນ: ທັດສະນະຊີ້ນໍາຂອງປະທານ ຄໍາໄຕ ສີພັນດອນ ກ່ຽວກັບວຽກພັກ-ພະນັກງານ ຂົງເຂດວຽກງານເສດຖະກິດຂົງເຂດການ ປົກຄອງ, ວຽກງານປ້ອງກັນຊາດ-ປ້ອງ ກັນຄວາມສະຫງົບ, ວຽກ ງານວັດທະນະທຳ-ສັງຄົມ ຂົງ ເຂດວຽກງານກໍ່ສ້າງຮາກຖານເມືອງ -ພັດທະນາຊົນນະບົດ ແລະ ບົດຄໍາເຫັນຕາງໜ້າຄອບຄົວ ສີພັນດອນ.
ໃນໂອກາດນີ້ ຜູ້ແທນທີ່ເຂົ້າຮ່ວມກອງປະຊຸມ ໄດ້ປະກອບຄໍາຄິດຄໍາເຫັນຕໍ່ 7 ຫົວຂໍ້ດັ່ງກ່າວຢ່າງກົງໄປກົງມາ.
