ກອງປະຊຸມຄົບຄະນະບໍລິຫານງານພັກເມືອງນາກາຍ ແຂວງຄໍາມ່ວນ ໄດ້ອັດລົງດ້ວຍຜົນສຳເລັດອັນຈົບງາມໃນວັນທີ 31 ມັງກອນ 2024 ພາຍຫລັງທີ່ໄດ້ດຳເນີນມາເປັນເວລາ 2 ວັນ ( 30-31 ມັງກອນ 2024 ) ຢູ່ທີ່ສະໂມສອນໃຫ່ຍເມືອງ ນາກາຍ ໂດຍການເປັນປະທານຂອງ ສະຫາຍ ຄຳສອນ ອວ້ນທະວີ ຄະນະປະຈຳພັກແຂວງ ປະທານກວດກາພັກ-ລັດແຂວງ, ສະຫາຍ ນາງ ບົວກາ ແກ້ວມະນີ ກຳມະການພັກແຂວງ ເລຂາພັກເມືອງ ເຈົ້າເມືອງໆ ນາກາຍ, ໂດຍມີ ຄະນະປະຈຳພັກເມືອງ ຄະນະພັກຮາກຖານ, ແລະຕົວແທນສະມາຊິກພັກທົ່ວເມືອງເຂົ້າຮວ່ມທັງໝົດ 84 ສະຫາຍ, ຍິງ 12 ສະຫາຍ.
ສະຫາຍ ແສງແກ້ວ ພະຄຸນທອງ ຄະນະປະຈໍາພັກເມືອງ ຮອງເຈົ້າເມືອງໆນາກາຍ ຜ່ານຮ່າງ ແຜນພັດທະນາເສດຖະກິດ -ສັງຄົມໃນການຈັດຕັ້ງປະຕິບັດວຽກງານປະຈຳປີ 2023 ແລະ ວາງທິດທາງແຜນການປີ2024, ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງ ແລະ ແຜນພັດທະນາເສດຖະກິດ-ສັງຄົມ ໃນ 1 ປີຜ່ານມາ, ໄດ້ດໍາເນີນໃນສະພາບແວດລ້ອມສາກົນ ແລະ ພາກພື້ນ ມີການຜັນແປຢ່າງສັບສົນ ເຊີ່ງມີທັງກາລະໂອກາດ, ອຸປະສັກ ແລະ ສິ່ງທ້າທ້າຍຫຼາຍປະການ ເປັນຕົ້ນ: ບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ເງິນກີບອ່ອນຄ່າ, ລາຄາສິນຄ້າເໜັງຕີງຂຶ້ນສູງ ເຊີ່ງໄດ້ສົ່ງຜົນກະທົບທາງກົງ ແລະ ທາງອ້ອມ ຕໍ່ການພັດທະນາເສດຖະກິດ-ສັງຄົມຂອງເມືອງ. ແຕ່ເຖິງຢ່າງໃດກໍ່ຕາມ ພາຍໃນການນໍາພາ-ຊີ້ນໍາ ຂອງຄະນະບໍລິຫານງານພັກເມືອງ ກໍ່ຄືການຊຸກຍູ້ຊີ້ນໍາຢ່າງໃກ້ຊິດຂອງຄະນະບໍລິຫານງານພັກແຂວງ, ຄະນະພັກທຸກຂັ້ນ, ການເຂົ້າຮ່ວມຢ່າງຕັ້ງໜ້າຂອງພະນັກງານ, ສະມາຊິກພັກ ແລະ ໄດ້ຮັບການສະໜັບສະໜູນຂອງປະຊາຊົນບັນດາເຜົ່າໃນທົ່ວເມືອງ ຈື່ງສາມາດຍາດໄດ້ຜົນສໍາເລັດທີ່ພົ້ນເດັ່ນໃນຫຼາຍດ້ານ.
ໂດຍພາຍໃຕ້ການຊີ້ນຳ – ນໍາພາ ຂອງອົງຄະນະພັກເຫັນວ່າເສດຖະກິດຂອງເມືອງໄດ້ມີການຂະຫຍາຍຕົວຢ່າງຕໍ່ເນື່ອງ ການລະດົມແຫຼ່ງທຶນເພືື່ອການພັດທະນາຈາກພາກລັດ, ໂຄງການ, ທຶນຊ່ວຍເຫຼືອ ແລະ ອົງການຈັດຕັ້ງສັງຄົມອື່ນໆ ໄດ້ທັງໝົດ 26.730 ຕື້ກວ່າກີບ.ວຽກງານການເງິນ: ໄດ້ເອົາໃຈໃສ່ນໍາພາ-ຊີ້ນໍາຈັດຕັ້ງປະຕິບັດການຈັດເກັບລາຍຮັບ ແລະ ຄຸ້ມຄອງລາຍຈ່າຍງົບປະມານຢ່າງເຂັ້ັັັັັັັັມງວດ ດ້ວຍການຫັນເປັນທັນສະໄໝ, ສາມາດຈັດເກັບລາຍຮັບເຂົ້າງົບປະມານເພີ້ມຂຶ້ນ 173,28% ທຽບໃສ່ແຜນການປີ ແລະ ປະຕິບັດລາຍຈ່າຍບັນລຸໄດ້ 100%ຂອງແຜນການປີ.
ດ້ານວຽກງານກະສິກໍາ ແລະ ປ່າໄມ້: ໄດ້ຮັບການປັບປຸງ ແລະ ກໍໍ່ສ້າງຊົນລະປະທານ ຢູ່ເຂດຊົນນະບົດຫ່າງໄກ ເພື່ອສະໜອງນໍ້າໃຫ້ແກ່ການຜະລິດລະດູແລ້ງ; ເນື້ອທີ່ນາໄດ້ເພີ້ມຂຶ້ນຈາກ 2020 ເຮັກຕາ ໃນປີ 2022 ມາເປັນ 2025 ເຮັກຕາ ໃນປີ 2023. ໄດ້ນໍາໃຊ້ພື້ນຖານວັດຖຸເຕັກນິກທັນສະໄໝເຂົ້າເຖິງປະຊາຊົນຫຼາຍຂຶ້ນ, ຜະລິດເຂົ້າໄດ້ 7.629 ໂຕນ, ສະເລ່ຍເຂົ້າເປືອກ ຕໍໍ່ຄົນໄດ້ 263 ກິໂລຕໍໍ່ຄົນຕໍໍ່ປີ, ພື້ນຖານໂຄງລ່າງທາງດ້ານຄົມມະນາຄົມຂົນສົ່ງໄດ້ຮັບການປັບປຸງດີຂຶ້ນ, ໄດ້ຂະຫຍາຍ ແລະ ກໍ່ສ້າງລະບົບນໍ້າປະປາຊຸມຊົນ ໃນກຸ່ມນາກາຍ, ປັບປຸງເສັ້ນທາງບາງຈຸດ, ສໍາເລັດການກໍ່ສ້າງທາງປູຢາງ ໃນໄລຍະທາງ 21 ກິໂລແມັດ; ສ້ອມແປງເສັ້ນທາງດິນແດງ ແລະ ກໍໍ່ສ້າງຂົວໄມ້ຈໍານວນໜຶ່ງ ເຊິ່ງແມ່ນລັດ, ອົງການ, ທຶນຊ່ວຍເຫຼືອ ແລະ ປະຊາຊົນມີສ່ວນຮ່ວມ ເຮັດໃຫ້ການໄປມາຫາສູ່ກັນ, ການຈໍລະຈອນສິນຄ້າມີຄວາມສະດວກດີຂື້ນ.ໄດ້ຂະຫຍາຍໄຟຟ້າລະບົບແສງຕາເວັນໃນຕົວເມືອງ ແລະ ຊົນນະບົດເຮັດໃຫ້ ປະຊາຊົນໄດ້ຊົມໃຊ້ໄຟຟ້າເພີ້ມຂຶ້ນ, ປະຈຸບັນໃນທົົ່ວເມືອງມີບ້ານທີ່ນໍາໃຊ້ໄຟຟ້າລະບົບຕາຂ່າຍ ມີ 18 ບ້ານ ແລະ ນໍາໃຊ້ໄຟຟ້າຈາກພະລັງງານແສງຕາເວັນ ໂຊລາຟາມ 3 ບ້ານ ແລະ ໂຊລາເຊວ-ແບບຄົວເຮືອນ ຈໍານວນ 10 ບ້ານ, ລະບົບການນໍາໃຊ້ເຕັກໂນໂລຊີ ແລະ ການສື່ສານໄດ້ຮັບການພັດທະນາ ຢ່າງກວ້າງຂວາງປະຈຸບັນເຄືື່ອຄາຍການສື່ສານໄດ້ກວມເອົາຫຼາຍກວ່າ 75% ຂອງພື້ນທີ່ບ້ານໃນທົ່ວເມືອງ ເຮັດໃຫ້ປະຊາຊົນສາມາດເຂົ້າເຖິງ ແລະ ໄດ້ຮັບການບໍລິການດ້ານໂທລະຄົມມະນາຄົມໄອຊີທີ ເຊິ່ງມີຜູ້ນໍາໃຊ້ໂທລະສັບທຸກລະບົບກວມເອົາຫຼາຍກວ່າ 65%, ໃນຕອນທ້າຍປະທານໄດ້ມີຄຳເຫັນເນັ້ນໜັກໃສ່ໃຫ້ໜວ່ຍງານທີ່ກ່ຽວຂ້ອງຮັບຜິດຊອບວຽກງານຖາງປ່າເຮັດໄຮ່ເອົາໃຈໃສ່ຕື່ມໃນການປ້ອງກັນຫວງຫ້າມປະຊາຊົນເຂົ້າບຸກລຸກພື້ນທີ່ປ່າສະຫງວນ ແລະເຂດອຸທະຍານແຫ່ງຊາດນາກາຍນ້ຳເທີນ,ແລະ ແນໃສ່ເອົາໃຈໃສ່ປັບປຸງສະຖານທີ່ທ່ອງທ່ຽວເພື່ອຕ້ອນຮັບແຂກທີ່ຈະມາທອ່ງທ່ຽວໃນປີທ່ອງທ່ຽວລາວ ປີ 2024 ນີ້.
