ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສຳເລັດກອງປະຊຸມສະໄໝສາມັນເທື່ອທີ່ 8 ຂອງສະພາປະຊາຊົນແຂວງຫຼວງພະບາງຊຸດທີ່ I

ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງຫຼວງພະບາງ ຊຸດທີ I ໄດ້ສເລັດໃນຕອນບ່າຍຂອງວັນທີ່ 7 ກຸມພາ 2020 ພາຍຫຼັງດຳເນີນມາແຕ່ ວັນທີ່ 4 ກຸມພາ ນີ້ ໂດຍເປັນປະທານຂອງ ທ່ານ ສາຍສະໝອນ ຄົມທະວົງ ຮອງເລຂາພັກແຂວງ ປະທານສະພາປະຊາຊົນແຂວງ, ມີ ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ພ້ອມດ້ວຍສະມາຊິກສະພາແຫ່ງຊາດປະຈຳເຂດເລືອກຕັ້ງ, ສະມາຊິກສະພາປະຊາຊົນແຂວງ, ອາດິດສະມາຊິກສະພາແຫ່ງຊາດ, ອາດິິດການນຳຂອງແຂວງ ແລະຫົວໜ້າພະແນກການ-ກົມກອງອ້ມຂ້າງແຂວງເຂົ້າຮ່ວມ. ກອງປະຊຸມຄັ້ງນີ້ ໄດ້ຮັບຮອງເອົາການສະເໜີແຕ່ງຕັ້ງ ປະທານ-ຮອງປະທານຄະນະກຳມະການເສດຖະກິດ, ແຜນການ ແລະການເງີນຂອງສະພາປະຊາຊົນແຂວງ ແລະບຸກຄະລາກອນຂອງອົງການປົກຄອງແຂວງຈຳນວນ 8 ຕຳແໜ່ງ, ຮັບຮອງເອົາບົດລາຍງານການຈັດຕັ້ງປະຕິປະບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ບົດລາຍງານຂອງອົງການໄອຍາການປະຊາຊົນແຂວງ, ສານປະຊາຊົນແຂວງ, ອົງການກວດສອບປະຈຳພາກເໜືອ, ບົດລາຍງານການເຄື່ອນໄຫວງານຂອງສະພາປະຊາຊົນແຂວງ ປະຈຳປີ 2019, ທິດທາງແຜນການ ປີ 2020 ແລະບົດສະຫຼຸບຂາດຕົວການຈັດຕັ້ງປະຕິບັດງົບປະມານ ປະຈຳປີ 2018 ແລະບົດລາຍງານການກວດກາ ຕາມຜົນການກວດສອບ ປະຈຳປີ 2017, ພ້ອມນີ້ ໄດ້ພິຈາລະນາຮັບຮອງດ້ານຫຼັກການ ກ່ຽວກັບນິຕິກໍາ ຈໍານວນ 3 ສະບັບຄື: ຂໍ້ຕົກລົງວ່າດ້ວຍ ການຄຸ້ມຄອງ ແລະປົກປັກຮັກສາ ຊີວະນາໆພັນ ໃນເຂດອານຸລັກ ນະຄອນ ຫຼວງພະບາງ ແລະເມືອງຈອມເພັດ, ຂໍ້ຕົກລົງວ່າດ້ວຍ ການແຕ່ງກາຍຂອງຜູ້ເຂົ້າຮ່ວມປະເພນີີ ແລະພິທີກຳທີ່ສຳຄັນທາງດ້ານພຸດທະສາສະໜາ ຢູ່ນະຄອນຫຼວງພພະບາງ ແລະຂໍ້ຕົກລົງວ່າດ້ວຍຍ ການຈັດສັນ ແລະຄຸ້ມຄອງຕະຫຼາດກາງຄືນ ບ້ານປ່າຂາມ ແລະບ້ານຈູມຄ້ອງ ນະຄອນ ຫຼວງພະບາງ. ວາລະກອງປະຊຸມໄດ້ມີການປະເມີນຜົນ ການປະຕິບັດໜ້າທີ່ຂອງບຸກຄະລາກອນດຳລົງຕໍາແໜ່ງ ທີ່ສະພາປະຊາຊົນແຂວງຫຼວງພະບາງເລືອກຕັ້ງ, ພ້ອມນີ້ ສະມາຊິກສະພາປະຊາຊົນແຂວງ, ສະມາຊິກສະພາແຫ່ງຊາດປະຈຳເຂດເລືອກຕັ້ງ ແລະອົງການແນວລາວສ້າງຊາດ ໄດ້ມີການຄົ້ນຄວ້າ ປະກອບຄຳເຫັນເປັນຂໍ້ຊັກຖາມ ຕໍ່ພະແນກການ-ກົມກອງກ່ຽວຂ້ອງ ແລະມີການຊີ້ແຈງບັນຫາຂໍ້ຊັກຖາມ ອັນເປັນພື້ນຖານໃຫ້ແກ່ການພັດທະນາແຂວງຫຼວງພະບາງໃຫ້ດີຂື້ນ ແລະໄດ້ມີປະຊາຊົນຜູ້ມີສິດເລືອກຕັ້ງ ໄດ້ໂທລະສັບສາຍດ່ວນສະເໜີຂໍ້ຂ້ອງໃຈຂອງຕົນ ຈຳນວນ 8 ສາຍ ມີ 10 ເລື່ອງ ເຊີ່ງຄະນະປະຈຳສະພາປະຊາຊົນແຂວງ ຈະສືບຕໍ່ນຳໄປຄົ້ນຄ້ວາ ຮ່ວມກັບພະແນກການກ່ຽວຂ້ອງ ເພື່ອຫາວິທີແກ້ໄຂ ແລະຕອບຂໍ້ຂ້ອງໃຈໃນຕໍ່ໜ້າ.