ກອງປະຊຸມຄະນະສະພາບໍລິຫານ ແລະ ຜູ້ປະສານງານສູນແພດທະຫານອາຊຽນປະຈໍາປີ 2022 ໄດ້ຈັດຂຶ້ນໃນລະຫວ່າງວັນທີ່ 15 -19 ສິງຫາ ທີ່ບາງກອກ, ຣາ​ຊະ​ອາ​ຈັກໄທ ​ພາຍ​ໃຕ້ການເປັນປະທານຂອງ​ທ່ານ ພົນ​ຈັດ​ຕະ​ວາ ຈຸນ ໂຊເຈດ ຮອງຫົວໜ້າກົມແພດທະຫານ ແລະ ຄະນະສະພາບໍລິຫານສູນແພດທະຫານອາຊຽນ​ແຫ່ງຣາ​ຊະ​ອາ​ຈັກກໍາປູເຈຍ ຊຶ່ງເປັນປະທານໝູນວຽນຂອງອາຊຽນໃນປີນີ້ ໂດຍມີສະມາຊິກອາຊຽນ 10 ປະເທດ ແລະ ປະເທດຄູ່ເຈລະຈາ 4 ປະເທດເຂົ້າຮ່ວມ ເຊັ່ນ: ສ​າ​ທາ​ລະ​ນະ​ລັດ ປະ​ຊາ​ຊົນຈີນ, ສະ​ຫະ​ພັນ ຣັດເຊຍ, ສາ​ທາ​ລະ​ນະ​ລັດ ເກົາຫຼີ ແລະ ອົດສະຕຣາລີ; ຄະ​ນະ​ຜູ້​ແທນ​ຈາກ ສ​ປ​ປ ລາວ ນໍາໂດຍ​ທ່ານ ພັນ​ເອກ ດຣ. ສີທະວົງ ບຸນປະສົງ ຮອງຫົວໜ້າກົມເສນາຮັກ, ກົມໃຫຍ່ພະລາ ທິການ, ກະຊວງປ້ອງກັນປະເທດ ແລະ ຄະນະສະພາບໍລິຫານສູນແພດທະຫານຂອງ ສ​ປ​ປ ລາວ.
ກອງປະຊຸມຄັ້ງ​ນີ້ ໄດ້ສະເໜີຜ່ານເອກະສານ ທີ່ສໍາຄັນຫຼ​າຍ​ດ້ານ ໃນ​ນີ້ໄດ້ສະຫຼຸບຕີລາຄາສະພາບການຈັດຕັ້ງປະ ຕິບັດການຮ່ວມມືໃນຂົງເຂດອາຊຽນ ກ່ຽວກັບວຽກງານການຄວບຄຸມ ແລະ ປ້ອງກັນພະຍາດລະບາດໂຄວິດ-19 ແຕ່ 2020-2022 ໂດຍກອງປະຊຸມ ແລະ ຈັດການຝຶກອົບຮົມ ຜ່ານລະບົບທາງໄກ (ວີດີໂອຄອນເຟີເຣັນ) ນໍາກັນເປັນປົກກະ ຕິໃນ​ໄລ​ຍະ​ຜ່ານ​ມາ ແລະ ກອງປະຊຸມ ຍັງໄດ້ສະເໜີແຜນການເຄື່ອນໄຫວກິດຈະກໍາຕ່າງໆ ປີ 2022 -2024 ແລະ ປຶກ ສາຫາລືວຽກງານຕ່າງໆ ທີ່ສົນໃຈນໍາກັນ. ກອງປະຊຸມໄດ້ປິດລົງ ດ້ວຍຜົນສໍາເລັດ ແລະ ຄວາມເຂົ້າອົກເຂົ້າໃຈກັນດີໃນລະຫວ່າງແພດທະຫານນໍາກັນ.
ຂ່າວ: ດວງ​ສັດ​ຈະ
Loading...