ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເພື່ອສືບຕໍ່ຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍ ການແກ້ໄຂບັນຫາຢາເສບຕິດ, ຕີຖອຍບັນຫາຢາເສບຕິດໃຫ້ຫຼຸດລົງ ແລະກ້າວໄປສູ່ປອດບັນຫາຢາເສບຕິດ ໃນວັນທີ 24 ກໍລະກົດ 2022 ຄະນະກໍາມະການສຶກສາອົບຮົມ ເປົ້າໝາຍພົວພັນຢາເສບຕິດຂັ້ນເມືອງ ໄດ້ລົງສຶກສາອົບຮົມ ແລະສ້າງບົດບັນທຶກກ່າວເຕືອນ ກັບເປົ້າໝາຍພົວພັນຢາເສບຕິດ ຢູ່ບ້ານທ່າຄັນຊົມຊົວໂດຍມີກຸ່ມເປົ້າໝາຍດັ່ງກ່າວ ເຂົ້າຮັບການສຶກສາອົບຮົມ ພ້ອມທັງເຊັນບົດບັນທຶກ ແລະປະຕິຍານຕົນ ວ່າຈະຢຸດພົວພັນຢາເສບຕິດ (ຢຸດເສບ, ຢຸດຄ້າ ແລະ ຢຸດເປັນທີພັກພາຂອງຢາເສບຕິດ) ຈໍານວນ 63 ຄົນ, 3 ຄົນ. ທັງນີ້ກໍເພື່ອກະຕຸ້ນໃຫ້ກຸ່ມເປົ້າໝາຍພົວພັນຢາເສບຕິດ ເຫັນເຖິງໄພອັນຕະລາຍຂອງຢາເສບຕິດ ຕໍ່ຕົນ ເອງ, ຄອບຄົວ, ສັງຄົມ ແລະປະເທດຊາດ ໂດຍສະເພາະແມ່ນກັບຕົວຜູ້ທີ່ຍັງຈະສືບຕໍ່ພົວພັນກບຢາເສບຕິດ ພາຍ ຫຼັງໄດ້ຮັບການສຶກສາອົບຮົບ.
ເຊິ່ງພິທີໄດ້ຈັດຂຶ້ນທີ່ສາລາໂຮງທໍາວັດບ້ານທ່າຄັນຊົມຊົວ ໂດຍການເປັນປະທານ ຂອງທ່ານ ທອງດີ ຈັນທະວົງ ເຈົ້າເມືອງລະຄອນເພັງ ມີຄະນະກໍາມະການສຶກສາອົບຮົມຂັ້ນເມືອງ, ຜູ້ນໍາພາ-ຊ່ວຍບ້ານ ແລະການຈັດຕັ້ງບ້ານທ່ານຄັນຊົວຊົວເຂົ້າຮ່ວມ.
ພາບ ແລະຂໍ້ມູນ: ຫ້ອງວ່າການເມືອງ.