ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ້າຍອາທິດທີ່ຜ່ານມານີ້, ຢູ່ຫ້ອງປະຊຸມພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ແຂວງຜົ້ງສາລີ ໄດ້ສຶກສາອົບຮົມໄວໝຸ່ມ ທີ່ພາກັນມົ້ວສຸມດື່ມນ້ຳກະທ້ອມ ໂດຍການເຂົ້າຮ່ວມຂອງ ພັຕ ສົມພອນ ໄຊຍະສອນ ຮອງພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ແຂວງ.
ໄວໜຸ່ມທີ່ມົ້ວສຸມດື່ມນ້ຳກະທ້ອມ ມີຈໍານວນ 08 ຄົນ, ຍິງ 02 ຄົນ ເຊິ່ງເຈົ້າໜ້າທີ່ກ່ຽວຂ້ອງໄດ້ສຶກສາອົບຮົມກ່າວເຕືອນ ແລະ ຍົກໃຫ້ເຫັນຜົນຮ້າຍ ແລະ ໄພອັນຕະລາຍຂອງການດື່ມນໍ້ຳກະທ້ອມ ເພາະໃບກະທ້ອມເປັນພືດທີ່ມີສານເສບຕິດ ແລະ ຍັງເປັນພືດທີ່ຜິດກົດໝາຍຂອງ ສປປ ລາວ, ເປັນພືດທີ່ບໍ່ອະນຸຍາດໃຫ້ປູກ, ປຸງແຕ່ງ, ຜະລິດ, ຊື້-ຂາຍ, ຈໍາໜ່າຍ, ຄອບຄອງ ແລະ ຫ້າມນໍາເຂົ້າ-ສົ່ງອອກ.
ທີ່ມາ: ໂຄສະນາອົບຮົມ-ຂ່າວສານ ປກສ ແຂວງຜົ້ງສາລີ