ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 9 ພຶດສະພາ 2024, ຄະນະຮັບຜິດຊອບແກ້ໄຂການລັກຂຸດຄົ້ນແຮ່ທາດ ແຂວງໄຊສົມບູນ ໄດ້ສຶກສາອົບຮົມ, ເຮັດບົດບັນທຶກກ່າວເຕືອນ ແລະ ປ່ອຍຕົວ ກຸ່ມຄົນລັກລອບຂຸດຄົ້ນແຮ່ຄໍາແບບບໍ່ຖືກຕ້ອງຕາມກົດໝາຍ ຢູ່ເຂດ ຍອດນໍ້າເວ້ ບ້ານນໍ້າຍອນ ເມືອງອະນຸວົງ ແຂວງໄຊສົມບູນ.
ພັອ ອິນປັນ ຍາດຕິວົງ ຮອງຫົວໜ້າ ປກສ ແຂວງໄຊສົມບູນ, ຄະນະຊີ້ນຳລວມແກ້ໄຂການລັກຂຸດຄົ້ນແຮ່ທາດແຂວງໄຊສົມບູນ ໄດ້ກ່າວສຶກສາອົບຮົມ ກຸ່ມຄົນກະທໍາຜິດວ່າ: ການລັກລອບຂຸດຄົ້ນແຮ່ຄໍາແບບບໍ່ຖືກຕ້ອງຕາມກົດໝາຍ ແມ່ນສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃຫ້ແຂວງໄຊສົມບູນ ພ້ອມທັງສ້າງຄວາມສິ້ນເປືອງທາງດ້ານງົບປະມານໃນການແກ້ໄຂວຽກງານ, ພ້ອມທັງໄດ້ຍົກເອົາກົດໝາຍຕ່າງໆກ່ຽວກັບແຮ່ທາດມາເຜີຍແຜ່ເຊື່ອມຊຶມ ເພື່ອໃຫ້ເຂົາເຈົ້າໄດ້ຮັບຮູ້, ເຂົ້າໃຈຢ່າງເລິກເຊິ່ງຕໍ່ແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ.
ພ້ອມນີ້, ທ່ານໄດ້ເນັ້ນຫນັກໃຫ້ຜູ້ກະທໍາຜິດດັ່ງກ່າວ ຈົ່ງເອົາໃຈໃສ່ປັບປຸງຕົນເອງໄປໃນທາງທີ່ດີ, ທໍາມາຫາກິນດ້ວຍອາຊີບທີ່ ສຸດຈະລິດ ບໍ່ຜິດຕໍ່ລະບຽບກົດໝາຍຂອງບ້ານເມືອງ ເພື່ອຫັນເຂົ້າສູ່ການກະທໍາທີ່ຖືກຕ້ອງຕາມລະບຽບຫລັກການ ແນໃສ່ຮັບປະກັນໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ.
May be an image of 11 people, people studying and text