ໃນໂອກາດຈັດກອງປະຊຸມ ຄັ້ງທີ 24 ຂອງສະພາມົນຕີ ປະເທດສະມາຊິກອົງການຮ່ວມມືຊຽງໄຮ, ກອງປະຊຸມໂຕະມົນສົນທະນາ ລະຫວ່າງ ສື່ມວນຊົນຈີນ-ປະເທດອົງການຮ່ວມມືຊຽງໄຮ ພາຍໃຕ້ການເປັນເຈົ້າພາບຂອງ ວິທະຍຸໂທລະພາບສູນກາງຈີນຫຼື CMG ໄດ້ຈັດຂຶ້ນໃນວັນທີ 3 ກໍລະກົດນີ້ຢູ່ນະຄອນຫຼວງອັສທານາ ປະເທດກາຊັກສະຖານ.
ເຈົ້າໜ້າທີ່ລັດຖະບານ, ຜູ້ຮັບຜິດຊອບສື່ມວນຊົນສຳຄັນ ແລະ ແຂກຖືກເຊີນຈາກບັນດາປະເທດສະມາຊິກອົງການຮ່ວມມືດັ່ງກ່າວ ໄດ້ລົງເລິກແລກປ່ຽນຄວາມຄິດເຫັນໂດຍປິ່ນອ້ອມ ຫົວຂໍ້ “ເຕົ້າໂຮມກຳລັງແຮງສັງລວມຂອງສື່ມວນຊົນ ເພື່ອສົ່ງເສີມ ‘ຈິດໃຈຊຽງໄຮ’”, ຜູ້ເຂົ້າຮ່ວມກອງປະຊຸມໄດ້ຍ້ອງຍໍຊົມເຊີຍ ຕໍ່ຜົນງານດ້ານການຮ່ວມມື ລະຫວ່າງ ຈີນ ກັບປະເທດອົງການຮ່ວມມືຊຽງໄຮ ໃນຂົງເຂດຕ່າງໆ ໃນນັ້ນ ລວມເຖິງການຮ່ວມມື ລະຫວ່າງ ສື່ມວນຊົນຂອງສອງຝ່າຍ, ພ້ອມທັງຫວັງວ່າຈະລົງເລິກການຮ່ວມມືກັນຕື່ມອີກໃນອະນາຄົດ, ຮ່ວມກັນຊຸກຍູ້ການສ້າງປະຊາຄົມ ຮ່ວມຊາຕາກຳຂອງອົງການຮ່ວມມືຊຽງໄຮ ທີ່ແໜ້ນແຟ້ນຍິ່ງຂຶ້ນ.
ກິດຈະກຳດັ່ງກ່າວ ໄດ້ເຜີຍແຜ່ຂໍ້ລິເລີ່ມວ່າດ້ວຍການລົງເລິກການຮ່ວມມືຕົວຈິງ ລະຫວ່າງວິທະຍຸໂທລະພາບສູນກາງຈີນ ກັບ ສື່ມວນຊົນປະເທດອົງການຮ່ວມມືຊຽງໄຮ. ໃນຕໍ່ໜ້າ, ສອງຝ່າຍຝ່າຍຈະປະຕິບັດຕາມ “ຈິດໃຈຊຽງໄຮ” ເພື່ອຮ່ວມກັນນຳສະເໜີລາຍການສື່ໃໝ່ທີ່ມີຊື່ວ່າ “‘ຈິດໃຈຊຽງໄຮ’ຂອງພວກເຮົາ” ທີ່ຜະລິດໂດຍ CMG ກ່ອນກອງປະຊຸມສຸດຍອດອົງການຮ່ວມມືຊຽງໄຮ 2025 ຈະໄຂຂຶ້ນ.
