ສື່ມວນຊົນຈາກບັນດາປະເທດກໍາລັງພັດທະນາເກືອບ 100 ຄົນ ຈາກຫລາຍກວ່າ 50 ປະເທດ ທັງຈາກປະເທດໃນອາຊີປາຊີຟິກ, ອາຟຼິກກາ, ອາເມລິກາລາຕີນ ແລະ ຢູໂຣເຊຍ ແລະ ເຂົ້າຮ່ວມສູນຂ່າວສາກົນຂອງຈີນ 2022
( China International Press Communication Center 2022: CIPCC 2022) ທີ່ສະມາຄົມການທູດປະຊາຊົນຈີນ ຈັດຂຶ້ນຢູ່ນະຄອນຫລວງປັກກິ່ງ, ເປັນເວລາ 5 ເດືອນ ຄື: ໃນລະຫວ່າງເດືືອນກໍລະກົດ ຫາ ເດືອນພະຈິກ 2022. ສໍາລັບຕາງໜ້າສື່ມວນຊົນລາວເຂົ້າຮ່ວມມີ 3 ຄົນ ຈາກ 3 ພາກສ່ວນ ຄື: ວິທະຍຸກະຈາຍສຽງແຫ່ງຊາດລາວ, ສໍານັກຂ່າວສານປະເທດລາວ ແລະ ໜັງສືພິມກອງ ທັບ ປະຊາຊົນລາວ ພາກສ່ວນລະ 1 ຄົນ.
ພິທີເປີດສູນຂ່າວດັ່ງກ່າວຢ່າງເປັນທາງການ ຈັດຂຶ້ນໃນຕອນຄໍ່າວັນທີ 12 ສິງຫາ 2022 ໂດຍການໃຫ້ກຽດເຂົ້າ ຮ່ວມຂອງ ທ່ານ ນາງ ຮວ້າ ຊຸ່ນຢິງ, ໂຄສົກກະຊວງການຕ່າງປະເທດຈີນ, ພ້ອມດ້ວຍຕາງໜ້າຈາກ ກະຊວງການຕ່າງປະ ເທດຈີນ, ສະມາຄົມການທູດປະຊາຊົນຈີນ ແລະ ພາກສ່ວນທີ່ກ່ຽວຂ້ອງຂອງຈີນ.
ຕະຫລອດໄລຍະເວລາ 5 ເດືອນ, ສື່ມວນຊົນທັງໝົດ ຈະໄດ້ຮຽນຮູ້ ແລະ ເຂົ້າໃຈກ່ຽວກັບປະເທດຈີນຫລາຍຂຶ້ນກວ່າເກົ່າ ເປັນຕົ້ນ: ຜົນສໍາເລັດໃນການພັດທະນາເສດ ຖະກິດ, ວັດທະນະທໍາ-ສັງຄົມ, ລວມເຖີງນະໂຍບາຍອັນຖືກ ຕ້ອງຂອງຈີນໃນການພັດທະນາປະເທດ ກໍຄື ນະໂຍບາຍອັນຖືກຕ້ອງໃນການພົວພັນຮ່ວມມືກັບສາກົນ ບົນພື້ນຖານຕ່າງຝ່າຍຕ່າງມີຜົນປະໂຫຍດຮ່ວມກັນ ເພື່ອຮ່ວມກັນສ້າງໂລກໃຫ້ມີຄວາມຈະເລີນສີວິໄລ, ມີຄວາມສະຫງົບສຸກ ແລະ ອື່ນໆ ໂດຍຜ່ານການແລກປ່ຽນກັບບົດຮຽນກັບຕົວ ແທນຈາກຂະແໜງການຕ່າງໆ ທີ່ກ່ຽວຂ້ອງມາບັນຍາຍແຕ່ລະຫົວຂໍ້, ລວມເຖີງການເຄື່ອນໄຫວສໍາພາດບັນດາການນໍາແຕ່ລະລະດັບ ແລະ ການທັດທະສະນະສຶກສາຕົວຈິງ ທັງຢູ່ນະຄອນຫລວງປັກກິ່ງ ແລະ ບາງແຂວງຂອງຈີນທີ່ທາງຄະນະຮັບຜິດຊອບຈັດຂຶ້ນ. ນອກຈາກນີ້ ຍັງເປັນໂອກາດດີໃຫ້ສື່ມວນຊົນຈາກແຕ່ລະປະເທດກໍາລັງພັດທະ ນາທີ່ເຂົ້າຮ່ວມສູນຂ່າວສາກົນໃນຄັ້ງນີ້ ໄດ້ແລກປ່ຽນບົດ ຮຽນເຊີ່ງກັນ ແລະ ກັນ ທັງທາງດ້ານວິຊາຊີບ ກໍຄື ກ່ຽວກັບດ້ານຕ່າງໆ ທີ່ມີຄວາມສົນໃຈຮ່ວມກັນ ເພື່ອໄປນໍາໄປໝູນ ໃຊ້ເຂົ້າໃນການປະຕິບັດວຽກງານວິຊາສະເພາະຂອງຕົນໃຫ້ດີຂຶ້ນໃນຕໍ່ໜ້າ.
ໃນໂອກາດນີ້, ທ່ານ ນາງ ຮວ້າ ຊຸ່ນຢິງ, ໂຄສົກກະຊວງການຕ່າງປະເທດຈີນ ໄດ້ຂຶ້ນກ່າວຄໍາເຫັນວ່າ ເຊີ່ງທ່ານໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເຂົ້າ ຮ່ວມສູນຂ່າວດັ່ງກ່າວຂອງສື່ມວນຊົນຕ່າງປະເທດໃນຄັ້ງນີ້. ນອກຈາກນີ້ ຍັງໄດ້ລາຍງານໂດຍຫຍໍ້ກ່ຽວກັບຜົນສໍາເລັດໃນການພັດທະນາເສດຖະກິດ-ສັງຄົມຂອງຈີນໃນໄລຍະຜ່ານມາ ເຊີ່ງເຫັນວ່າໄດ້ຮັບຜົນສໍາເລັດເປັນຢ່າງດີ, ພ້ອມນີ້ ຍັງໄດ້ຍົກໃຫ້ເຫັນແນວທາງນະໂຍບາຍອັນຖືກຕ້ອງຂອງຈີນໃນການພົວພັນຮ່ວມມືສາກົນໃຫ້ສື່ມວນຊົນຮັບຮູ້. ນອກຈາກນີ້ ທ່ານຍັງສະແດງຄວາມຫວັງວ່າ ສື່ມວນຊົນຈາກປະເທດກໍາລັງພັດທະນາທີ່ເຂົ້າຮ່ວມສູນຂ່າວສາກົນຂອງຈີນໃນຄັ້ງນີ້ ຈະຊ່ວຍໂຄສະນາເຜີຍແຜ່ຂໍ້ມູນຂ່າວສານ ກໍຄື ຄວາມເປັນຈິງໃນສິ່ງທີ່ຕົນໄດ້ເຫັນ ແລະ ສໍາຜັດ ໃນໄລ ຍະທີ່ເຂົ້າຮ່ວມໂຄງການນີ້ຢູ່ປະເທດຈີນ ເພື່ອໃຫ້ປະຊາຊົນພາຍໃນປະເທດຂອງຕົນໄດ້ຮັບຮູ້ ແລະເຂົ້າໃຈກ່ຽວກັບປະ ເທດຈີນໃຫ້ເລິກເຊີ່ງ ແລະ ກວ້າງຂວາງກວ່າເກົ່າ.
ສໍາລັບສະມາຄົມການທູດປະຊາຊົນຈີນ ໄດ້ຮັບການສ້າງຕັ້ງຂຶ້ນໃນປີ 2013, ຜ່ານມາໄດ້ຈັດເຝິກອົບຮົມໃຫ້ສື່ມວນຊົນຈາກຕ່າງປະເທດແລ້ວຫລາຍຄັ້ງ, ມີຫລາຍກວ່າ 330 ຄົນ ທີ່ໄດ້ຮັບການອົບຮົມ. ໃນນີ້ ສະເພາະສື່ມວນຊົນຈາກລາວ, ນີ້ຖືເປັນຄັ້ງທີ 4 ທີ່ໄດ້ເຂົ້າຮ່ວມສູນຂ່າວສາກົນທີ່ສະມາຄົມດັ່ງກ່າວຈັດຂຶ້ນ.
May be an image of 6 people and people standing
May be an image of 6 people and people standing
May be an image of 19 people and indoor
Loading...